အလုပ်သမားတစ်ဦးလျှင်တစ်လကို အိုတီချိန် နာရီ ၃၀ စာအိုတီကြေးဖြတ်တောက်ခံနေရတဲ့အပြင် တရားဝင်ရုံးပိတ်ရက်နဲ့တနရ်နွေပိတ်ရက်တွေပါအလုပ်ဆင်းပေးနေရတဲ့အတွက်စိုးမိုးခိုင်သံရည်ကျိုစက်ကအလုပ်သမားတွေအခက်တွေ့နေရတယ်လို့သိရပါတယ်။
စိုးမိုးခိုင်သံရည်ကျိုစက်ရုံဟာရန်ကုန်တိုင်း၊ မှော်ဘီမြို့နယ်၊ မြောင်းတကာစက်မှု့ဇုန်ထဲမှာလုပ်ကိုင်နေတဲ့တရုတ်နိုင်ငံသားပိုင်စက်ရုံတခုဖြစ်ပြီးလုပ်သားဦးရေ ၂၀၀ ခန့်နဲ့လုပ်ငန်းလည်ပတ်လုပ်ကိုင်နေတယ်လို့ သိရပါတယ်။
"တစ်နေ့ကိုအချိန်ပိုလေးနာရီတစ်လကိုနာရီ ၁၂၀ ဗျာ လစာထုတ်တော့နာရီ ၈၀ စာပဲပေးတယ် သွားတောင်းတော့မင်းတို့ထမင်းစားချိန်ထဲက တရက်ကိုတနာရီနှုတ်တာတဲ့ ကဲထမင်းစားချိန်နှုတ်တယ်ထားအုံးဘယ်မလဲကျန်တဲ့ ၁၀ နာရီစာလို့ပြောတော့လဲဘာမှမပြောဘူး အမှန်နာရီလေးဆယ် စာကျတော်တို့ရရမှာလေ"လို့အဆိုပါစက်ရံမှအလုပ်သမားတဦးကဆိုပါတယ်။
အဆိုပါစက်ရုံမှအလုပ်သမားတစ်ဦးလျှင်တစ်ရက်ကို ၁၇ နာရီလုပ်ကိုင်နေရပြီးတော့ စက်ရုံတွင်းလုပ်ငန်းသဘောအရလုံခြုံရေးအကာအကွယ်များအတွက်လည်း အလုပ်သမားတွေဆီမှသာစက်ရုံဖက်ကဖြတ်တောက်တယ်လို့အလုပ်သမားတွေက Myanmar Labour News ကိုပြောပါတယ်။
"ကင်းဘတ်ဖိနပ်ဆို ၇၀၀၀၊ safety boot ဆို ၂၀၀၀၀ ဖြတ်တယ် တစ်လကိုတနဂ်နွေ ၂ ရက်ဆင်းပေးရတယ် အဲ့ဒါကိုလဲပုံမှန်အတိုင်း ၄၈၀၀ ပဲပေးနေတာ ပြောရမယ်ဆိုနားလှည်ပါးရိုက်ကိုလုပ်နေတာ"လို့အလုပ်သမားတဦးကဆိုပါတယ်။
အိုတီကြေး၊ safetyကြေးတွေကိုစက်ရုံဖက်ကအကြိုးအကြောင်းခိုင်လုံမှု့မရှိပဲအလုပ်သမားတွေဆီကဖြတ်တောက်နေတဲ့အတွက်အဆိုပါစက်ရုံအလုပ်သမားတွေအနေနဲ့များစွာအခက်အခဲတွေ့ကြရတယ်လို့နစ်နာသူအလုပ်သမားတွေကဆိုပါတယ်။
"ခုလဲသကြ်န်တွင်းဆင်းခိုင်းတယ် နှစ်ဆပေးမယ်လို့တော့ပြောတာပဲ လစာဆိုလဲအပြည့်လဲမပေးဘူး ပေးစလစ်ထဲမှာလဲရတဲ့လစာကိုလျော့ရေးထားတယ်"လို့အလုပ်သမားတဦးကထပ်ပြောပါတယ်။
စိုးမိုးခိုင်သံရည်ကျိုစက်ရုံမှာအလုပ်သမားသမဂ္ဂမရှိတဲ့အတွက်စက်ရုံဖက်ကအလုပ်သမားအခွင့်အရေးချိုးဖောက်မှု့တွေအတွက်တိုင်ကြားဖို့အခက်အခဲတွေ့နေရတယ်လို့အလုပ်သမားတွေရဲ့ပြောကြားချက်အရသိရပါတယ်။
အလုပ်သမားတွေဖက်ကတော့အိုတီချိန်အပြည့်အဝထည့်တွက်ပြီးစက်ရုံဖက်ကပေးချေဖို့၊ တရားဝင်ရုံးပိတ်ရက်တွေမှာဆင်းပေးနေရတဲ့အချိန်ပိုကြေးတွေကိုနည်းလမ်းမှန်မှန်နဲ့ရရှိဖို့တောင်းဆိုနေတယ်လို့ သိရပါတယ်။
