ညီမတို့က Sincere Season  အထည်ချုပ်စက်ရုံက အလုပ်သမားတွေပါ ရှင့် ။ စက်ရုံကတော့ လှိုင်သာယာမြို့နယ်၊ မြစိမ်းရောင်စက်မှုဇုန်၊ မြစိမ်းရောင်လမ်းမှာပါရှင့်။
တနင်္ဂနွေပိတ်ရက်တွေကို စက်ရုံက အချိန်ပိုတွေ ဆင်းခိုင်းနေပါတယ်။ နေ့တိုင်းလည်း  အချိန်ပိုလုပ်ပေးရပါတယ်။ ညနေ ၆ နာရီ ဒါမှမဟုတ်ရင်  ည ၈ နာရီအထိ အဲလိုတွေ လုပ်ပေးရပါတယ်။ မနက်ဖြန် (ဩဂုတ် ၄ ရက်) လည်း အလုပ်ဆင်းခိုင်းပါတယ်။ ဆင်းရမှာပါရှင့် ။ အပတ်တိုင်း လိုလို  ဆင်းနေရပါ တယ်။ ၅လပိုင်းလောက်က စပြီး အချိန်ပိုတေါ အရမ်းခေါ်ပါတယ် ။ ဆက်တိုက် လုပ်ပေးရတာပါ။ 
ညီမတို့မှာ စားဝတ်နေရေးက  အရမ်းခက်ခဲတော့ ပြောသမျှခံရ လုပ်သမျှခံနေရတာပါ။ မဆင်းချင်လည်း မရဘူးရှင့် ။ ပိုက်ဆံ ဖျက်ပါတယ် ။ ပြောဆို ဆူခံရပါတယ်။ 
အချိန်ပိုမဆင်းရင် နောက်နေ့ဆို ခွေးလို ဆဲခံရပါတယ်။
အကြုံပြုစာရေးရင်လည်း ဘယ်သူရေးလဲဆိုပြီး စစ်ဆေးပါတယ်။  “ပြောသေးတယ်။ တိုင်ချင်တဲ့သူ တိုင်။ နောက်ဆုံး သူဌေး စက်ရုံပိတ်ပြီး၊ အခြားမှာသွားဖွင့်လိုရတယ်” ဆိုပြီး မန်နေဂျာကပြောပါတယ်။ 
အချိန်ပိုဆင်းရပေမဲ့ ညနေ ၄ နာရီမှာ ၁၀ မိနစ် ပေးနားပါတယ်။  
စက်ရုံထဲမှာ EC စာချုပ်  မချုပ်ရသေးသူတွေအများကြီး ရှိနေပါတယ်။  အရွယ်မရောက်သေးတဲ့ အလုပ်သမား တွေလည်း အများကြီးရှိပါတယ်။  HR ကလည်း ကိုယ်တိုင် အင်တာဗျူးပြီး  အလုပ်ဝင်လုပ်နေမှာ ကလေး အလုပ်သမားလို့ သိရင်  အလုပ်ထုတ်ပါတယ် ။ နေ့စားတွေလည်း ခေါ်ခိုင်းပြီး၊ ပြီးရင်ထုတ်တယ်။
စစ်ဆေးအဖွဲ့တွေ လာလို့ မေးရင်၊ သူတို့ သင်ပေးတဲ့အတိုင်း ဖြေရပါတယ်။ 
ခွင့်ခံစားခွင့် မရပါဘူး။ ဘာခွင့်မှ မရတာပါ။ ဆေးခွင့်တောင် မပေးပါဘူး ရှင့်။   
စက်ရုံ သူနာပြုကလည်း ဆေးခန်းမှာမနေဘူး ။ ဆေးလာတောင်းရင်လည်း ဖုန်းကြည့်နေတယ် ၊ စိတ်မရှည်တဲ့ ပုံစံနဲ့ဆေးမရှိဘူးလို့ ပြောပါတယ်။  
စက်ရုံက တရုတ်လူမျိုးပိုင်ပါ။ အလုပ်သမားက ၂၀၀၀ ကျော်လောက်  ရှိတယ် ။ WCC က ဖွဲ့ထားတာကို တခြားသူတွေ ပြောမှ သိရပါတယ်။ စက်ရုံအလုပ်သမား သမဂ္ဂ မရှိပါဘူး။  
စက်ရုံမှာ Bestsellers , PULL&BEAR , Sinsay , Amisu , Vero Moda လို တံဆိပ် အတည်တွေ ချုပ်ပါတယ်။
အချိန်ပိုတွေ များလွန်းလို့ ကျွန်မတို့အလုပ်သမားတွေ သေဖို့ပဲ ရှိပါတယ်။ ကူညီ ဖြေရှင်းပေးပါရှင့် ။