တောင်ကိုရီးယားအစိုးရက မြန်မာအပါအဝင် နိုင်ငံခြားသားလုပ်သားသစ် ၁၀,၀၀၀ ခန့်ထပ်တိုးခေါ်ဖို့ စတင်လက်ခံ

cover
profile
Sep 20, 2022

တောင်ကိုရီးယားလုပ်ငန်းရှင်တွေရဲ့  မြန်မာအလုပ်သမားအပါအဝင် နိုင်ငံခြားသားလုပ်သားသစ် ၁၀,၀၀၀ အထိ ထပ်တိုးခေါ်ယူခွင့်တွေကို တောင်ကိုရီးယားအစိုးရက  စတင်လက်ခံနေပြီလို့ ကိုရီယားသင်တန်းကျောင်းတွေထံကနေ  သိရပါတယ်။

''စက်တင်ဘာ ၁၉ ရက်မှ ၂၉ ရက်အထိ ကိုရီးယား လုပ်ငန်းရှင်များက ၁၆ နိုင်ငံမှ နိုင်ငံခြားသား လုပ်သား အီးနိုင်း လုပ်သားသစ် တစ်သောင်းကို ခေါ်ရန်အတွက် လျှောက်လွှာများ လျှောက်ထား နိုင်ပြီဖြစ်ကြောင်း ကိုရီးယားအလုပ်သမား ဝန်ကြီးဌာနက စက်တင်ဘာ ၁၈ ရက်မှာ ထုတ်ပြန်လိုက်တယ်'' လို့ ကိုရီးယားသင်တန်းကျောင်းတစ်ခုမှ ဦးဇော်မိုးအောင်(ကိုရီးယား)က ဆိုပါတယ်။

လုပ်သား ၁၀၀ အထက်ရှိတဲ့ စက်ရုံအလုပ်ရုံများမှ လုပ်ငန်းရှင်တွေဟာ နိုင်ငံခြားသား လုပ်သားသစ်များ ထပ်မံခေါ်ယူရန် ပြင်ဆင်ထားပြိး လျှောက်ထားတာတွေကို စတင်လက်ခံပြီး  လာမည့်လမှစတင်ကာ စက်ရုံ အလုပ်ရုံပေါင်း ၁၅၀၀ ကို  စစ်ဆေးမှုတွေပြုလုပ်သွားမယ်လို့ သိရပါတယ်။

အလုပ်သမားလိုအပ်နေတဲ့ လုပ်ငန်းရှင်တွေလိုအပ်ချက်အရ စစ်ဆေးပြီး
ခေါ်ယူခွင့်ပြုမယ့်လုပ်ငန်းတွေဟာ ကုန်ထုတ်လုပ်ငန်းကဏ္ဍအတွက် ၆,၈၀၀ ဦး၊ မွေးမြူရေးနဲ့စိုက်ပျိုးရေးအတွက်  ၁,၃၀ ဦး၊ ရေလုပ်ငန်းအတွက် ၆၁၀ ဦးနဲ့ ဆောက်လုပ်ရေးအတွက် ၃၆၀ ဦးအပါအဝင် စုစုပေါင်းလုပ်သားသစ်တစ်သောင်းခန့်ကို ထပ်မံခေါ်ယူမှာဖြစ်တယ်လို့ သိရပါတယ်။

"မြန်မာအလုပ်သမားတွေအတွက် အခွင့်အရေးများနေချိန် ကိုယ့်မြန်မာလုပ်သားတွေ များများပါစေချင်တာပဲ။ ခုနှစ်ထဲခေါ်မဲ့ဟာအတွက်တောင်မှ ခုထိဖြေဆိုဖို့ မသိရသေးဘူး။ POEA ကတိတိကျကျနဲ့မြန်မြန်ဆန်ဆန်ဆောင်ရွက်စေချင်တယ်။ စာမေးပွဲဖြေဆိုစောင့်ရတဲ့ကလေးတွေက မျှော်တလင့်လင့်နဲ့ အလုပ်သမားတွေအပေါ် စာနာဖို့သင့်တယ်''လို့ တောင်ကိုရီးယားစာ​မေးပွဲဖြေဖို့စောင့်ဆိုင်းနေသူတစ် ပြောပါတယ်။

တောင်ကိုရီးယားနိုင်ငံဟာ ယခုနှစ်ထဲမှာပဲ နိုင်ငံခြားသားလုပ်သား ၆၈,၀၀၀ ဦးအထိ ခေါ်ယူဖို့သတ်မှတ်ထားပြီးဖြစ်ပေမဲ့ထပ်မံလိုအပ်တာကြောင့် နောက်ထပ်လုပ်သားသစ်၁၀,၀၀၀ထပ်တိုးခေါ်ယူခွင့်ပြုလိုက်တာဖြစ်တယ်လို့ သိရပါတယ်။

တောင်ကိုရီးယားအလုပ်အကိုင်အရည်အချင်းစစ်စာမေးပွဲ (EPS)ဝင်ရောက် ဖြေဆိုမည့်သူများအနေဖြင့် ကုန်ထုတ်လုပ်ငန်းအတွက် နှစ်သောင်းခွဲကျော်ခန့် ဖောင်တင်ထားပြီး  ဆောက်လုပ်ရေးလုပ်ငန်းအတွက် ငါးထောင်ကျော်ခန့်  စိုက်ပျိုးရေးနဲ့မွေးမြူရေးလုပ်ငန်းအတွက် လေး​ထောင်ကျော်ခန့်  လျှောက်ထားသူစုစုပေါင်း  ၃၇,၄၃၈ ဦးရှိခဲ့ပြီး  ဩဂုတ် ၁၆ ရက်မှာ ကျင်းပမယ်လို့ မူလက ​ကြေညာခဲ့ပေမဲ့ လက်ရှိအချိန်ထိ ေဖြဆိုနိုင်ခြင်းမရှိတဲ့အပြင် ယခုနှစ်ဖြေဆိုခွင့်မရရှိနိုင်တော့ တဲ့သတင်းတွေအပေါ်  ထုတ်ပြန်ကြေငြာခြင်းလည်းမရှိတာကြောင့် ဝေဖန်မှုတွေမြင့်တက်နေဆဲဖြစ်ပါတယ်။

MyanmarLabourNews

364 Views

Related News

cover
အနည်းဆုံးလုပ်ခ တိုးမြှင့်သတ်မှတ်မယ်လို့ ထုတ်ပြန်ထားတဲ့အပေါ် အလုပ်သမားအရေးလှုပ်ရှားဆောင်ရွက်သူတွေရဲ့ သဘောထားကိုမေးမြန်းထားပါတယ်။
Dec 5, 2022
cover
အနည်းဆုံးအခကြေးငွေ ဆိုင်ရာ မေးမြန်းချက်
Dec 5, 2022
cover
ဒူဘိုင်းမှာအခက်အခဲဖြစ်နေသည့်မြန်မာအိမ်အကူလုပ်သား ၁၁ဦးကိုပြန်ခေါ်ဆောင်နိုင်ခဲ့
Dec 3, 2022
cover
Myanmar Pou Chen ကအလုပ်ထုတ်ခံထားရတဲ့အလုပ်သမားတွေအမှုရင်ဆိုင်နေစဉ်ကာလမှာ လစာထုတ်ပေးရန် adidas စီစဉ်နေ
Dec 3, 2022
cover
YFA စက်ရုံ အလုပ်သမား ၃၀၀ နီးပါး အလုပ်ရပ်စဲခံရမှု နို့တစ်ကြေးတစ်လစာပေးရန် စက်ရုံဘက်မှငြင်းဆို
Dec 2, 2022
cover
ပုသိမ်စက်မှုဇုန်က Myanmar All Rich အထည်ချုပ်စက်ရုံယာယီပိတ်သိမ်း၊ နို့တစ်ကြေးမရလို့ အလုပ်သမားတွေတောင်းဆို
Dec 1, 2022
cover
ရွှေပြည်သာက YFA အထည်ချုပ်စက်ရုံလုပ်သားတွေအလုပ်ရပ်စဲခံရ
Nov 30, 2022
cover
သြစတေးလျနိုင်ငံံက နိုင်ငံခြားရေးတာ၀န်ရှိသူများ၊ မြန်မာ့အရေးဆောင်ရွက်သူများနဲ့တွေ့ဆုံ
Nov 29, 2022
cover
အနည်းဆုံးအခကြေးငွေကို ပြင်ဆင်သတ်မှတ်မယ်လို့ဆို
Nov 29, 2022
cover
စက်ရုံ အလုပ်ရုံတွေမှာ အချိန်ပိုခေါ်ယူမှုတွေလျှော့ချလာ
Nov 28, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle