Money Changer ကောင်တာငါးခုငွေလဲခွင့်ပိတ်သိမ်းခံရပြီး ပြင်ပဒေါ်လာဈေးထပ်မံကျဆင်းလာ

cover
profile
Sep 19, 2022

ဗဟိုဘဏ်ရဲ့ နိုင်ငံခြားသုံးငွေစီမံခန့်ခွဲမှုဥပဒေစည်းမျဉ်းစည်းကမ်းတွေနဲ့  ဗဟိုဘဏ်မှထုတ်ပြန်ထားတဲ့  အမိန့်ညွှန်ကြား ချက်တွေကို  လိုက်နာဆောင်ရွက်ခြင်းမရှိတဲ့  နိုင်ငံခြားငွေလဲကောင်တာငါးခုကို အရေးယူလိုက်ရာ ပြင်ပဒေါ်လာဈေးထပ်မံကျဆင်းလာတယ်လို့ သိရပါတယ်။

“မနေ့ကအရေးယူလိုက်တဲ့ ကောင်တာတွေရှိတယ်။ Money Changer တွေပေါ့။ ပိုင်ရှင်တစ်ဦးတည်းလို့ ထုတ်ပြန်ချက်အရသိရတယ်။ ဒီနေ့မှာတော့ဝယ်ချင်တဲ့သူတွေများနေတယ်  ဒါပေမဲ့ရောင်းမဲ့သူပေါ်မလာဘူး။ အရင်ရက်တွေကရောင်းချင်တဲ့သူတွေက ဈေးခေါ်တယ်။ဝယ်ချင်တဲ့သူကဈေးညှိတယ်။ မကြိုက်ရင်မဝယ်ဘူး။ ဒီနေ့တော့အရောင်းတွေပျောက်နေတယ်။ ဈေးကလည်း ၃၂၀၀ လောက်ဖြစ်သွားတယ်”လို့  ဒေါ်လာဖြင့်လုပ်ငန်းလည်ပတ်နေသူတစ်ဦးက ဆိုပါတယ်။

ပြီးခဲ့တဲ့စက်တင်ဘာ ၁၇ ရက်နေ့က နိုင်ငံခြားသုံးငွေစီမံခန့်ခွဲမှုဥပဒေပုဒ်မ ၃၅ အရ ဗဟိုဘဏ်မှထုတ်ပြန်ထားသည့် အမိန့်ညွှန်ကြား ချက်များအား လိုက်နာခြင်းမရှိတဲ့ နိုင်ငံခြားငွေလဲကောင်တာဖြစ်တဲ့ Money Changer ငါးခုကိုသုံးလစီပိတ်သိမ်းလိုက်တယ်လို့ ထုတ်ပြန်ကြေညာခဲ့ပါတယ်။  အဆိုပါငွေလဲကောင်တာငါးခုဟာ  Family Moe Paing Co., Ltd ၏ Money Changer များဖြစ်ပြီး  စက်တင်ဘာ ၁၉ ရက်မှစတင်၍လိုင်စင် ၃ လဆိုင်းငံ့လိုက်တယ်ဆို့ သိရပါတယ်။

အဆိုပါ ကုမ္ပဏီသည် ဗဟိုဘဏ်၏ ၂၀၁၃ ခုနှစ်၊ သြဂုတ် ၁၉ ရက်က ခွင့်ပြုထုတ်ပေးထားသည့် Money Changer License အမှတ် CBM-FEMD-122,2013 ရရှိထားသော ကုမ္ပဏီဖြစ်ပြီး  Money Changer များကတော့  ဗဟန်းမြို့နယ်အ တွင်းကောင်တာနှစ်ခု၊ ရွှေဂုံတိုင်တွင် ကောင်တာတစ်ခု၊ ကျောက်တံတားမြို့နယ်အတွင်း ကောင်တာနှစ်ခု စုစုပေါင်း ကောင်တာ(၅)ခုကို  နိုင်ငံခြားငွေဝယ်ယူခြင်း၊ ရောင်းချခြင်း၊လဲ လှယ်ခြင်းများအား ဆောင်ရွက်ခွင့်မရှိကြောင်း ဗဟိုဘဏ်ကအသိပေးထုတ်ပြန်ခဲ့တာပါ။

အဆိုပါအရေးယူမှုကြောင့်   ပြင်ပဒေါ်လာဈေးကွက်ဟာလည်း  ယမန်နေ့က ၃၄၀၀ ကျပ်ပေါက်ဈေးရှိနေရာမှာ   ယနေ့စက်တင်ဘာ ၁၉ ရက်နေ့မှာတော့ ၃၂၀၀နဲ့ ၃၂၅၀ သာရှိနေပြီး ရောင်းလိုသူရှားပါးကာ  ဝယ်ယူလိူုသူများနေတဲ့အပြင်  ထပ်မံပြီးကျဆင်းဖို့မြင်နေရတယ်လို့ ခန့်မှန်းနေကြတယ်လို့ သိရပါတယ်။

MyanmarLabourNews

12K Views

Related News

cover
အမြဲတမ်းဝန်ထမ်းအဖြစ်မှ နေ့စားအဖြစ်သို့ ပြောင်းလဲခန့်အပ်တာတွေ များလာ
Mar 7, 2023
cover
Princess Power Garment က အလုပ်သမားတွေ ဖူလုံရေးခံစားခွင့်အပြည့်အ၀ရရှိလို
Mar 6, 2023
cover
လုပ်ငန်းခွင်အတွင်း ချိုးဖောက်ခံရမှုတွေရှိနေတယ်လို့ Dishang Fashion Garment အလုပ်သမားတွေ ပြော
Mar 6, 2023
cover
Qi Cai (Myanmar) အထည်ချုပ်စက်ရုံ ပိတ်ရက်တွေအတွက် ဒေးကြေး အပြည့်အဝရရှိလိုတယ်လို့ အလုပ်သမားတွေပြော
Mar 3, 2023
cover
ဥပဒေပါခွင့်ခံစားခွင့်တွေမရရှိဘူးလို့အလုပ်သမားတွေပြော
Mar 3, 2023
cover
အလုပ်သမားက တရားစွဲထားတဲ့ YFA စက်ရုံပိုင်ရှင် ရုံးချိန်းသုံးချိန်းတိတိပျက်ကွက်
Mar 3, 2023
cover
လုပ်ငန်းခွင်ထဲမှာ ခွင့်တစ်ရက်ပျက်တာနဲ့ ကျွမ်းကျင်ကြေး ဖြတ်တောက်မှုတွေရှိလာ ဥပဒေပါ ခွင့်ခံစားခွင့်များမရရှိတော့ဟုဆို
Mar 2, 2023
cover
စက်ရုံအလုပ်သမားတွေ ပြည်ပနိုင်ငံတွေမှာသွားရောက်လုပ်ကိုင်ဖို့ အကူညီတောင်းခံသူ ၄၀၀ ၀န်းကျင်အထိရှိလာ
Mar 1, 2023
cover
အလုပ်သမားအခွင့်အရေးဆိုးရွားစွာ ချိုးဖောက်ခံနေရတာတွေ ပြုပြင်ပြောင်းလဲပေးဖို့ လုပ်သားတွေတောင်းဆို
Feb 28, 2023
cover
အလုပ်ရှင်ဘက်က ဖွဲ့စည်းထားတဲ့ WCC အစားအသစ်ပြန်ဖွဲ့ပေးဖို့ အလုပ်သမားတွေတောင်းဆို
Feb 27, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle