ESLITE စက်ရုံ အတွင်းရေးမှူးမှ လုပ်ငန်းခွင်အတွင်း အလုပ်သမားများအပေါ် ဆဲဆို ဖိအားပေး ခြိမ်းခြောက်နေဟုဆို

cover
profile
Sep 19, 2022

ESLITE Garment  အထည်ချုပ်စက်ရုံက ပိုင်ရှင် အတွင်းရေးမှူးဆိုသူ အမျိုးသမီးက လုပ်ငန်းခွင် အတွင်း အလုပ်သမားတွေကို ဖိအားပေး ခြိမ်းခြောက်တာတွေ ပြုလုပ်နေတယ်လို့ စက်ရုံအလုပ်သမားတစ်ဦးက ပြောပါတယ်။ ဒီလို ဖိအားပေး ခြိမ်းခြောက်ပြောဆိုတာဟာ နှစ်ကြာနေပြီဖြစ်ပေမယ့် အခုနှစ်အတွင်း ဆိုးဆိုးဝါးဝါး ပြောဆိုတာတွေ ပြုလုပ်နေတယ်လို့ အထည်ချုပ်လုပ်သား အမျိုးသမီးက ပြောပါတယ်။

“သူဌေးရဲ့ အတွင်းရေးမှူးက ကျမတို့ ဝန်ထမ်းတွေ အပေါ် အရမ်းရိုင်းစိုင်းတယ်၊ ဝန်ထမ်းမိန်းကလေးငယ်လေး များအပေါ် ဆဲဆိုပြောဆိုတာတွေ မခံနိုင်လောက်ပါပဲ” လို အဲဒီ အထည်ချုပ်လုပ်သား အမျိုးသမီးက ပြောပါတယ်။

Eslite Garment Co.Ltd အထည်ချုပ်စက်ရုံကတော့ ရန်ကုန်တိုင်းဒေသကြီး၊ လှိုင်သာယာမြို့နယ်၊ ရွှေလင်ဗန်း စက်မှုဇုန်၊ မောင်ကျန်သီးလမ်းမှာ ရှိပြီး ထိုင်ဝမ်နိုင်ငံသားတစ်ဦး ပိုင်ဆိုင်တယ်လို့ စက်ရုံက ဝန်ထမ်းတွေက ပြောပါ တယ်။

စက်ရုံပိုင်ရှင် အတွင်းရေးမှူးကတော့ ဒေါ်သိင်္ဂီဝင်း ဆိုသူဖြစ်ပြီး ESLITE Garment Co.Ltd အထည်ချုပ်စက်ရုံ အနေနဲ့ လုပ်ငန်းခွင်အတွင်းဖိနှိပ်မှုတွေကြောင့် သက်ဆိုင်ရာ အလုပ်သမားအရာရှိတွေ လာရောက် စစ်ဆေးတာ ခံထားရတယ်လို့ သိရပါတယ်။

အဲဒီလိုလာရောက်စစ်ဆေးပြီးနောက်ပိုင်း အလုပ်သမားတွေအတွက် အပေါ့အပါး သွားလာတာနဲ့ လူမှုဖူလုံရေး ကိစ္စတချို့ အဆင်ပြေခဲ့ပေမယ့် အတွင်းရေးမှူးအဖြစ်လုပ်ကိုင်သူရဲ့ အပြောအဆို ကြမ်းတမ်းမှု တွေကတော့ ပိုဆိုးလာတယ်လို့ စက်ရုံ လုပ်သက် ၂ နှစ်ကျော်ရှိ အထည်ချုပ်လုပ်သား အမျိုးသမီး တစ်ဦးက ပြောပါ တယ်။   

“အစိုးရရုံးက လူကြီးတွေ လာစစ်တယ်၊ ဒါလည်း ပြီးတော့ ဝန်ထမ်းတွေ အပေါ်ပိုပြီးပြောဆိုလာတာ။  ဆဲဆိုတာ ရော၊ အလုပ်မလုပ်ချင်ရင် ထွက်သွား၊ ထုတ်ပစ်လိုက်မယ်နဲ့ မျိုးစုံတယ်” ဆိုပြီး ပြောဆိုတယ်လို့ လုပ်သက်ရင့် အမျိုးသမီးက ပြောပါတယ်။

ESLITE Garment Co.Ltd အထည်ချုပ် စက်ရုံ အတွင်းရေးမှူးက ပိုင်ရှင်နဲ့ တိုက်ရိုက်ပြောဆို ဆက်ဆံတာ ကြောင့် စက်ရုံအတွင်း ရာထူးအကြီးဆုံးလိုဖြစ်နေပြီး အမျိုသမီးရဲ့ အပြောအဆိုကြမ်းတမ်းမှုတွေကို စက်ရုံ မန်နေဂျာဖြစ်သူကိုလည်း သွားရောက် မတိုင်တန်း ရဲကြဘူးလို့ စက်ရုံအလုပ်သမားတွေက ပြောပါတယ်။

