NEWS

စက်ရုံအလုပ်သမားတွေ ပြည်ပနိုင်ငံတွေမှာသွားရောက်လုပ်ကိုင်ဖို့ အကူညီတောင်းခံသူ ၄၀၀ ၀န်းကျင်အထိရှိလာ

CoverLogo
880 Views

ယခုနှစ်၂၀၂၃ခုနှစ် လတ်တလောကာလအတွင်းမှာ  ရန်ကုန်မြို့တွင်းကစက်ရုံအလုပ်ရုံက  အလုပ်သမား တွေဟာ  ပြည်ပနိုင်ငံတွေမှာသွားရောက်လုပ်ကိုင်ဖို့အတွက်  အကူညီတောင်းခံလာသူ ၄၀၀ ၀န်းကျင် လောက်အထိရှိလာတယ်လို့ ပြည်တွင်းအလုပ်သမားရေး ကူညီဆောင်ရွက်သူများထံမှ  သိရပါတယ်။

“လက်ရှိစက်ရုံပိတ်တဲ့စာရင်းက အပြည့်မရသေးဘူး။ အကူညီတောင်းခံလာတာကတော့   ပြည်ပကို ထွက်ခွာဖို့  အကူညီရနိုင်မလား တောင်းခံလာတာတော့ရှိတယ်။ လက်ရှိကတော့ ပတ်စပို့ရုံးကပိတ်ထား တော့  MoU ကလဲ အချိန်အများကြီးစောင့်ရတော့   အောက်လမ်းကထွက်ကြဖို့ကိုပဲတွေးကြတယ်။  အလုပ်သမားတွေကတော့   များလာဖို့ပဲရှိတယ်။  စက်ရုံတွေက ဆက်တိုက်ပိတ်လာဖို့များတယ်။  ပြည်ပထွက်ခွာမဲ့အလုပ်သမားက  ၄၀၀ ၀န်းကျင်လောက်ရှိမယ်” လို့ ပြည်တွင်းအလုပ်သမားရေးကူညီ ဆောင်ရွက်သူတစ်ဦးက ဆိုပါတယ်။  

ပြည်တွင်းမှာ စစ်အာဏာသိမ်းပြီးနောက် စက်ရုံအလုပ်ရုံတွေပိတ်သိမ်းမှုတွေနဲ့  ယာယီပိတ်သိမ်းတွေရှိလာ သလို  အလုပ်သမား လျှော့ချမှုတွေလည်းပြုလုပ်တာကြောင့် အလုပ်လက်မဲ့ဦးရေလည်းပိုမိုများပြားလာကာ ပြည်ပနိုင်ငံများသို့ သွားရောက်လုပ်ကိုင်မှုတွေ မြင့်တက်လာတာပဲဖြစ်ပါတယ်။  

"သွားချင်တာ ပိုက်ဆံစုနေတာ တဝက်က အကြွေးနဲ့သွားမှာ  ဒီမှာလုပ်ရတာက မသေရုံတမယ် စားဖို့တောင်အနိုင်နိုင် အိမ်ကို လဲပြန်မပေးနိုင်တော့ဘူး။ ဖြစ်ချင်တာကတော့ ကိုယ်ပိုင်ဆိုင်လေး တစ်ဆိုင်ဖွင့်ချင်တာ နိုင်ငံခြားကိုအရင်သွားမှ ဖြစ်တော့မှာမို့ သွားဖို့ဆုံးဖြတ်တာပါ စိတ်တော့ပူတာပေါ့ "လို့ အထည်ချုပ်စက်ရုံအလုပ်သမတစ်ဦးကပြောဆိုပါတယ်။

ပြည်တွင်းကစက်ရုံအလုပ်သမားတွေအနေနဲ့   ပြည်ပနိုင်ငံမှာသွားရောက်လုပ်ကိုင် လိုသူတွေများပြားလာတာကြောင့်  အသိပညာပေးမှုတွေပြုလုပ်ပေးနေရသလို  ပွဲစားလိမ်လည်ခံရမှုတွေနဲ့ အေဂျင်စီအတုအယောင်တွေ့ရဲ့ငွေကြေးလိမ်လည်ခံရတာတွေကလည်း ဆက်တိုက်ရှိလာတာကြောင့်  လိမ်လည်ခံရတဲ့ငွေကြေးပြန်လည်ရရှိစေဖို့  လိုက်လံကူညီပေးရမှုတွေလည်း ပိုမိုလုပ်ဆောင်လာရတယ်လို့ ပြည်တွင်းပြည်ပအလုပ်သမားများအား  ကူညီဆောင်ရွက်ပေးနေသူတစ်ဦးကလည်း ဆိုပါတယ်။

#MyanmarLabourNews


Related posts

Cover
အထည်ချုပ် အလုပ်သမားအသစ်များအပေါ် ခွဲခြားဆက်ဆံမှုများ၊ ဆိုးရွားသည့် လုပ်ငန်းခွင် အခြေအနေများ
May 11, 2025
Cover
Suntime Jck အထည်ချုပ်စက်ရုံတွင် အလုပ်ရပ် တောင်းဆိုမှု ပြုလုပ်
May 10, 2025
Cover
Rainbow Tec Myanmar အထည်ချုပ် လုပ်သက်တစ်နှစ်ကျော်သည်အထိ လစားအဖြစ် မခန့်
May 10, 2025
Cover
ငလျင်ဘေးသင့် လူမှုဖူလုံရေးအာမခံ လုပ်သားများ သဘာဝ ဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် လျှောက်ထားနိုင်
May 09, 2025
Cover
ခွင့်ပြန် EPS လုပ်သားများ ထွက်ခွာခွင့်အမည်စာရင်း ပါရှိမှသာ ပြည်ပကို ပြန်ထွက်နိုင်မည်ဟုဆို
May 09, 2025
Cover
Myanmar Jiale Fashion စက်ရုံ လစာပြန်ပေး၊ အလုပ်သမားများ လစာအတွက် စိုးရိမ်မှု ရှိနေ
May 09, 2025
Cover
Myanmar Handsome အထည်ချုပ်စက်ရုံ တပတ် နာရီ ၂၀ ကျော် အချိန်ပို လုပ်ခိုင်း
May 09, 2025
Cover
ကျောင်းသူအရွယ် မိန်းကလေးငယ်ကို တရုတ်မယား ပြုလုပ်ရန် စည်းရုံးတဲ့ တရုတ်နိုင်ငံသားအပါ ၃ ဦး ကို အလုပ်နှင့်ထောင်ဒဏ် ၁၀ နှစ်စီချ
May 09, 2025