အမျိုးသားညီညွတ်ရေးအစိုးရ(NUG)အလုပ်သမားရေးဝန်ကြီးဌာန၊ ဒုတိယဝန်ကြီးဦးကျော်နီ နှင့်တွေ့ဆုံခြင်း။

cover
profile
May 1, 2022

"ဖြစ်နိုင်သမျှနည်းလမ်းတွေသုံးပြီးအလုပ်သမားတွေရဲ့အခွင့်အရေးတွေကိုကာကွယ်ပေးဖို့နဲ့ ဆုံးရှုံးခဲ့ရတဲ့အခွင့်အရေးတွေကိုပြန်အရယူပေးဖို့ကြိုးစားသွားမှာပါ"

အမျိုးသားညီညွတ်ရေးအစိုးရ(NUG)အလုပ်သမားရေးဝန်ကြီးဌာန၊ ဒုတိယဝန်ကြီးဦးကျော်နီ နှင့်တွေ့ဆုံခြင်း။

Myanmar Labour News သတင်းဌာနမှအမျိုးသားညီညွတ်ရေးအစိုးရ(NUG)အလုပ်သမားရေးဝန်ကြီးဌာန၊ ဒုတိယဝန်ကြီးဦးကျော်နီ နှင့်တွေ့ဆုံပြီး စစ်အာဏာသိမ်းပြီးနောက်ဒုတိယအကြိမ်ရောက်ရှိလာတဲ့ ကမ္ဘာ့အလုပ်သမားနေ့နှင့်ပတ်သတ်တဲ့အကြောင်းအရာများ၊ ပြည်တွင်းပြည်ပအလုပ်သမားရေးရာကိစ္စရပ်များကိုမေးမြန်းဖြစ်ခဲ့ပါတယ်။

MLN- စစ်အာဏာသိမ်းကာလအတွင်းယခုလာမယ့်မေဒေးနေ့အတွက်ပြည်တွင်း ပြည်ပအလုပ်သမားတွေကိုပြောချင်တာများရှိရင်ပြောပေးပါ။

ဦးကျော်နီ-
ဒီတိုက်ပွဲမှာ အလုပ်သမားထုရဲ့ အင်အားက အရေးပါတဲ့ ကဏ္ဍမှာ အမြဲရှိနေပါတယ်။ အာဏာသိမ်းပြီး ၆ ရက်နေ့ကတည်းက အလုပ်သမားတွေဟာ ထုနဲ့ထည်နဲ့  လမ်းပေါ်ထွက်လာခဲ့တာဖြစ်တဲ့အတွက် နွေဦးတော်လှန်ရေးမှာ အလုပ်သမားထုရဲ့  ပါဝင်မှုက ကြီးမားပါတယ်။ မြန်မာပြည်ရဲ့ နယ်ချဲ့ဆန့်ကျင်ရေး၊ ဖက်ဆစ်တော်လှန်ရေး၊ အမျိုးသားလွတ်မြောက်ရေးတိုက်ပွဲတွေမှာ ပါဝင်ခဲ့သလို စစ်အာဏာရှင်စနစ်တိုက်ဖျက်ရေးတိုက်ပွဲတွေမှာလည်း ခေတ်အဆက်ဆက်ပါဝင် ခဲ့ပါတယ်။ ယခုနွေဦးတော်လှန်ရေးမှာလည်း တပ်ဦးက ပါဝင်ခဲ့တာ ဖြစ်တဲ့အတွက် ကျနော်တို့ဝန်ကြီးဌာနအနေနဲ့ ဂုဏ်ယူသလို ဂုဏ်လည်းပြုပါတယ်။ အလေးလည်းပြုပါတယ်။

