NEWS

အလုပ်သမားအခွင့်အရေးချိုးဖောက်ခံနေရသည့် စက်ရုံတွင် ဖိအားပေးခိုင်းစေခြင်းမရှိကြောင်းပြောဆိုရန် ဖိအားပေးခံနေရ

CoverLogo
1.2K Views

အလုပ်သမားအခွင့်အရေးချိုးဖောက်ခံနေရချိန်မှာ ပြုပြင်ပြောင်းလဲပေးရမည့်အစား  Brand (အထည်အပ်သူများ)မှ မေးလာပါက ဖိအားပေးခိုင်းစေခြင်းမရှိကြောင်း ဖြေကြားရန် စက်ရုံဘက်က ဖိအားပေးတာခံနေရတယ်လို့ ဟွာပိုတိုင်းစ် အထည်ချုပ်စက်ရုံက အလုပ်သမားတွေက ဆိုပါတယ်။

ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၁၃)ရပ်ကွက်၊ ပုသိမ်စက်မှုဇုန် အတွင်းရှိ တရုတ်နိုင်ငံသားပိုင်( Huabo Times ) အထည်ချုပ်စက်ရုံတွင်  အလုပ်သမား တွေကို အထည်အော်ဒါအပ်သူ (Brand)တွေဘက်ကနေ စက်ရုံရဲ့ ချိုးဖောက်မှု့တွေ အလုပ်သမားတွေရဲ့ အခက်အခဲတွေ၊ အခွင့်အရေးချိုးဖောက်မှု့တွေကို မေးမြန်းတဲ့အခါမှာ စက်ရုံက All super တွေ မန်နေဂျာတွေက အရာအားလုံး အဆင်ပြေကြောင်း ဖိအားပေးပြောဆိုခိုင်းတာတွေ   ရှိနေတယ်လို့ ယင်းစက်ရုံတွင် အလုပ်လုပ်ကိုင်နေသော အလုပ်သမားတစ်ဦး ထံမှသိရပါတယ်။

" မနေ့က စက်ရုံမှာ မန်နေဂျာနဲ့ All super တွေအစည်းအဝေးလုပ်တယ်သူတို့ပြန်လာတော့ အလုပ်သမားတွေရဲ့ကိုယ်ပိုင် ဖုန်းနံပတ်တွေတောင်းတယ်. အလုပ်သမားတွေရဲ့ကိုယ်တိုင်ကိုင်တဲ့ ဖုန်းနံပတ်တွေပဲပေးရမယ် ၊ နောက်ပြီး ကိုယ်မိသားစုကိုင်တဲ့ဖုန်းနံပတ်တွေ ပေးလို့မရဘူးလို့ပြောတယ် ၊ ကိုယ်ဖုန်းနံပတ်ကိုဆက်ပြီး စက်ရုံအကြောင်းမေးမြန်းလာပြီးဆိုရင် အလုပ်လုပ်ရတာအဆ​င်ပြေလား..အခက်အခဲဘာရှိလဲ. မေးခွန်းလေးမေးလို့ရမလားလို့ ပြောလာခဲ့ရင်အလုပ်သမားတွေအနေနဲ့ အဆင်ပြေပါတယ် ၊ အလုပ်လုပ်ရတာလဲအဆင်ပြေတယ် ၊ လုပ်ငန်ခွင်မှာ အလုပ်သမားအခွင့်အရေးတွေ ဆဲဆိုမှု့တွေ မေးလာခဲ့ရင်လဲ မရှိပါဘူး ၊ အဆင်ပြေပါတယ် ၊ ဘာမေးမေးအဆင်ပြေတယ်ဆိုပြီး ၊ စက်ရုံ ကောင်းကြောင်းပဲ ပြောရမယ်လို့ ပြောခိုင်းတယ်"လို့ အမည်မဖော်လိုတဲ့စက်ရုံလုပ်သားတစ်ဦးက ဆိုပါတယ်။

"အဲ့လိုမပြောဘဲ သူတို့မေးတဲ့မေးခွန်းတွေမှာ အဆင်မပြေဘူး ပြောလိုက်လို့ အလုပ်သမား ( ၇၀ )ရာခိုင်နှုန်းလောက်ဖြစ်ရင် စက်ရုံပိတ်ရမယ် ၊ အထည်မအပ်တော့ဘူး နင်တို့လဲ အလုပ်ပြုတ်မယ်ဆိုပြီး အလုပ်သမားတွေကိုခြိမ်းခြောက်ပြီးပြောတာပေါ့ အဲ့တာကြောင့် အဆင်မပြေလဲ အဆင်ပြေတယ်ဘဲပြောရမယ်ဆိုပြီး ပြောတယ်" လို့ယင်းက ဆက်ပြောပါတယ်။