၎င်းအတွင်းရေးမှူးက အပြောအဆို ရိုင်းဆိုင်းကြမ်းတမ်း ဖိအားပေး ခြိမ်းခြောက်တာတွေကြောင့် စိတ်ပိုင်းဆိုင်ရာ ထိခိုက်မှုတွေရှိလာတယ်လို့ စက်ရုံလုပ်သားအမျိုးသမီးတစ်ဦးက ပြောပါတယ်။

“ခန္ဓာကိုယ်ထိခိုက်မှုဆိုတာထက် စိတ်ပိုင်းဆိုင်ရာ ထိခိုက်တာများတယ်။ အလုပ်ထဲမှာလည်း အရမ်းပင်ပန်းတယ်” လို့  ပြောပါတယ်။

အဆိုပါ အတွင်းရေးမှူးရဲ့  ကြမ်းတမ်းတဲ့ပြောဆိုမှုတွေကို ဖြေရှင်းပေးနိုင်ဖို့ စက်ရုံအတွင်း အလုပ်သမားသမဂ္ဂ ရှိပေမယ့် ခေါင်းဆောင်တွေမှာလည်း ပြောဆိုဖို့ အခက်အခဲတွေရှိနေပြီး သက်ဆိုင်ရာအလုပ်သမားအရာရှိရုံးတွေကို  တိုင်တန်းပေမယ့် ထိရောက်တာ မရှိဘူးလို့ အလုပ်သမားတွေက ပြောပါတယ်။

လက်ရှိ ESLITE Garment Co.Ltd အထည်ချုပ် စက်ရုံအတွင်း တရုတ်လူမျိုးကြီးကြပ်သူတွေက အထည်စံချိန်တွေ ကို  နှစ်ဆတိုးတောင်းတာတွေနဲ့ ကြိုပို့ယာဉ်တွေနောက်ကျတာတွေကြောင့်  လုပ်ငန်းခွင် စိတ်ဖိစီးမှုတွေ ပိုမို ဖြစ်ပေါ် နေတယ်လို့ အလုပ်သမားတွေက ပြောဆိုထားပါတယ်။

Eslite Garment Co.Ltd  အထည်ချုပ်စက်ရုံမှာ လုပ်သား ၂၇၀၀ ဝန်းကျင်ရှိပြီး Carhartt အမှတ်တံဆိပ် အနွေးထည် ၊ ဘောင်းဘီအတို အရှည်တွေကို ချုပ်လုပ်နေပြီး ဥရောပနိုင်ငံတွေကို တင်ပို့နေတဲ့ စက်ရုံတစ်ရုံ ဖြစ်တယ်လို့ သိရပါတယ်။

MyanmarLabourNews

506 Views

Related News

cover
ဒူဘိုင်းမှာရောက်ရှိနေတဲ့ မြန်မာအိမ်အကူလုပ်သားနေရပ်ပြန်လိုသူ ၅၀ ခန့်ရှိနေ
Oct 3, 2022
cover
ကျူပင်ခုတ် ကျူငုတ်မကျန် ရှင်းလင်းခံနေရဆဲ အလုပ်သမားသမဂ္ဂများ။
Sep 30, 2022
cover
ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ
Sep 29, 2022
cover
Myanmar Knitting သိုးမွှေး အထည်ချုပ်စက်ရုံတွင် အထည်စံချိန်များ အလွန်အကျူးတောင်းခံမှုများရှိနေ
Sep 29, 2022
cover
ယာယီပိတ်သိမ်းလိုက်တဲ့ Yi Cai အထည်ချုပ်စက်ရုံ အလုပ်သမားဥပဒေနှင့်အညီ ဆောင်ရွက်ခြင်းမရှိဟုဆို
Sep 28, 2022
cover
သမဂ္ဂခေါင်းဆောင်လုပ်ခဲ့ဘူးတဲ့အကြောင်းပြချက်နဲ့ လုပ်ငန်းခွင်အသစ်မှာ ၃ ရက်အတွင်းအလုပ်ထုတ်၊ အလုပ်သမား သမဂ္ဂလုပ်ခဲ့တဲ့ အမဲစက်က ဘယ်စက်ရုံမှ အလုပ်မရစေရကြောင်းခြိမ်းခြောက်
Sep 27, 2022
cover
မလေးရှားတွင် အလုပ်လုပ်ရင်း ခါးရိုးကျိုး ဒဏ်ရာရရှိခဲ့သည့် မြန်မာအလုပ်သမားအား လေယာဉ်လက်မှတ်နှင့် မုန့်ဖိုးပေးကာ ပြန်ပို့
Sep 27, 2022
cover
အထက်အမိန့်ဟုဆိုကာ အလုပ်သမား ၂ ဦးကို ၅မျဉ်းစောင်းသမားဟုအကြောင်းပြ အလုပ်ထုတ်
Sep 25, 2022
cover
အောက်ခြေလက်လုပ်လက်စားများနဲ့ အလုပ်ကြမ်းလုပ်ကိုင်သူတွေဟာ ရသလောက်အခကြေးငွေနဲ့လုပ်ကိုင်နေရ
Sep 25, 2022
cover
အိုတီကြေးမပေး၍ တောင်းဆိုသည့် အလုပ်သမား ၃၀ ကျော် ဖူဂျီဆပ်ပြာစက်ရုံအတွင်းက နှင်ထုတ်ခံရ
Sep 24, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle