လူမှုဖူလုံကြေးလစဉ်ဖြတ်တောက်ပေမယ့် အကျိုးခံစားခွင့်တွေဖြစ်တဲ့ ဆေးခွင်လိုခွင့်မျိုးတွေမရရှိဘူးလို့ဆိုပါတယ်။ဒါ့အပြင် အလုပ်သမားတွေရသင့်တဲ့ ပုံမှန်ခွင့်ရက်မျိုးတွေပါ မရရှိဘဲ အတင်းအကြပ် အချိန်ပိုဆင်းခိုင်းတာတွေလည်းရှိနေလို့ လုပ်ငန်းခွင်မှာ အခက်အခဲတွေကြုံတွေ့နေရတယ်လို့ NEX STAR GARMENT အထည်ချုပ်စက်ရုံလုပ်သားတွေကပြောပါတယ်။
စက်ရုံတွင်းမှာ အထည်ချုပ်စက်ရုံလုပ်သားတွေကို ကြီးကြပ်တဲ့ စူပါတွေရှိနေပေမယ့် စက်ရုံမှ တရုတ်နိုင်ငံသား အမျိုးသမီးက အော်ဟစ်ဆဲဆိုတာတွေ အရှက်ရအောင် ပြောဆိုတာတွေပြုလုပ်နေတယ်လို့ဆိုပါတယ်။
“တနင်္ဂနွေနေ့အလုပ်ပိတ်ရက်ကိုလည်း အလုပ်သမားတွေကို အနားမပေးဘဲ အပတ်စဉ်အိုတီခေါ်ပါတယ်။နေ့စား၀န်ထမ်းများကိုသုံးလမပြည့်သေးလို့ဆိုပြီးသကြင်္န်ပိတ်ရက်(၁၀)ရက်စာကိုလည်းအလုပ်ရှင်မှဖြတ်တောက်ထားတယ် နိုင်ငံရေး မကောင်းဘူးဆိုမှ အခွင့်ကောင်ယူပြီးအလုပ်သမားတွေ အပေါ်ကို ဥပဒေကိုနည်းလမ်းမျိုးစုံဖြင့်ချိုးဖောက်နေပါတယ် လို့ အဆိုပါ စက်ရုံမှ အထည်ချုပ်လုပ်သားတစ်ဦးက ပြောပါတယ်။
သကြင်္န်ပိတ်ရက်(၁၀)ရက်စာဖြတ်တောက်ခံထားရတဲ့ အလုပ်သမားတွေအနေနဲ့ အလုပ်ရှင်ဘက်မှပြန်ပေးရန် အလုပ်သမားတွေလိုလားနေကြတယ်လို့ဆိုပါတယ်။
ဒါ့အပြင်လုပ်ငန်းခွင်အတွင်း နိုင်ငံခြားသားတရုတ်လူမျိုးမှတိုက်ရိုက်အုပ်ချုပ်နေခြင်း၊ ဆဲဆို၊ အော်ဟစ်၊ လက်နဲရွယ်ခြင်းများမ ပြုလုပ်ရန် နဲ့ အချိန်ပိုအိုတီများအောနိုက်၊ အောလင်းများခေါ်ယူရာတွင်အလုပ်သမားသဘောဆန္ဒမပါဘဲ မခေါ်ယူဖို့ တနင်္ဂနွေပိတ်ရက်များကိုနားရက်ပေးရန်တောင်းဆိုလိုတယ်လို့ ဆိုပါတယ်။
ရန်ကုန်တိုင်း လှိုင်သာယာစက်မှုဇုန် ကနောင်မင်းသားကြီးလမ်းနဲ့ ဖန်ချက်ဝန်ဦးညွှန်လမ်းမှာဖွင့်လှစ်ထားပြီး ဝန်ထမ်း ၁၅၀၀ နီးပါးနဲ့လည်ပတ်နေတဲ့ အဆိုပါစက်ရုံမှာ JOHN Baner, Women’secret စတဲ့အမှတ်တံဆိပ်တွေချုပ်လုပ်နေတာ ဖြစ်တယ်လို့ သိရပါတယ်။
