"အရင်က ဥပဒေအကြောင်းလာမပြောနဲ့ အခုကအရင်နဲ့ မတူဘူး"လို့ ပြောဆိုတဲ့ စက်ရုံမန်နေဂျာရဲ့ ဥပဒေမဲ့ လုပ်ရပ်ကို အလုပ်သမားများ မခံမရပ်နိုင်ဖြစ်နေ

cover
profile
Jan 19, 2023

"အရင်က ဥပဒေအကြောင်းလာမပြောနဲ့ အခုကအရင်နဲ့ မတူဘူး"လို့ ပြောဆိုပြီး  လုပ်ငန်းခွင် အတွင်းက စက်ရုံမန်နေဂျာရဲ့ ဥပဒေမဲ့  လုပ်ရပ်ကို  Myanmar Guotai Huasheng Glory စက်ရုံအလုပ်သမားတွေ မခံမရပ်နိုင်ဖြစ်နေပါတယ်။

လုပ်ငန်းခွင်ထဲမှာ အလုပ်ရှင် အလုပ်သမားသဘောတူစာချုပ်  EC contract  ကို အလုပ်ရှင်ဘက်က လိုက်နာမှုမရှိသလို ပြဿနာ တစ်စုံတစ်ရာ ဖြစ်ပွားပါက ဖြေရှင်းပေးတာမရှိဘဲ ဖိနှိပ်မှုတွေ ပြုလုပ်နေတာလို့ အလုပ်သမားတွေက ပြောပါတယ်။

PRIMARK၊ esmara၊ INEXTENSO   စတဲ့ အမှတ်တံဆိပ်တွေချုပ်လုပ်တာဖြစ်ပြီး တရုတ်နိုင်ငံသားပိုင်ဖြစ်တဲ့ အဲ့ဒီစက်ရုံဟာ  လှိုင်သာယာမြို့နယ် စက်မှုဇုန် ၂ ဦးထွန်းညိုလမ်းမှာ အလုပ်သမား ၇၀၀ ကျော်နဲ့ လုပ်ငန်းလည်ပတ်နေတာပါ။

"အလုပ်ဆင်းရက် ၆ ရက်မှာ အလုပ်ရှင်တောင်းထားတဲ့စံချိန်ပြည့်ရင် ဆုကြေးရတယ် အခုမန်နေဂျာက ဆုကြေးမပေးချင်လို့ စံချိန်တွေကို တိုးတောင်းတယ် ဆုကြေးတွေကိုလည်း တနင်္ဂနွေ အိုတီဆင်းမှ ပေးတယ် မဆင်းရင်မပေးဘူး"လို့ အမည်မဖော်လိုတဲ့ အလုပ်သမားက‌ ပြောပါတယ်။

အရင်က လုပ်ငန်းခွင်ထဲမှာ အလုပ်သမား သမဂ္ဂဖွဲ့စည်းထားပေမယ့် အာဏာသိမ်းပြီးနောက်ပိုင်းမှာတော့ သမဂ္ဂပြိုကွဲသွားကာ အရင်က အဖွဲ့ဝင်ဖူးတဲ့ အလုပ်သမားတွေကို ခွဲခြားဆက်ဆံတာတွေ ပြုလုပ်နေတယ်လို့ အဲ့ဒီဖြစ်ရပ်ကို မြင်တွေ့ရတဲ့ အလုပ်သမားတွေက ပြောဆိုပါတယ်။ ခွဲခြားဆက်ဆံမှုတွေကို တာဝန်ရှိသူထံသွားရောက် တိုင်ကြားပါကလည်း ဖြေရှင်းပေးတာမရှိဘူးလို့ ဆိုပါတယ်။

၂၀၂၂ ဒီဇင်ဘာက လုပ်ငန်းခွင်ထဲမှာ ထိခိုက်ဒဏ်ရာ ရခဲ့တဲ့ အလုပ်သမားကို ထောက်ပံ့ဖို့ အလုပ်သမားတွေဆီက ငွေကြေး အတင်းအဓမ္မကောက်ခံခဲ့တယ်လို့ ဆိုပါတယ်။ဒါ့အပြင် ကျန်းမာရေး ထိခိုက်သွားတဲ့ အလုပ်သမားတွေကိုလည်း အကြောင်းပြချက် မခိုင်လုံဟု ဆိုတာ တာဝန်ယူမှုမရှိဘဲ ထောက်ပံ့ခြင်းမရှိခဲ့ဘူးလို့ ဆိုပါတယ်။

"အလုပ်ထဲမှာလည်း နေ့တိုင်း နားမခံသာအောင် ဆဲဆိုခံရတယ် ဆဲတဲ့လူက ယောက်ကျားလေးဖြစ်ပြီး အဆဲခံရတာက အမျိုးသမီးတွေပါ ပြောလိုက်ဆဲလိုက်တာ ဂုဏ်သိက္ခာမဲ့လွန်းတယ်"လို့ မခံမရပ်နိုင်ဖြစ်နေတဲ့ အမျိုးသမီးအလုပ်သမားတစ်ဦးက ပြောဆိုပါတယ်။

