NEWS

Tha Shu အထည်ချုပ် စက်ရုံ လိုင်းစာရေး ၁၅ ဦးအား စစ်ဆေးခံရန် ရွေးချယ်ထားဟုဆို

CoverLogo
124 Views

Myanmar Labour News က တာဝန်ရှိသူများရှင့်

ဒီကနေ့ (မေ ၂၅ ရက်) မှာ မြို့နယ် အလုပ်သမားရုံးက တာဝန်ရှိသူတွေ စက်ရုံကို လာစစ်မယ်လို့ သိပါတယ်။ စက်ရုံက အလုပ်သမားတွေကိုတော့ အဲလို လာစစ်မယ်ဆိုတာ မပြောပါဘူး။ ဒါပေမဲ့ လိုင်းစာရေးမ ၁၅ ဦးနဲ့ လုပ်သက်ရင့် စာချုပ် လုပ်သား ၃ ဦးလောက်ကို စက်ရုံရဲ့ ထုတ်လုပ်ရေးမန်နေဂျာက အစစ်အဆေးခံဖို့ မနေ့က (မေ ၂၄ ရက်) က ရွေးပါတယ်ရှင့် ။ စစ်ဆေးရေးအဖွဲ့လာရင် အစစ်ခံဖို့ပါ။

Myanmar Labour News မှာ သတင်းပါလို့ လာစစ်တာလို့ ကြားပါတယ် ရှင့်။ သတင်းမှာပါတဲ့ အချက်တွေထဲက ထမင်းစားဆောင်ကျပ်တာ တခုတည်း ရှင်းပေးထားပါတယ်။ ကျန်တဲ့ သောက်ရေ မသန့်တာ၊ တံခါးပိတ်လို့ အပူဒဏ်ခံရတာ၊ ရေဗူး ယူမရတာ၊ စံချိန်တွေ တိုးတောင်းတာတွေ၊ စူပါတွေ ဆဲပြီး ခိုင်းတာတွေက နဂိုအတိုင်းပဲ ရှိပါသေးတယ်ရှင့် ။ မပြောင်းလဲပါဘူးရှင့်။

မနေ့ (မေ ၂၄)ရက် က စက်ရုံရဲ့ ထုတ်လုပ်ရေးမန်နေဂျာက လိုင်းစာရေးမတွေကို ခေါ်ပါတယ်။ တာဝန်ရှိသူတွေ စစ်တယ်ဆိုရင် သတင်းမှာပါတဲ့ စက်ရုံက အဖြစ်အပျက်တွေက မဟုတ်ဘူးဆိုပြီး လိုင်းစားမရေးတွေကို ဖြေဖို့ ပြောတယ်လို့ ကြားပါတယ်။ စံချိန်အထည် ၂၅ ထည် လောက်ပဲ (Hourly) တောင်းတဲ့ အကြောင်း၊ ရေဗူးယူမရတာ မဟုတ်တဲ့ အကြောင်း၊ သောက်ရေမသန့်တာနဲ့ တံခါးပိတ်တာတွေက မဟုတ်တဲ့ အကြောင်းတွေကို လာစစ်ဆေးရင် ပြောဖို့ ထုတ်လုပ်ရေး မန်နေဂျာက သင်ပေးတယ်လို့ ကျွန်မတို့ အလုပ်သမားတွေ ပြန်ကြားရပါတယ်ရှင့်။

စက်လိုင်းစာရေးမတွေကိုလည်း Helper (အကူလုပ်သား)တွေ၊ စက်သမားတွေ ၊ တခြားဌာနက အလုပ်သမား တွေလို ဟန်ဆောင်ခိုင်းပြီး ဖြေခိုင်းထားတာပါ။

အလုပ်သမားရုံးက လာစစ်ရင် စက်ရုံထဲမှာ တကယ်ဖြစ်ပျက်နေတာတွေကို အမှန်တိုင်း မသိမှာကို စက်ရုံအလုပ်သမားတဦးအနေနဲ့ စိတ်ပူတာပါရှင့် ။ သေချာ စစ်ဆေးပေးဖို့ တောင်းဆိုပါတယ်ရှင့်။


Related posts

Cover
New Plus အထည်ချုပ် စက်ရုံ  တနင်္ဂနွေ နားရက်မှာ လုပ်ကိုင်ခိုင်း၊ နားချိန်ကို ငွေကြေးနှင့် ဝယ်ယူ ခိုင်းစေနေ
Jun 14, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
Myanmar Best fortune စက်ရုံအလုပ်သမားတွေရဲ့ ပေးစာ
Jun 12, 2024
Cover
အထည်စံချိန်ကို ချုပ်လုပ်နိုင်တာထက်ပိုမိုသတ်မှတ်တောင်းခံပြီး မပြည့်ပါက အချိန်ပိုကြေးမပေးဘဲ ခိုင်းစေ
Jun 11, 2024
Cover
New Talent အထည်ချုပ်စက်ရုံက အချိန်ပိုခိုင်းစေမှုအား အလုပ်မပြီးစီးလို့ဆိုပြီး လက်မှတ်ထိုးခိုင်း
Jun 11, 2024
Cover
Great Summer အထည်ချုပ်စက်ရုံတွင် ၇ နာရီဆက်လုပ်ကိုင်ရပြီး အပြင်သောက်ဆေးယူခွင့်မရ
Jun 09, 2024
Cover
Tha Shu (Myanmar) အထည်ချုပ် စက်ရုံ လုပ်ငန်းခွင် ပြုပြင်ပြောင်းလဲပေးခြင်းမရှိ
Jun 07, 2024
Cover
အလုပ်သမားအခွင့်အရေးချိုးဖောက်မှု့ဆိုင်ရာ တိုင်ကြားစာ telegram Letterbox ဖွင့်လှစ်ထားကြောင်း အသိပေးချက်
Jun 07, 2024