ရန်ကုန်တိုင်းဒေသကြီး၊ လှိုင်သာယာစက်မူဇုန် ၄ ၊ကနောင်မင်းသားကြီးလမ်းမှာ ဖွင့်လှစ်ထားတဲ့ စွန်ညီနောင်စွန်မင်းခေါက်ဆွဲစက်ရုံတွင် အလုပ်သမား(၃၀၀)ကျော်ဖြင့်လုပ်ကိုင်လျှက်ရှိပြီး လုပ်ငန်းခွင်ထဲမှာ စံချိန်မပေးနိုင်ပါက အော်ဟစ်ဆဲဆိုခိုင်းစေတာ ရိုင်းစိုင်းစွာ ပြောဆိုပြီး စံချိန်တောင်းဆိုမှုက လည်း တစ်နေ့ထက်တစ်နေ့ ပိုများလာတယ်လို့ ဆိုပါတယ်။
အလုပ်ရှင်သည်အလုပ်သမားများရဲ့လစာများကိုအစမ်းခန့်(၃လ)ကျော်ပြီးေသာအလုပ်သမားများကို (ဒေးကြေး ၃၆၀၀ ပဲပေးပြီးခိုင်းစေနေပြီး၊ အလုပ်သမားများရဲ့စံချိန်ကိုလဲတစ်နေ့ထက်တစ်နေပိုပြီးတောင်းဆိုနေတဲ့အတွက် အဲ့ဒီမှာ လုပ်ကိုင်နေတဲ့ အလုပ်သမားတွေ အခက်အခဲ ဖြစ်ပေါ်နေတယ်လို့ ဆိုပါတယ်။
စက်ရုံမှာမန်နေဂျာရှိပါသော်လည်မန်နေဂျာမှအမည်ခံသက်သက်ထားပြီး၊ အလုပ်သမားများကိုနိုင်ငံခြားသားတရုတ်ပိုင်ရှင်ကကိုယ်တိုင်အုပ်ချုပ် ပြောဆိုမှုတွေ ပြုလုပ်တယ်လို့ အလုပ်သမားတွေက ပြောပါတယ်။
“အလုပ်သမားဉပဒေပါ ခွင့်ဖြစ်တဲ့ ရှောင်တခင်ခွင့်ဆိုတာ အလုပ်သမားတွေ ကြားတောင်မကြားဖူးဘူး မန်နေဂျာကိုမေးကြည့်တော့ သူလဲ မသိဘူးပြောတယ် လူမှုဖူလုံရေး ဆေးခွင့်ယူမယ်ဆိုလဲ အပြောအဆိုခံရလို့ ဘယ်သူ့မှ ဆေးခွင့်မယူရဲကြဘူး” လို့ အဆိုပါစက်ရုံလုပ်သားတစ်ဦးက ပြောပါတယ်။
အဆိုပါ လုပ်ငန်းခွင်ထဲမှာ ခွင့်ယူပါကစက်ရုံကခွင့်မပေးဘဲ အလုပ်သမားများမှကျန်းမာရေးမကောင်းသည့်ဖြစ်စေ၊ အကြောင်းတစ်စုံတစ်ရာကြောင့်ခွင်ယူလျှင်၊ခွင့်မပေးသည့်အပြင်အလုပ်ပါ ထုတ်ခံရတယ်လို့ သိရပါတယ်။
အလုပ်ထုတ်လိုက်သောအလုပ်သမားမျာကို လူသစ်အနေနဲ့အလုပ်ပြန်ခန့်ပြီး၊ အစမ်းခန့်ကာလ ဖြင့်ပြန်လည်းခန့်အပ်တာမျိုးတွေ လုပ်ဆောင်နေတာကြောင့် အလုပ်သမားဉပဒေပါ အခွင့်အရေးတွေ ဆုံးရှုံးရသလို အခြားသောဖိနှိပ်မှုတွေလည်း လုပ်ဆောင်နေတယ်လို့ ဆိုပါတယ်။
လုပ်ငန်းခွင်အတွင်း အသက်မပြည့်သေးသည့် လူငယ်အလုပ်သမားများလည်းရှိပြီး ဆန်အိတ်များပြိုကျမှုကြောင့် လုပ်ငန်းခွင် ထိခိုက်မှုများလည်းရှိနေတယ်လို့ ဆိုပါတယ်။
ဝန်ထမ်းတွေအနေနဲ့ အလုပ်သမားဉပဒေပါ ခံစားခွင့် ခွင့်ရက်နှင့် အလုပ်ပိတ်ရက် ခံစားခွင့်များပေးဖို့ ၃ လကျော်ပြီဖြစ်တဲ့ အလုပ်သမားတွေကို ဒေးကြေး ၄၈၀၀ ကျပ်တိုးမြှင့်ပေးဖို့ အလုပ်သမားတွေခွင့်ယူပါက ဥပဒေမဲ့ အလုပ်ထုတ်တာတွေ မပြုလုပ်ဖို့ နိုင်ငံခြားသားများ တိုက်ရိုက်အုပ်ချုပ်ခြင်းမပြုလုပ်ဖို့ နဲ့ အလုပ်သမားတစ်ဦးထုတ်လုပ်နိုင်သော စံချိန်ကိုသာတောင်းခံဖို့ အလုပ်သမားတွေက လိုလားနေတယ်လို့ ဆိုပါတယ်။
