Sinoproud TW Garments မှလုပ်သားတစ်ထောင်ကျော် အလုပ်သမားအခွင့်အရေးများဆုံးရှုံးနေတဲ့အပြင် အချိန်ပိုကြေးအပြည့်မရရှိဘဲ သတ်မှတ်အချိန်ပိုထက် ပိုဆင်းနေရ

cover
profile
Aug 5, 2022

ဒဂုံမြို့သစ်တောင်ပိုင်းမြို့နယ်ရှိ  (၁၄၄)ရပ်ကွက်၊ ရွာသာကြီးအကြီးစားစက်မှုဇုန်၊ Sinoproud TW Garments စက်ရုံရှိ အလုပ်သမား ၁၃၀၀ ဟာ အလုပ်သမားအခွင့်အရေးတွေဆုံးရှုံးနေတဲ့အပြင်  အချိန်ပိုကြေးအပြည့်အ၀မရရှိဘဲ  သတ်မှတ်ထားတဲ့အချိန်ထက်မက အချိန်ပိုဆင်းပေးနေရတယ်လို့  Myanmar Labour News သို့ပြောပါတယ်။ 

အဆိုပါအလုပ်သမားတွေဟာ  ဥပေဒပါခံစားခွင့်များဖြစ်ကြသည့် ခွင့်ရက်နှင့်အလုပ်ပိတ်ရက်ခံစားခွင့် မ်ားအား မပေးခြင်း၊ (၂) လုပ်ငန်းခွင်တွင် အလုပ်ရှင်အနေဖြင့် အလုပ်သမားများ မချုပ်လုပ်နိုင်သည့် အထည်စံချိန်များကို ပိုမိုတောင်းခံခြင်းနှင့် အထည်စံချိန်များကို ပြည့်မှီအောင်မချုပ်လုပ်နိုင်ပါက အလုပ်သမားများကို လိုင်းရှိ အော်စူပါ၊ စူပါနှင့် Leader တို့မှ လုပ်ငန်း ခွင်တွင် အော်ဟစ်ဆဲဆို ကြိမ်းမောင်းပြောဆိုဆက်ဆံခြင်း၊ လုပ်ငန်းခွင်ဘေးအန္တရာယ်ကင်းရှင်းရေးကို စီစဉ်ဆောင်ရွက်မှု မပြုလုပ်ပေးခြင်း။ 

အလုပ်သမားများအတွက် သောက်သုံးရေကို လုံလောက်စွာ မစီစဉ်ပေးခြင်းနှင့် သောက်သုံးရေများအား သန့်ရှင်း စင်ကျယ်စွာ မဆောင်ရွက်ပေးခြင်း၊ ရေပူ၊ ရေအေးမထားပေးခြင်း။ - အရေးပေါ်ထွက်ပေါက်အား လုံလောက်စွာမထားပေးခြင်း (ပိတ်စို့နေခြင်း) - သက်ဆိုင်ရာမှ လာရောက်စစ်ဆေးသည့်နေ့တွင်သာ ဆေးခန်းနှင့် ဆေးရှိပြီ အခြားနေ့များတွင် ဆေးခန်း အမြဲပိတ်ထားပြီး လုံလောက်သော ဆေးမရှိခြင်း။ သူနာပြုဆရာမအား အခြားမသက်ဆိုင်သော ရုံးလုပ်ငန်းများ တွင်သာ ခိုင်းစေထားခြင်း။ - အလုပ်သမားများအတွက် လုံလောက်သော အိမ်သာများမရှိခြင်း။ - အလုပ်သမားများ ထမင်းစားနားနေဆောင်အား လုံလောက်စွာစီစဉ်ဆောင်ရွက်မှုများမလုပ်ပေးခြင်း၊ အများပြည်သူအလုပ်ပိတ်ရက်များဖြစ်သည့် တနဂ်နွနေ့များတွင် အလုပ်သမားများ၏ သဘောဆန္ဒမပါပဲ အချိန်ပိုအား အတင်းအကျပ်ခိုင်းစေခြင်းနှင့် အချိန်ပိုဆင်းရသော်လည်း  အချိန်ပို ကြေးအား ဥပေဒမွ သတ်မှတ်သည့် အတိုင် အပြည့်မရရှိခြင်းတွေအပြင်  ဥပဒေပါသတ်မှတ်ထားသည့် အချိန်ပိုလုပ်ပိုင်ခွင့်ထက်ကျော်လွန်၍ ညဘက် All လင်း၊ All night အလုပ်သမားများကို အတင်းအကြပ်ခိုင်းစေခြင်းများပြုလုပ်နေတယ်လို့ သိရပါတယ်။ 