အလုပ်သမားတွေအနေနဲ့ လုပ်ငန်းခွင်ထဲမှာ   EC စာချုပ်လိုက်နာဖို့နဲ့ ဥပဒေမဲ့တွေ မလုပ်ဖို့ လိုလားနေကြပါတယ်။အလုပ်သမားသမဂ္ဂအဖွဲ့ဝင်ဟောာင်းတွေကို ခွဲခြားဆက်ဆံခြင်းမပြုဖို့၊  လုပ်ငန်းခွင်ထဲ ရိုင်းရိုင်းစိုင်းစိုင်းတွေ မပြောဖို့ နဲ့ ငွေကြေး အတင်းကောက်ခံတာတွေ မလုပ်ဖို့ လည်း ထပ်မံတောင်းဆိုလိုတယ်လို့ အလုပ်သမားတွေထံကသိရပါတယ်။

#MyanmarLabourNews

 

 

382 Views

Related News

cover
လုပ်အားခတိုးပေးဖို့တောင်းဆိုလို့ အလုပ်ထုတ်ခံရတဲ့ မြန်မာပေါင်ချိန်စက်ရုံက အလုပ်သမားတွေထဲက ၃ ဦး လုပ်ငန်းခွင်ပြန်လည်ဝင်ရောက်
Jan 31, 2023
cover
CMP စနစ်နဲ့လည်ပတ်နေတဲ့ ပြည်တွင်းအထည်ချုပ်စက်ရုံအလုပ်သမားတွေ ခွင့်ခံစားခွင့်တွေဆုံးရှုံးနေပြီး အလုပ်သမားအခွင့်အရေးများဆုံးရှုံးနေရ
Jan 30, 2023
cover
အလုပ်သမား ၁၀၀ ဝန်းကျင်နဲ့ လည်ပတ်နေတဲ့ HONE KONG ကြာဆံစက်ရုံမှာ အလုပ်သမား ၅၀ ကို အကြောင်းပြချက်မပေးဘဲ အလုပ်နားခိုင်း
Jan 26, 2023
cover
တရုတ်နိုင်ငံသားတွေ တိုက်ရိုက်အုပ်ချုပ်နေပြီး ည ၁၂ နာရီအထိ အိုတီဆင်းနေရတဲ့ Sunrise (Myanmar) စက်ရုံအလုပ်သမားတွေ အခက်တွေ့နေ
Jan 23, 2023
cover
ZARA, CRIVIT စတဲ့ နာမည်ကြီးအမှတ်တံဆိပ်တွေချုပ်လုပ်တဲ့စက်ရုံမှာ အလုပ်သမားအခွင့်အရေးချိုးဖောက်မှုတွေကြုံတွေ့နေရ
Jan 15, 2023
cover
အလုပ်သမားသမဂ္ဂဖွဲ့စည်းရန်ကြိုးပမ်းပါက အလုပ်ထုတ်ခံနေရပြီး လုပ်ငန်းခွင်ဆိုင်ရာချိုးဖောက်မှုတွေခံစားနေရတယ်လို့ဆို
Jan 12, 2023
cover
အလုပ်သမားတွေချုပ်လုပ်နေတဲ့ အထည်စံချိန်မတန်တဆတိုးတောင်းကာ ဂရိတ်လျှော့ချတာတွေ ကြောင့် လစာရရှိမှုနည်းပါးလို့ အလုပ်သမားတွေအခက်အခဲဖြစ်နေ
Jan 9, 2023
cover
ဥရောပနှင့် ဂျပန်ကို အထည်ချုပ်လုပ်တင်ပို့နေတဲ့ စက်ရုံမှာ အချိန်ပိုအလွန်အကျွံဆင်းနေရ အမျိုးသမီးအလုပ်သမားတွေ မကြာခဏလုယက်ခံနေရပြီး၊ လုပ်ငန်းခွင်အတွင်း တရားဥပဒေကင်းမဲ့နေတယ်လို့ အလုပ်သမားတွေပြော
Jan 5, 2023
cover
လုပ်ငန်းခွင်အတွင်း ရိုင်းစိုင်းစွာပြောဆိုပြီး အခြေခံရပိုင်ခွင့်တွေမရရှိဘူးလို့ အထည်ချုပ်အလုပ်သမားတွေပြော
Jan 5, 2023
cover
၂၀၂၂ ခုနှစ် တစ်နှစ်တာအတွင်း အလုပ်သမားအခွင့်ရေးချိုးဖောက်ခံရလို့အကူအညီ တောင်းခံလာတဲ့ အမှုပေါင်း ၃၀၀ ကျော်ရှိ
Jan 4, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle