NEWS

လက်ဝါးအထည်ချုပ်စက်ရုံလုပ်ငန်းခွင်ဆိုင်ရာချိုးဖောက်မှုတွေကျူးလွန်နေဟုဆို

CoverLogo
605 Views
ရန်ကုန်တိုင်းဒေသကြီး၊ လှိုင်သာယာမြို့နယ်၊ စက်မူဇုန် ( ၃ )ရှိ လက်ဝါးအထည်ချုပ်စက်ရုံ ( ၁) သည်အလုပ်ချိန်မတိုင်ခင် အလုပ်ဝင်လုပ်ခိုင်းတာတွေ အထည်တစ်ကတ်ကြေးတွေ အပြည့်မပေးပဲ နောက်လမှပေါင်းပေးတာတွေ လုပ်တယ်လို့သိရပါတယ်။
" မနက်အလုပ်ဝင်ချိန် ၈နာရီကို ၈နာရီထိုးဖို့ ၁၀မိနစ်အလိုထဲက ဝင်ပြီးအလုပ်လုပ်ခိုင်းတယ် HR က နေ့လည်ထမင်းစားချိန် ၁၂နာရီကနေ ၁၂နာရီခွဲထိ မိနစ်၃၀ အနားပေးတာမှာ မိနစ်၂၀ပဲရတယ် ၁၀မိနစ်အလိုမှာ လုံခြုံရေးဝန်ထမ်းတွေက ခရစ်မှုတ်ပြီး အလုပ်ဝင်လုပ်ခိုင်းတယ်။
OT ခေါ်ရင်လည်း ငြင်းလို့မရဘူး အတင်းလက်မှတ်ထိုးခိုင်းတယ်။ ot မဆင်းရင် ပွိုင့်ပြောင်းတာတွေ ပွိုင့်ပိုင်မပေးတာတွေ လုပ်တယ်။
ဥပဒေပါခွင့်တွေယူရင်လည်း Super Leaderတွေပြောဆိုတာခံရတယ်။ တခြားလိုင်းကိုပြောင်းပစ်တာတွေ ပွိုင့်ပိုင်မပေးတာတွေ လုပ်တယ်။
တစ်ကတ်ကြေးနဲ့ချုပ်ရတယ်ဆိုပေမဲ့ အထည်စံချိန်ကိုမတရားတောင်းတာကြောင့် ရေမသောက်ရတာတွေ အပေါ့မသွားရလို့ဆီးအောင့်တာတွေ အထည်မပြီးလို့ အပြောအဆိုခံရမှာကြောင့် ထမင်းထွက်မစားရတွေကြောင့် အလုပ်သမားတွေအနေနဲ့ကျန်းမာရေးထိခိုက်ပြီး မူးမေ့လဲတာတွေတောင်ရှိတယ်။
အရေးပေါ်ထွက်ပေါက်လမ်းကြောင်းတွေဆိုလဲ အထည်လိပ်တွေနဲ့ ပိတ်နေလို့ လမ်းကျဥ်းပြီး မနည်းတိုးထွက်နေရတယ် ။ အလုပ်ဆင်းချိန်ဆို ထွက်ပေါက်တစ်ပေါက်ပဲဖွင့်ပေးထားတော့ ကြပ်ညပ်ပြီးမနည်းတိုးထွက်ရတယ်။ Super Leaderတွေကတော့ တခြားအပေါက်ကထွက်ရတယ်။
အိမ်သာတံခါးတွေဆိုလည်း ဂျက်မကောင်းတာတွေပြင်မပေးဘူး။
အမျိုးသမီး ဝန်ထမ်းတွေကို အလေးအပင်အထည်ပုံး​
တွေမခိုင်းတယ်၊ အထည်လှည်းတွေတွန်းခိုင်းတယ်။ မီးဘေးအန္တရာယ် ကြိုတင်ကာကွယ်ရေးဆိုင်ရာ သရုပ်ပြလေ့ကျင့်တာတွေလည်းမရှိဘူး အလရကစည်းကြပ်တဲ့ လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေး ဆိုင်ရာ ဥပဒေကိုလည်းမလုပ်ဆောင်ဘူး။
အဆိုပါစက်ရုံသည် -------------နိုင်ငံသားပိုင်ဖြစ်ပြီး လူဦးရေ ၁ထောင်ဝန်းကျင်နဲ့ MOHITO brandကိုချုပ်လုပ်နေတာဖြစ်ပါတယ်။
"လုပ်ခပေးတဲ့နေရာမှာလဲ တစ်ကတ်ကြေးနဲ့ပေးတာဖြစ် ပြီး ဥပမာ ၅သိန်းဖိုးချုပ်ထားရင် ၃သိန်းပဲပေးတယ်။ ကျန်တဲ့ ၂သိန်းကို နောက်လ လကုန်ပြီး ၅ရက်နေ့မှပေးတယ်။အထည်ဆုကြေးတွေကိုလဲ အပြည့်မပေးဘူးနောက်လမှပေါင်းပေးတာတွေလုပ်တယ်။
WCC တော့ရှိတယ် အလုပ်ရှင်က ၆ယောက်လုံးကို့သူ့သဘောတိုင်းရွေးပြီး ဓာတ်ပုံကပ်ထားတာပဲရှိတယ်။
အိမ်သာသွားရင်တောင် အိမ်သာသွားကဒ်လုပ်ထားပြီး တစ်လိုင်းကို ၃ကဒ်ပဲပေးထားတယ်။ ပဲကျရင်လဲ ၅၀၀/၁၀၀၀ဖြတ်တယ်။ မနက်အလုပ်ဝင်တာနဲ့စက်ရုံဘတ်က ဖုန်းတွေကို ပုံးသေးသေးလေးထဲစုထည့်ထားရတယ် အဲ့လို့ထည့်ရလို့ ပျောက်တာပျက်တာတွေကိုလည်း တာဝန်မယူဘူး ဖုန်းပျက်တာတွေလည်း ရှိတယ် သူတို့သတ်မှတ်ထားတဲ့ပုံးထဲမထည့်ရင် ၅၀၀ပေးရတယ် အခုလို မတရား ပြုလုပ်နေတာတွေကို ဘတာဝန်ရှိသူတွေ ကူညီပေးစေချင်ပါတယ်။
 