လုပ်ငန်းခွင် အထည်စံချိန်တောင်းရာမှာလည်း  စက်ပျက်ချိန်၊ အပေါ့အပါးသွားချိန်နဲ့ ရေသောက်ချိန်တွေကို ထည့်မတွက်ပဲ အလုပ်ချိန်(၈)နာရီကို တွက်ချက်တောင်းပြီး  စံချိန်မပြည့်ရင် အလုပ်သမားတွေကို အချိန်ပိုမဆင်းခိုင်းပဲ အလုပ်ဆင်းခိုင်းတယ်လို့သိရပါတယ်။  

အဲ့ဒီလိုအလုပ်ဆင်းရတဲ့အခါမှာလည်း  ဖယ်ရီကားစီးစဉ်ပေးခြင်းမရှိပဲ မိမိတို့အစီအစဉ်ဖြင့်သာ  ပြန်ရတယ်လို့သိရပါတယ်။ 

ဒါ့အပြင် အလုပ်သမားအနည်းငယ်သာ လူမှုဖူလုံရေးအာမခံပြုလုပ်ပေးပြီး၊ အလုပ်သမားအများစုဟာ လူမှုဖူလုံရေးအာမခံထည့်ပေးတာကြောင့် အလုပ်သမားတွေ နေထိုင်မကောင်းခြင်းနဲ့ လုပ်ငန်းခွင်ထိခိုက် ဒဏ်ရာရရှိပါက အလုပ်သမားအစီအစဉ်ဖြင့်သာ ကုသရပြီး လစာမဲ့ခွင့်သာ ရရှိပါတယ်လို့လည်းသိရပါတယ်။ 

စက်ရုံ၌ နေ့စားဝန်ထမ်းများအား အစမ်းခန့်ကာလ(၃)လပြည့်ပါက အမြဲတမ်းဝန်ထမ်းခန့်အပ်ခြင်းမရှိဘဲ  လုပ်သက်(၆)လ ပြည့်အထိ ခိုင်းစေခြင်း၊ - နေ့စားဝန်ထမ်းများအား အလုပ်စတင်ဝင်ရောက်သည့်အခါတွင် ရက်မှန်ကြေးပေးသော်လည်း  လုပ်သက်(၆)လ ပြည့်သည့်အခါ ရက်မှန်ကြေးမပေးခြင်း၊ စက်လိုင်းရှိ စက်ချုပ်သမားများအား ကျွမ်းကျင်ကြေးနှင့် ရက်မှန်ကြေးပေးသော်လည်း  အခြားလိုင်းများဖြစ်သည့် Cutting, Q.C, Finishing ဌာနမ်ားကို ကျွင်းကျင်ကြေးနှင့် ရက်မှန်ကြေးတွေ ပေးဆောင်ခြင်းမရှိဘူုးလို့လည်း သိရပါတယ်။ 

ဒါ့အပြင် အလုပ်တရက်ပျက်ပါက ရန်မှန်ကြေး၊ ကျွမ်းကျင်ကြေးများအား ဖြတ်တောက်သော်လည်း စက်ချုပ်၀န်ထမ်းမှလွဲ၍ အခြားလုပ်သက်(၆)လမပြည့်သေးတဲ့ဝန်ထမ်းတွေကို  နေ့စဉ် တနလ်ာနေ့မှ သောကြာနေ့အထိ နေ့စားခ(၃၆၀၀)ကျပ်နှင့် အချိန်ပိုကြေး (၉၀၀)ကျပ်သာပေးပြီး စနေနေ့များကို အလုပ်ချိန်ပြီးသည့်အခါ အချိန်ပိုဆင်းခိုင်ပြီး အချိန်ပိုကြေးပေးဆောင်ခြင်းမရှိဘူးလို့လည်းသိရပါတယ်။  

အဆိုပါစက်ရုံဟာ ZARA, ONLY, JDY, CLIQUE, JENNYFER,စတဲ့ Brand တွေချုပ်တဲ့ CMPလုပ်ငန်း ဖြစ်ပြီး  တရုတ်နိုင်ငံသားပိုင်အလုပ်ရှင်ကိုယ်တိုင် တိုက်ရိုက်အုပ်ချုပ်ကာ လုပ်ငန်းခွင်အတွင်း ဆဲဆိုကြိမ်းမောင်းခိုင်းစေနေခြင်းဖြစ်တယ်လို့လည်း သိရပါတယ်။ 

ယခုလိုအလုပ်သမားအခွင့်ရေးများချိုးဖောက်ခံရပြီး အချိန်ပိုကြေးမရရှိခြင်းတွေအပါအ၀င် များစွာသောချိုး ဖောက်ခံရမှုများကြောင့် အလုပ်သမားတွေဟာ တောင်းဆိုချက်၁၃ချက်က်ိုတောင်းဆိုထားပါတယ်။  
တောင်းဆိုချက်တွေဟာ  (၁) ဥပဒေပါခံစားခွင့်များဖြစ်သည့် ရှောင်တခင်ခွင့်၊ ဆေးလက်မှတ်ခွင့်၊ မီးဖွားခွင့်၊ လုပ်သက်ခွင့်နှင့် လုပ်ငန်းခွင်ကြောင့် ထိခိုက်ဒဏ်ရာရရှိပါက ဥပဒေပါအတိုင်အပြည့်အဝ ခံစားခွင့်ရရှိရန်။ (၂) အခြားရသင့်ရထိုက်သည့် ဥပဒေပါခံစားခွင့်တို့အား အပြည့်အဝရရှိရန်။ (၃) အလုပ်သမားများအား အထည်စံချိန်တောင်းရာတွင် အလုပ်သမားများချုပ်လုပ်နိုင်သည့် အထည်စံချိန်အား တောင်းရန်။ (၄) တရုတ်နိုင်ငံသားများ လုပ်ငန်းခွင်တွင် တိုက်ရိုက်အုပ်ချုပ်မှုမလုပ်ရန်နှင့် အလုပ်သမားများအား မကြားဝံ့ မနာသာ စကားလုံးများနှင့် အမြဲကြမ်းတမ်းစွာ အော်ဆဲမှုများမပြုလုပ်ရန်။ (၅) အော်စူပါ၊ စူပါ၊ လီတာမ်ားမွ အလုပ်သမားများအပေါ် ရိုင်းစိုင်းစွာ ဆဲဆိုခြင်းများ မပြုလုပ်ရန်။ (၆) လုပ်ငန်းခွင် ဘေးအန္တရာယ်ကင်းရှင်းမှုများကို ဆောင်ရွက်ပေးရန်။ (၇) အလုပ်ပိတ်ရက်များနှင့် အချိန်ပိုခေါ်ယူလိုပါက အလုပ်သမားများ၏ သဘောဆန္ဒများကောက်ယူရန်နှင့် အချိန်ပိုဆင်းရပါက ဥပဒေကသတ်မှတ်ထားသည့်အတိုင်း အချိန်ပိုကြေးပေးရန်။ (၈) ဥပေဒက သတ်မှတ်ထားသည့် အချိန်အတိုင်းအတာအတွင်းသာ အချိန်ပိုခေါ်ယူရန်နှင့် All လင်း၊ All night မ်ား မခေါ်ရန်။ (၉) နေ့စားဝန်ထမ်းများအား (၃) လပြည့်ပါ အမြဲတမ်းဝန်ထမ်းခန့်ရန်နှင့် ဥပေဒမွ သတ်မှတ်ထားသည့် လုပ်အားခနှင့် အခြားခံစားခွင့်များပေးရန်။ (ရက်မှန်ကြေး၊ ကျွမ်းကျင်ကြေးနှင့် နှစ်ပြည့်ကြေးများအားပေးရန်) (၁၀) ဝန်ထမ်းအားလုံးအား တပြေညီ ရက်မှန်ကြေး၊ လုပ်သက်ကြေးပေးရန်။ (၁၁) နေ့စားဝန်ထမ်းများအား စနေနေ့အလုပ်ချိန်ပြီး၍ ဆင်းရသော အလုပ်ချိန်အား အချိန်ပိုကြေးပေးရန် (၁၁ ခွဲနောက်ပိုင်းလုပ်ရသော အလုပ်ချိန်) (၁၂) လုံလောက်သော ထမင်းစားဆောင်နှင့် ထိုင်ခုံ စားပွဲတို့အား ပြင်ဆင်ပေးရန်။ (၁၃) ကျန်ရှိသော လုပ်သက်ခွင့်အားပြန်ပေးရန်တို့အား ရရှိရန် တို့ဖြစ်တယ်လို့သိရပါတယ်။ 

MyanmarLabourNews
LabourRight

409 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
နိုင်ငံသားစီစစ်ရေးကတ် ၅ / နှင့် ၈ / ကိုင်ဆောင်သည့် အလုပ်သမားများ အပါအဝင် ၄၀ ကျော် နစ်နာကြေးမပေးဘဲ အလုပ်ထုတ်ခံရ အလုပ်ပြန်မခန့်ပါက ရသင့်ရထိုက်သည့် လျော်ကြေးများရလိုဟုဆို
Aug 9, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle