ZARA Brand ချုပ်သည့် စက်ရုံက ညလုံးပေါက် အလုပ်ခိုင်းပြီး အိုတီကြေးမပေး၊ အိုတီ မဆင်းနိုင်ကြောင်း ပြောသည့် အလုပ်သမားများကို အလုပ်ဖြုတ်

cover
profile
Sep 19, 2022

ZARA Brand ချုပ်တဲ့ SHENG DA MING APPAREL CO,LTD အထည်ချုပ်စက်ရုံက အချိန်ပို (အိုတီ) ညလုံးပေါက် အလုပ်ဆင်းခိုင်းပြီး အိုတီကြေး မပေးတဲ့တွက် အလုပ်မဆင်းနိုင်ကြောင်းပြောတဲ့ အလုပ်သမားတွေကို အလုပ်ဖြုတ် လိုက်တဲ့ အကြောင်း မြန်မာနိုင်ငံ အထွေထွေအလုပ်သမားများအဖွဲ့ချုပ် FGWM ဆီ လာရောက် တိုင်တန်း ထားတယ်လို့  သိရပါတယ်။

SHENG DA MING APPAREL စက်ရုံက လုပ်သက်နည်း အလုပ်သမား ၁၇ ဦး အထိ အလုပ်ဖြုတ်ခဲ့ပြီး နှစ်ကြီး အလုပ်သမားတွေကိုလည်း အဓမ္မ လိုင်းပြောင်းတာတွေ ပြုလုပ်ခဲ့တယ်လို့လည်း အဲဒီအလုပ်သမားတွေက တိုင်ကြားထားတယ်လို့ သိရပါတယ်။

"အိုတီကြေးမပေးဘဲ အပြင်စက်ရုံက အထည်တွေကို အောလင်း (ညလုံးပေါက်)ဆင်းပြီး ချုပ်ပေးရမယ်လို့ပြောတာအလုပ်သမားတွေက အောလင်းတော့ မဆင်းပေးနိုင်ဘူး၊  မနက်အလုပ် စဝင်လာတာနဲ့ အထည်ချုပ် ပေးပါမယ်လို့ ပြောတာကို အလုပ်ရှင်ဘက်က မကျေနပ်ဘဲ၊ နင်တို့ကြောင့် အော်ဒါ Date မမီဘူး နင်တို့လိုင်းကိုဖျတ်မှာ၊ နှစ်ကြီးသမားတွေကို၊ လိုင်းချိန်းမယ်။ လုပ်သက်နည်းတဲ့ အလုပ်သမားတွေကို အလုပ်ဖြုတ်မယ်လို့ပြောပြီး အလုပ်သမား ၁၇ ဦး ကို စက်တင်ဘာ ၁၆ ရက်နေ့က ထုတ်လိုက်တာ" လို့ နစ်နာသူအလုပ်သမားတွေက မြန်မာနိုင်ငံ အထွေထွေအလုပ်သမားသမဂ္ဂများအဖွဲ့ချုပ် (FGWM) ကို ပြောပါတယ်။

 

စက်ရုံမှာချုပ်လုပ်တဲ့ အမှတ်တံဆိပ်

အိုတီကြေးမပေးပဲ အောလင်း(ညလုံးပေါက်) မဆင်းလို့  အလုပ်သမား ၁၇ ဦးကို အလုပ်ဖြုတ်လိုက်တဲ့ SHENG DA MING APPAREL CO,LTD အထည်ချုပ်စက်ရုံကတော့ ရန်ကုန်တိုင်း ၊ ရွှေပြည်သာ စက်မှုဇုန် (၂)၊  ဦးတရုတ်လမ်း မှာ စက်ရုံ ဖွင့်လှစ်ထားပြီး ဥရောပကို တင်ပို့နေတဲ့  ZARA Brand အမှတ်တံဆိပ်ကို ကိုယ်ပိုင်ချုပ်လုပ်နေတဲ့ စက်ရုံ တစ်ရုံ ဖြစ်တယ်လို့လည်း သိရပါတယ်။