"အခုလက်ရှိက စက်ရုံက သူတို့ပြောခိုင်းတာနဲ့ ဆန်ကျင်ဘက်တွေကြီးပဲ ၊ အချိန်ပို ( OT) တွေလဲ နားရက်မရှိဆင်းရတယ် ၊ တနေ့လုံးအတွက် အထည်စံချိန်တွေလဲ တိုးတောင်းတယ် ၊ မရရင် ဆဲတယ် ၊အရင်ကထက်ပိုပြီးတောင်းလာတော့ အထည်စံချိန် မရဘူး အဲ့တော့ အိမ်သာတောင် သွားချိန်မရှိဘဲ ချုပ်ရတာ ၊ တစ်ခါတစ်လေဆို ထမင်းတောင်မစားရဘူး ၊ တစ်ချို့ အထည်စစ်တဲ့ ( QC) တွေဆို ဒီနေ့မရတဲ့ စံချိန်တွေကို မနက်စောစော အလုပ်မစခင်မှာ လာစစ်ပေးရမယ် စစ်လို့မပြီးရင် မပြန်ရဘူးဆိုပြီပြောတာတွေလဲရှိတယ် ၊ အလုပ်သမားတွေ အဆင်ပြေရဲ့လားဆိုတာ မကြည့်ဘူး" လို့ လက်ရှိ လုပ်ငန်းခွင်အတွင်း ကြုံတွေ့ရတဲ့ အခြေအနေကို ပြောပါတယ်။

"အခုခေတ် ကုန်စျေးနှုန်းနဲ့ အခုရတဲ့လစာနဲ့ သူတို့တောင်းတဲ့ အထည်စံချိန်နဲ့ ဘယ်လိုမှအဆင်ပြေနိုင်ဖို့မရှိဘူး ၊ အထည်အပ်သူ ( Brand) တွေအနေနဲ့  ဆက်သွယ်လာလို့ အလုပ်သမားတွေဘက်က အဆင်ပြေတယ်လို့ ဖြေကြားခဲ့ရင်လဲ စက်ရုံက ဖိအားပေး ဖြေခိုင်းလို့ ဖြေရတာဆိုတာကို သိစေချင်တယ်၊ အလုပ်သမားတွေ တကယ်ခံစားနေရတာတွေကိုလည်း သိစေချင်တယ်လို့ ” ၎င်း အထည်ချုပ်စက်ရုံမှာ အလုပ်လုပ်ကိုင်နေတဲ့ ဝန်ထမ်းတစ်ဦးက ပြောကြားခဲ့ပါတယ်။

အဆိုပါကိစ္စနဲ့ ပတ်သက်ပြီး အထည်အပ်သူ ( Brand) တွေဘက်ကနေ ဆက်သွယ်စုံစမ်းမေးမြန်နိုင်ဖို့အတွက် အလုပ်သမားတွေရဲ့ ဖုန်းနံပါတ်တွေကို Line စာရေးမတွေက လိုက်လံ ကောက်ယူနေပြီး အဆင်ပြေတယ်လို့ပြောဆို ခိုင်းမှု့များလဲ ရှိနေတယ်လို့ ဆိုပါတယ်။

လက်ရှိကာလမှာ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရတာ ခြိမ်းခြောက်ခံရတာနဲ့ အော်ဟစ်ဆဲဆိုခံရတာ စတာတွေအပေါ် ကျေနပ်မှု တစ်စုံတစ်ရာမရှိပါက တိုင်ကြားဖို့ လည်း အခက်တွေ့နေတယ်လို့ ဆိုပါတယ်။

အလုပ်သမားတွေအနေနဲ့ကလည်း အခုလက်ရှိ ကြုံတွေ့နေရတဲ့အခက်အခဲတွေကိုလည်း သက်ဆိုင်ရာ ( Brand)  တွေကို သိစေချင်ပြီး နှစ်ဦးနှစ်ဖက်အဆင်ပြေတဲ့ လုပ်ငန်းခွင် ဖြစ်စေရန် အကူအညီပေးနိုင်ဖို့ မျှော်လင့်နေတယ်လို့ အလုပ်သမားတွေထံမှ အခုလိုဘဲ သိရှိရပါတယ်။

အဆိုပါ စက်ရုံမှာ ONLY ၊   VERO MODA နဲ့ ZARA brand  တို့ချုပ်လုပ်တာဖြစ်တယ်လို့ သိရပါတယ်။


 


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
အထည်စံချိန်အဆမတန်ချုပ်ခိုင်းပြီး မရပါက ဥပဒေမဲ့အလုပ်ထုတ်နေ
Mar 20, 2024
Cover
လုပ်အားခ မပေးဘဲ အချိန်ပိုအား မဆင်းဟုဆိုကာ G&B အထည်ချုပ်စက်ရုံ အလုပ်ထုတ်
Mar 17, 2024