ထိုင်းနိုင်ငံကို MoU စနစ်နဲ့ အလုပ်သမားပို့ဆောင်ရာတွင် လူသစ်ကို ဦးစားပေးစေလွှတ်သောကြောင့် လူဟောင်းများ ဒုက္ခရောက်နေဟုဆို

cover
profile
May 30, 2022

မြန်မာနိုင်ငံက ရွှေ့ပြောင်းအလုပ်သမားတွေကို MoU စနစ်နဲ့ ထိုင်းနိုင်ငံကို စေလွှတ်ရာတွင် အေဂျင်စီများက
အလုပ်သမားအသစ်များကို ဦးစားပေး၍ ပို့ဆောင်သောကြောင့် ၂၀၂၀ က သွားရောက်ရန် ပြင်ဆင်ထားတဲ့
လူဟောင်းများမှာ ဒုက္ခရောက်နေတယ်လို့ သိရှိရပါတယ်။

၂၀၂၀ က ထိုင်းနိုင်ငံကို MoU နဲ့ သွားရောက်ရန် စာချုပ် ချုပ်ဆိုထားပြီး ၂ နှစ်ကြာ စောင့်နေရတဲ့ ရွှေ့ပြောင်းသွားရောက်လိုတဲ့ အလုပ်သမားများမှာ လက်ရှိအချိန်ရှိ မသွားနိုင်သေးသောကြောင့်အခက်အခဲဖြစ်နေတယ်လို့ ၂ နှစ်ကျော်ကြာ စောင့်ဆိုင်းခဲ့ရသူ  တစ်ဦးက ပြောပါတယ်။

၂၀၂၀ မတ်လ မြန်မာ-ထိုင်း နှစ်နိုင်ငံ သဘောတူညီမှုစာချွန်လွှာ (MoU) မရပ်ဆိုင်းမီက ထိုင်းနိုင်ငံကိုသွားရောက်လုပ်ကိုင်ရန် ပြင်ဆင်နေတဲ့ မြန်မာရွှေ့ပြောင်းအလုပ်သမား ၆၀၀၀၀ ခန့်ဟာ မသွားနိုင်ဘဲလက်ရှိအချိန်အထိ စောင့်ဆိုင်းနေရတာဖြစ်ပြီး ၎င်းတို့အထဲတွင် ယင်းလည်း အပါအဝင်ဖြစ်ပါတယ်။

“ကျွန်တော်မီသားစု စားဝတ်နေရေးနဲ့ သမီးရဲ့ ပညာရေးအတွက် ထိုင်းကို MoU နဲ့သွားရောက်လုပ်ကိုင် ဖို့ ကြိုးစားခဲ့တာပါ။ အဲဒါ အခုချိန်ထိ မသွားရသေးတော့ ကျွန်တော်တို့မှာဒုက္ခရောက်နေတာပေါ့။ သွားခါးနီးမှာ ပိတ်လိုက်တော့ စာချုပ်ဖိုးတွေ၊ ငွေးတွေ သွင်းထားတာတွေပြန်ထုတ်လို့ မရဘူး။ အဲဒီကို သွားဖို့ကို ခြံနဲ့ အိမ်ကို ၁၅ သိန်းနဲ့ အတိုး ၁၀ နဲ့ ပေါင်ခဲ့ရတာပါ။ အခုကမသွားနိုင်တာ ၂ နှစ်ရှိပြီးဆိုတော့ အတိုးနဲ့အရင်နဲ့က သိန်း ၃၀ ကျော်လာပြီး။ အဲဒါ ချေထားတဲ့ သူတွေကဒီတစ်နှစ် ထပ်စောင့်ပေးမယ်။ ဒီတစ်နှစ်မှာ မရရင်တော့ သိမ်းမယ်လို့ ပြောပါတယ်။ သွားရမယ်ဆိုလည်းသွားချင်ပါတယ်။ မသွားရရင်လည်း ပိုက်ဆံသွင်းထားတာတွေ ပြန်လိုချင်ပါတယ်” လို့ ပဲခူးတိုင်း၊သဲကုန်းမြို့နယ်ထဲမှ အသက် ၃၆ နှစ်အရွယ် ဦးလှဝင်းက ပြောပါတယ်။

ထိုင်းကို MoU နဲ့ သွားဖို့ ကြိုးစားခဲ့ ထို ၆၀၀၀၀ ခန့်ထဲတွင် တချို့မှာ အိမ်နဲ့ ခြံကို အတိုးနဲ့ ပေါင်းနှံကာသွားကြခြင်းဖြစ်ပြီး တချို့မှာ လယ်ယာကိုင်းနဲ့ လက်ဝတ်လက်စားတို့ကို ပေါင်းနှံရောင်းချကာသွားကြခြင်းဖြစ်တယ်လို့ ဆိုပါတယ်။

“ဒီလူ (၆၀၀၀၀) ဟာ ပိုက်ဆံတွေလည်း ပေးချေထားပြီးပြီ။ တချို့ အေဂျင်စီတွေကပိုက်ဆံပေးချေထားတဲ့ လူတွေကို မသွားရတဲ့ အခါမှာ ပိုက်ဆံတွေ ပြန်ထုတ်ပေးထားတာမျိုးလည်းရှိနိုင်တယ်။ အေဂျင်စီတွေအနေနဲ့က အရင်တုန်းက လက်ခံထားတဲ့ လူတွေကို ဦးစားပေးစေလွှတ်ဖို့လိုအပ်တယ်လို့မြင်ပါတယ်။ ကိုယ်နိုင်ငံရဲ့အခြေအနေအရ လူတိုင်းက တော့ သွားချင်နေကြတာပဲလေအရင်တုန်းကနေမှ သွားဖို့အတွက် ပိုက်ဆံတွေလည်း ပေးထားပြီးပြီ။ တချို့တွေဆို စာချုပ်တွေလည်းချုပ်ပြီးထားတဲ့ သူတွေ ရှိတယ်။ ဒီလူတွေကို အရင်စေ လွှတ်ဖို့ လိုတယ်လို့ မြင်ပါတယ်လို့ရွှေ့ပြောင်းအလုပ်သမားအရေး ဆောင်ရွက်သူ ဒေါ်သက်သက်အောင် က ပြောပါတယ်။

မေလ ၁၀ ရက်မှ စတင်၍ ထိုင်းနိုင်ငံကို MoU စနစ်နဲ့ အလုပ်သမား ၆၀၀ ခန့်ကို စတင်စေလွှတ်ခဲ့ပြီးထိုင်းနိုင်ငံကို MoU နဲ့ ပို့ဆောင်ခွင့် တရားဝင်ရတဲ့ အေဂျင်စီ ၁၀၀ ကျော်ရှိပါတယ်။

 

279 Views

Related News

cover
ရက်မှန်ကြေးမရရှိတာ အပါအဝင် အလုပ်သမားဥပဒေပါ အကျိုးခံစားခွင့်များ မရရှိတော့ဘူးလို့ အလုပ်သမားတွေပြော
Jun 28, 2022
cover
အလုပ်သမား ဥပဒေပြောင်ပြောင်တင်းတင်းချိုးဖောက်မှုတွေအပါအဝင် အလုပ်ပိတ်ရက်ခံစားခွင့်များပါ မရရှိတော့တဲ့ အခြေအနေတွေ ဖြစ်ပေါ်နေတယ်လို့ စက်ရုံအလုပ်သမားတွေပြော
Jun 23, 2022
cover
"foodpanda အလုပ်မဆင်းသပိတ်မှာဘာတွေဖြစ်နေလဲ" စကားဝိုင်း ဆွေးနွေးပွဲ
Jun 19, 2022
cover
ရွှေ့ပြောင်းအလုပ်သမား သားသမီးတွေ ပညာရေးဘယ်လိုရှိလဲ။ Interview
Jun 17, 2022
cover
အလုပ်သမားအခွင့်အရေးအတွက်တိုက်ပွဲဝင်နေတဲ့ Foodpanda Riders သပိတ်ကိုအရှိန်ဆက်မြှင့်သွားမယ်လို့ဆို
Jun 11, 2022
cover
စက်မှုဇုန်မြို့နယ်တွေမှာ အဆောင်လခများ စံချိန်တင်မြင့်တက်
Jun 11, 2022
cover
Foodpanda Rider တဦးမှ “Zero Customer ကမ်ပိန်း” အကြောင်း ပြောကြားချက်
Jun 11, 2022
cover
စစ်တပ်မှ အာဏာသိမ်းပြီးနောက်ပိုင်း လုပ်ငန်းခွင်အတွင်း ခြိမ်းခြောက်ခိုင်းစေခံရခြင်း၊ ဥပဒေမဲ့ အလုပ်ထုတ်ခြင်းနဲ့ လုပ်သားအခွင့်အရေးများ ဆိုးရွားစွာချိုးဖောက်ခံနေရတယ်လို့ ဆို
Jun 9, 2022
cover
Riders တို့ရဲ့ တိုက်ပွဲ တတိယမြောက်နေ့
Jun 8, 2022
cover
Food Panda Rider တွေ သပိတ်မှောက်မှုမှာ အတူ ရပ်တည်ပေးဖို့ စားသုံးသူများထံ တောင်းဆို
Jun 5, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle