NEWS

တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်

CoverLogo
250 Views
 
တရုတ်နိုင်ငံ၊ ယူနမ်ပြည်နယ်၊ ရင်ကျန်းမြို့ ၊ စက်မှူဇုန်(၄)မှာ ဆန္ဒပြတောင်းဆိုခဲ့တဲ့ မြန်မာလုပ်သားတွေထဲက ၂၀၀ လောက်နေရပ်ပြန်သွားကြတယ်လို့ မြန်မာနိုင်ငံ အလင်းသစ် အလုပ်သမားသမဂ္ဂများအဖွဲ့ချုပ် (NLF-Myanmar) တွဲဖက် ဥက္ကဋ္ဌက ပြောပါတယ်။
 
SHANGCHENG Garment စက်ရုံကို အလုပ်သမားတွေက အချက် ငါးချက်ကို ဆန္ဒပြ တောင်းဆိုခဲ့ပြီး စက်ရုံဘက်က လိုက်လျောတာမရှိဘဲ တရုတ်ရဲ ခေါ်ယူ ခြိမ်းခြောက်မှုတွေရှိခဲ့လို့ တောင်းဆိုမှုတွေမှာ ခေါင်းဆောင်ခဲ့သူတွေလို့ ယူဆရတဲ့ မြန်မာလုပ်သား ၂၀၀ လောက် မြန်မာနိုင်ငံဘက် ပြန်သွားခဲ့ကြတာလို့ သိရပါတယ်။
 
မြန်မာနိုင်ငံသား အလုပ်သမားတွေ အများဆုံး ခေါ်ယူ လုပ်ကိုင်ခိုင်းနေတဲ့ SHANGCHENG Garment စက်ရုံက လုပ်ခလစာ နှိမ်ပြီးပေးတာ၊ အလုပ်ချိန် တနေ့ ၁၂ နာရီကျော် လုပ်ကိုင်ခိုင်းတာ၊ အလုပ်သမားအသုံးပြုတဲ့ အိမ်သာ တွေ ညစ်ပတ်တာ၊ သုံးရေ အသုံးပြုဖို့ ခက်ခဲတာ၊ ထမင်း ဝဝလင်လင် မကျွေးတာ၊အထည် စံချိန်တွေ မတရား တောင်းတာ၊ စံချိန်မပြည့်လို့ အချိန်ပိုခိုင်းစေပြီ လုပ်ခမပေးတာနဲ့ စည်းကမ်းချက် ဖောက်ဖျက်တယ်ဆိုပြီး အလုပ်သမားတွေရဲ့ လုပ်ခလစာကို ဖြတ်တောက်တာတွေ ပြုလုပ်တယ်လို့ အလုပ်သမားတွေက ပြောဆိုထား ပါတယ်။
 
စက်ရုံဘက်က ဒီလိုချိုးဖောက်မှုတွေရှိလို့ အချိန်ပိုအိုတီကြေးပေးဖို့၊ အခြေခံ လစာ ယွမ် ၁၆၀၀ ပေးဖို့၊ ခရီးစာရိတ် ယွမ် ၃၀၀ မဖြတ်ဖို့၊ တနင်္ဂနွနေ့တွေကို အလုပ်ပိတ်ပေးဖို့ ၊ အစားအသောက် စီစဉ်ပေးဖို့ စတဲ့ အချက် ၅ ချက်ကို အလုပ်သမားတွေက စုပေါင်းတောင်းဆိုခဲ့ကြတာလို့ သိရပါတယ်။
 
အဲဒီတောင်းဆိုမှုတွေကို SHANGCHENG Garment စက်ရုံထဲမှာပဲ အလုပ်သမား ၉၀၀ ကျော်က မတ်လ ၁၇ ရက်မှာ တောင်းဆို ဆန္ဒပြခဲ့ကြတာ ဖြစ်ပါတယ်။ စက်ရုံဘက်က ခရီးစာရိတ် ယွမ် ၁၀၀ သာလျှော့ပေးပြီး ကျန်တဲ့အချက်ကို မလိုက်လျောခဲ့ဘဲ ဆန္ဒပြကာလအတွင်း တရုတ်ရဲတွေကို ခေါ်ယူ ခြိမ်းခြောက်ခဲ့တာလို့ အလုပ်သမားတွေက ပြောကြားပါတယ်။
 
SHANGCHENG Garment စက်ရုံက တရုတ်နိုင်ငံသားပိုင်စက်ရုံဖြစ်ပြီး မြန်မာအလုပ်သမား ၁၀၀၀ ကျော်က NANIIREN၊ FS 09 တံဆိပ် အင်္ကျီအထည်တွေ ချုပ်လုပ်နေတယ်လို့ သိရပါတယ်။

Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
ထိုင်း-ကော့တောင်ကျွန်းအနီး ကုန်တင်သင်္ဘောမီးလောင်မှုမှာ မြန်မာလူငယ်တဦးပျောက်ဆုံးနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
ကရိန်းပြိုကျမှုကြောင့်သေဆုံးခဲ့တဲ့ မြန်မာအလုပ် သမားတွေအတွက် ပေးရန်ကျန်ရှိတဲ့ ဘတ် ၁၁ သိန်းကိုနှစ်ပတ်အတွင်းပေးမယ်လို့လက်မှတ်ရေးထိုးထား
Apr 07, 2024
Cover
ထိုင်း ကော့တောင် ကျွန်းအနီး မြန်မာများပါဝင်တဲ့ကုန်တင်သင်္ဘောမီးလောင်
Apr 07, 2024
Cover
ရွှေ့ပြောင်းလုပ်သားအရေး လက်တွေ့လုပ်ဆောင်မှု အားနည်း
Apr 07, 2024