"စက်ရုံမှာ အော်ဒါအရေးကြီးလာပြီးဆိုရင် အောလင်း၊ အောနိုက်ကို တစ်လလုံးခေါ်ပြီး အိုတီကြေးမပေးတဲ့ အပြင် ဖယ်ရီကားစီစဉ်ပေးတာမျိုးလဲမရှိဘူး။ အောလင်း ဆင်းပေးလို့ ထမင်းကြွေးတာမျိုးလည်းမရှိဘူး။ မိုးလင်းအထိ အလုပ်ဆင်းပေးနေရတော့ တစ်ချို့အလုပ်သမားတွေက မူးလဲတာတွေတောင်ရှိတယ်လို့ သိရတယ်။ အလုပ်သမားတွေက ကိုယ်အစီအစဉ်နဲ့ကိုယ် ပြန်ရပါတယ်။ အလုပ်သမားအခွင့် အရေးဆိုတာ ဘာမှမရရှိဘူး။ ဖူလုံရေးကြေးပေးနေလည်း ဖူလုံရေးဆေးခန်းသွားပြတော့ ဆေးခန်းက ဒီစက်ရုံက တရားမဝင်ဘူးလို့ ပြောပြီ ပြန်လွှတ်လိုက်ပါတယ်"လို့ အလုပ်ဖြုတ်ခံခဲ့ရတဲ့ နစ်နာသူ အလုပ်သမားက ပြောဆိုထားပါတယ်။

အလုပ်သမားတွေ မတရား အလုပ်ထုတ်ခံရတဲ့အတွက် နစ်နာကြေး တစ်စုံတစ်ရာမရတဲ့အပြင် စက်ရုံမှာ ကျန်နေတဲ့ နှစ်ကြီး အလုပ်သမားတွေကိုလည်း အဓမ္မ စက်လိုင်းပြောင်းတာတွေ စတဲ့ အလုပ်သမား အခွင့်အရေး ချိုးဖေါက်မှုတွေနဲ့ နစ်နာမှုတွေကို သက်ဆိုင်ရာ အလုပ်သမားရုံး တာဝန်ရှိသူတွေက ကူညီဖြေရှင်းပေးဖို့ အကူအညီ တောင်းဆိုထားပါတယ်။

MyanmarLabourNews

588 Views

Related News

cover
ဒူဘိုင်းမှာရောက်ရှိနေတဲ့ မြန်မာအိမ်အကူလုပ်သားနေရပ်ပြန်လိုသူ ၅၀ ခန့်ရှိနေ
Oct 3, 2022
cover
ကျူပင်ခုတ် ကျူငုတ်မကျန် ရှင်းလင်းခံနေရဆဲ အလုပ်သမားသမဂ္ဂများ။
Sep 30, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
Myanmar Knitting သိုးမွှေး အထည်ချုပ်စက်ရုံတွင် အထည်စံချိန်များ အလွန်အကျူးတောင်းခံမှုများရှိနေ
Sep 29, 2022
cover
ယာယီပိတ်သိမ်းလိုက်တဲ့ Yi Cai အထည်ချုပ်စက်ရုံ အလုပ်သမားဥပဒေနှင့်အညီ ဆောင်ရွက်ခြင်းမရှိဟုဆို
Sep 28, 2022
cover
သမဂ္ဂခေါင်းဆောင်လုပ်ခဲ့ဘူးတဲ့အကြောင်းပြချက်နဲ့ လုပ်ငန်းခွင်အသစ်မှာ ၃ ရက်အတွင်းအလုပ်ထုတ်၊ အလုပ်သမား သမဂ္ဂလုပ်ခဲ့တဲ့ အမဲစက်က ဘယ်စက်ရုံမှ အလုပ်မရစေရကြောင်းခြိမ်းခြောက်
Sep 27, 2022
cover
မလေးရှားတွင် အလုပ်လုပ်ရင်း ခါးရိုးကျိုး ဒဏ်ရာရရှိခဲ့သည့် မြန်မာအလုပ်သမားအား လေယာဉ်လက်မှတ်နှင့် မုန့်ဖိုးပေးကာ ပြန်ပို့
Sep 27, 2022
cover
အထက်အမိန့်ဟုဆိုကာ အလုပ်သမား ၂ ဦးကို ၅မျဉ်းစောင်းသမားဟုအကြောင်းပြ အလုပ်ထုတ်
Sep 25, 2022
cover
အောက်ခြေလက်လုပ်လက်စားများနဲ့ အလုပ်ကြမ်းလုပ်ကိုင်သူတွေဟာ ရသလောက်အခကြေးငွေနဲ့လုပ်ကိုင်နေရ
Sep 25, 2022
cover
အိုတီကြေးမပေး၍ တောင်းဆိုသည့် အလုပ်သမား ၃၀ ကျော် ဖူဂျီဆပ်ပြာစက်ရုံအတွင်းက နှင်ထုတ်ခံရ
Sep 24, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle