ရန်ကုန်တိုင်းဒေသကြီး၊ လှိုင်သာယာမြို့နယ်၊ ခြံအမှတ်(-)၊ စက်မှုဇုန်(၂)၊ မင်းသားကြီးမောင်ပျိုလမ်း၊ဗိုလ်ချုပ်လမ်းမကြီးနားတွင်ဖွင့်လှစ်ထားသော New TOP LOTUS CO, LTD စက်ရုံဟာ ကလေးလုပ်သားများကိုပါခိုင်းစေနေပြီးအလုပ်သမားအခွင့်အရေးချိုးဖောက်နေတယ်လို့ သိရပါတယ်။
တရုတ်နိုင်ငံသားပိုင်စက်ရုံဖြစ်ကာ အလုပ်သမား (၁၀၀၀)ကျော်ဖြင့် COLIN’S တံဆိပ် အနွေးထည်ဂျာကင်များချုပ်လုပ်နေတဲ့ အလုပ်သမား သမဂ္ဂမရှိတဲ့စက်ရုံလည်းဖြစ်ပါတယ်။
စက်ရုံအလုပ်သမားတွေထဲမှာ လုပ်ငန်းခွင်မှာအလုပ်လုပ်ကိုင်ရမယ့် အသက် အရွယ်မပြည့်သောလူငယ်၊လူရွယ် အလုပ်သမား(၅၀)ကျော်အထိရှိနေကာကျန်းမာရေးကောင်းမွန်ကြောင်း ထောက်ခံချက်မပါဘဲ လူကြီးအလုပ်သမား များနှင့်လည်းတန်းးတူခိုင်းစေနေတာလို့ သိရပါတယ်။
အခွင့်အရေးချိုးဖောက်မှုအနေနဲ့ အလုပ်သမားများခံစားခွင့်ရှိတဲ့ဥပဒေပါအခွင့်အရေးများကိုမပေးခြင်း၊ အလုပ်သမားများရက်ပျက်လျင် ရှောင်တခင်ခွင့်တိုင်းကြား လျင်လည်း ရှောင်တခင်ခွင့်ကို အလုပ်ရှင်ဘက်မှမပေးပါဘူးလို့ တရားဝင်ပြောထားခြင်း၊ နေထိုင်မကောင်း ဖြစ်လျှင်လူမှုဖူလုံးရေးဆေးခွင့်ကို(၃)ရက်ပဲပေးမည်ပြောသည့်အပြင် ဆေးခွင့်ဖြင့်ရက်ပျက်လျင်လည်းအ လုပ်သမားလစာထဲမှ ပိုက်ဆံဖြတ်တောက်ခြင်း၊ အလုပ်ရှင်ဘက်မှ အလုပ်သမားများခံစားခွင့်ရှိသောရှောင်တ ခင်ခွင့်၊ ဆေးခွင့်များမပေးခြင်းအတွက် ဒေးကြေး+ထောက်ပံ့ကြေး(၇၈၀၀)ကျပ်၊ ရက်မှန်ကြေး (၃၀၀၀၀) ကျပ် ၊ကျွမ်းကျင်ကြေးပါ ဖြတ်တောက်ခံနေရခြင်းတွေ ကြောင့်အလုပ်သမားများမှာ နစ်နာမှုရှိနေတယ်လို့ အလုပ်သမားတွေထံကသိရပါတယ်။
ဒါ့အပြင် လုပ်ငန်းခွင်ထဲတွင် အထည်စံချိန်များကို မတရားတောင်း ခံပြီး စက်လိုင်းတစ်လိုင်းကိုလူဦးရေ ၉၀ ကျော်ရှိပြီး တစ်နာရီအထည်၃၅ပေးရတယ်လို့ ပြောပါတယ်။
" အလုပ်ရှင်ဘက်ကမတရားတောင်းခံတဲ့အထည်စံချိန်ကို ပြည့်မီအောင်မပေးနိုင်တဲ့ အလုပ်သမားတွေကို အောစူပါ၊ စူပါတွေကအော်ဟစ် ဆဲဆိုတာတွေ နေ့တိုင်းလုပ်တာ။ အထည်စံချိန်တောင်းခံတာကများတော့ အလုပ်ရှင်က တောင်းတဲ့စံချိန်အရေအတွက်ပြည့်ဖို့ခက်တော့ အလုပ်သမားတွေက အိမ်သာမသွား ရေမသောက်ပဲချုပ်ရတယ်။ ဒါလည်း စံချိန်ပြည့်ဖို့ခက်တယ်။ အလုပ်သမားတွေက အဆဲဆိုမခံချင်တော့ အသဲသန်ချုပ်ပေးရတယ်" လို့ အလုပ်သမားက ပြောဆိုပါတယ်။
စက်ရုံလုပ်ငန်းရှင်ဟာဒေးကြေး+ထောက်ပံ့ကြေး(၇၈၀၀)ကျပ်ပေးပြီး အလုပ်ပိတ်ရက်ကို(၆၈၀၀)ကျပ်ဖြင့်ပေးကာ ရက်မှန်ကြေး(၃၀၀၀၀)ကျပ်ကိုတော့ Hp ကိုရက်မှန်ကြေးမပေးထားခြင်း၊ HPအလုပ်သမားများလည်း ၎င်းစက်ရုံ၏တစ်မိုးအောက်ထဲ အလုပ်အတူတူလုပ်ရခြင်း၊ အလုပ်ရှင်တောင်းသော စံချိန်ကိုပေးရချင်းအတူရက်မှန်ကြေးကိုခွဲခြားပြီးပေးနေတာကြောင့် နစ်နာနေရတယ်လို့ ပြောပါတယ်။
" စက်ရုံက ရုံ၁ ရုံ၂ ဆိုပြီး ၂ရုံတွဲရှိတယ်။ အလုပ်သမားတွေအတွက် ဖယ်ရီးကားပုံမှန်မရှိဘူး။ ဖယ်ရီကားစီးရတာ မနက်ညလူအရမ်းကျပ်ပြီး ဗိုလ်ချုပ်ဘက်ကအလုပ် သမားအများ စုကားမဆန့်လို့ လမ်းလျှောက်ရတာများတယ်" လို့ ဆိုပါတယ်။
အဲ့ဒီလိုအလုပ်သမားအခွင့်အရေးချိုးဖောက်ခံရမှုတွေအတွက် အလုပ်သမားများဟာ ၁။ အလုပ်ရှင်ဘက်မှ အလုပ်သမားများခံစားခွင့်ရှိသော ရှောင်တခင်ခွင့်၊ ဆေးခွင့်များခံစားခွင့်ပြုရန်၊ ၂။ အလုပ်ရှင်ဘက်မှ အလုပ်သမားများဖယ်ရီကား ကြပ်တည်းစွာစီးနေရခြင်းကို ဆောင်ရွက်ပေးရန်။ ၃။ အလုပ်ရှင်ဘက်မှ အလုပ်သမားများချုပ်လုပ်န်ုင်သော စံချိန်ကိုတောင်းခံရန်။၄။ အလုပ်ရှင်ဘက်မှ အော်စူပါ၊ စူပါတွေက အထည်စံချိန်တောင်းခံရာတွင် အော်ဟစ် ဆဲဆိုခြင်းများ မပြုလုပ်ရန်စတဲ့ တောင်းဆိုချက်တွေကိုဖြေရှင်းပေးစေလိုတယ်လို့ ပြောဆိုပါတယ်။