 

Related posts

Cover
Heng Li Garment စက်ရုံအလုပ်သမားတွေ နားရက်မရှိလုပ်ကိုင်နေရပြီး အခွင့်အရေးချိုးဖောက်ခံရမှုများရှိနေ
Jul 11, 2024
Cover
Wonderful Apparel အထည်ချုပ် အလုပ်သမားတွေ အခွင့်အရေးချိုးဖောက်ခံနေရ
Jul 09, 2024
Cover
Mayfair Myanmar အထည်ချုပ် ည ၁ နာရီအထိ အချိန်ပို ခိုင်းစေ တနင်္ဂနွေ ပိတ်ရက်ပါ ဆက်လုပ်ခိုင်း
Jul 07, 2024
Cover
Kai Xin enterprise  နေ့စားလုပ်သားများအား ထောက်ပံ့ကြေး မပေးဘဲ၊ ဒေးကြေး ခွဲခြားတိုးမြှင့်ပေး
Jul 07, 2024
Cover
J-Land Myanmar အထည်ချုပ်စက်ရုံ ညွှန်ကြားချက်အရ ဆိုကာ လုပ်ခ လျှော့ချ
Jul 06, 2024
Cover
Tha Shu (Myanmar) Glory Fashion အထည်ချုပ် စက်ရုံ နားချိန်မပေးဘဲ ၇  နာရီဆက်တိုက် ခိုင်းစေ၊  ထမင်းစားဆောင်တွင် ကျပ်တည်းစွာ စားသောက်ရ
Jul 03, 2024
Cover
LUCKY FORTUNE GARMENT စက်ရုံအလုပ်သမားတွေ အထည်ကြေးထက်ဝက်မက လျှော့ချခံရ
Jul 01, 2024
Cover
Myanmar Huasheng Golden အထည်ချုပ်စက်ရုံ ဇွန်လ တလလုံး ညည့်နက် လုပ်ကိုင်ခိုင်း
Jul 01, 2024