Myanmar solamoda Sunrun စက်ရုံမှာ အချိန်ပိုဆင်းရလို့ နေ့တိုင်းနီးပါး အိမ်မပြန်ရပါဘူး။ အချိန်ပို (ot)တွေ အသေအလည်း ခေါ်နေပါတယ်။ စက်ရုံမှာပဲ အိပ်ရပါတယ်။ စက်ရုံမှာ အိပ်ရဝောာ့ အလုပ်လုပ်တဲ့ ခုံပေါ်တွေမှာပဲ အိပ်ရပါတယ်။ ပေးတဲ့ စောင်တွေကလည့်း အနံအသက်တွေနဲ့ပါ ။ စက်ရုံက မြို့ရှောင်လမ်း၊ ကျွဲဒညှင်းကုန်းရွာ အနီး၊ ပဲခူးစက်မှုဇုန်မှာပါ။
ပြီးခဲတဲ့ ၁၂ လပိုင်းကတည်း အချိန်ပိုကို ညနက် ၁၁ နာရီအထိအောင် ခေါ်ပါတယ်။ အခုလို မလုံခြုံတဲ့ ခေတ်မှာ အချိန်ပိုတွေကို အလုပ်သမားတွေက မဆင်းချင်ကြပါဘူး ။ စနေနေ့တွေဆို ညဘက်ဆင်းရတဲ့အပြင် နောက်တနေ့ (တနင်္ဂနွေနေ့) မနက် ၃ နာရီ အထိ ဆက်ဆင်းခိုင်းပါ တယ်။ မနက် ၅ နာရီ မှာ ကြိုပို့ ကားလာပါတယ်။ အိမ်ဝေး တဲ့ သူတွေဆို ဖယ်ရီကား ၁ နာရီကျော် စီးပြီး မနက် ၇ နာရီလောက်မှ အိမ်ကို ရောက်ကြပါတယ်။
အချိန်ပိုဆင်းတဲ့နေတိုင်း မနက်စာ မကျွေးပါဘူး။ နေ့လည်စာပဲ ကျွေးပါ တယ်။ အချိန်ပိုဆင်းရတဲ့ နေ့တွေမှာ နေ့လည် ၁၂ ခွဲကနေ ည ၆ ခွဲအထိ မနားရပါဘူး ။ နာရီဝတ် နားပြီး၊ ည ၇ နာရီကနေ ည ၁၁ အထိ ဆက်တိုက် ချုပ်ရပါတယ်။
စက်လိုင်းကို အုပ်ချုပ်တဲ့ တရုတ်အမျိုးသမီးကလည်း အော်ဟစ်ပြောဆိုလို့ ငိုရတဲ့သူတွေ ရှိပါတယ်။ QC အလုပ်သမား တွေကို ရာထူးချပြီး အမွှေးညှပ်ဌာနကို ပို့ပစ်ပြီး လျော်ကြေးမပေးရဘဲ အလုပ်ထွက်အောင် ဖိအားပေးတာတွေ ရှိပါတယ်။ သက်ဆိုင်ရာလူကြီးများ သိစေချင်ပါတယ်။ Myanmar solamoda Sunrun စက်ရုံကပါ။ စက်ရုံက ရုံခွဲ ၃ရုံရှိ ပါတယ်။ အခု ပဲခူးစက်ရုံက နံပါတ် ၃ ပါ ။
စက်ရုံမှာ GU brand ကိုအများဆုံးချုပ်ပါတယ်။ အခုတော့ တခြားတံဆိပ်တွေချုပ်နေပါတယ်။