MLN- လက်ရှိမှာဝန်ကြီးတို့အနေနဲ့တိုင်ကြားရေးယန္တယား စတင်အကောင်အထည်ဖော်နေပြီလို့သိရတယ်။ဒါကကြားကလနစ်နာမှုတွေအတွက်အချက်အလက်ကောက်ယူယုံပဲလား၊ ဘယ်လိုကိုင်တွယ်ဖြေရှင်းဖို့စီစဥ်ထားပါသလဲ။

ဦးကျော်နီ-
အချက်အလက် ကောက်ယူရုံသက်သက်တော့ မဟုတ်ပါဘူး။ ဖြစ်နိုင်သမျှ နည်းလမ်းတွေကို သုံးပြီး အလုပ်သမားတွေရဲ့ အခွင့်အရေးတွေကို ကာကွယ်ပေးချင် ပြန်လည်ရယူပေးဖို့ ကြိုးစားမှာပါ။ အရမ်းတော့  ခက်ခဲမှာပါ။ အလုပ်သမားအခွင့်အရေးကို အကာအကွယ်ပေးဖို့ ကြိုးစားရင်း အလုပ်သမားတွေရဲ့ အခွင့်အရေးတွေ ပိုမိုဆုံးရှုံးမှာကိုလည်း မဖြစ်အောင် ဂရုစိုက်နေရပါတယ်။

MLN- ဝန်ကြီးတို့အခုဆောင်ရွက်နေတဲ့အလုပ်သမားရေးရာနစ်နာမှုအချက်အလက်ကောက်ယူရေးတိုင်ကြားမှုယန္တရားဟာအလုပ်သမားတွေအတွက်သာမကပဲ အလုပ်ရှင်တွေအတွက်ပါရည်ရွယ်တယ်လို့သိရပါတယ် ဒါလေးကိုအများပြည်သူနားလည်အောင်အကျယ်လေးတချက်ပြောပြပေးပါ။

ဦးကျော်နီ-
အလုပ်ရှင်တွေကို ပူးပေါင်းဆောင်ရွက်ဖို့ ဖိတ်ခေါ်ထားတာသာ ဖြစ်ပါတယ်။ ဆိုလိုတာကတော့ တရားဥပဒေ စိုးမိုးမှုမရှိသေးခင်၊ တနည်းပြောရရင် ပြည်သူ့လူထုရွေးချယ်တင်မြောက်တဲ့ အစိုးရ အုပ်ချုပ်မှု ကင်းမဲ့နေတဲ့ကာလမှာ အလုပ်သမားတွေအပေါ် အခွင့်အရေးချိုးဖောက်မှုတွေ မပြုလုပ်ဖို့၊ တိုင်ကြားမှုတွေ ရရှိလာတဲ့အခါ ပြန်လည်ကုစားမှုတွေမှာ ပူးပေါင်းဆောင်ရွက်ဖို့ အတွက် ဖိတ်ခေါ်တာပါ။


MLN- စစ်အာဏာသိမ်းပြီးကာလမှာနစ်နာခဲ့တဲ့အလုပ်သမားတွေသာမက တိုင်းရင်းသားလုပ်ငန်းရှင်တွေလဲရှိတယ်ဆိုတော့အလုပ်ရှင်တွေဖက်ကနစ်နာမှု့တွေအတွက်ရော NUG အနေနဲ့ဘယ်လိုစီစဥ်ထားလဲ။

ဦးကျော်နီ-
တော်လှန်ရေးမှာ ဖြစ်ပေါ်ခဲ့တဲ့ နစ်နာမှုတွေအတွက် NUG အနေနဲ့ တတ်နိုင်သမျှ ပြန်လည်ကုစားပေးမှာပါ။ တော်လှန်ရေးမှာ ပါဝင်သလောက်လည်း ချီးမြှင့်ပေးဖို့လည်း အစီအစဉ် ရှိပါတယ်။

MLN-
လုပ်ငန်းရှင်ကြီးတွေက ဘယ်လောက်အထိချိတ်ဆက်ဆောင်ရွက်နေပြီလဲ။

ဦးကျော်နီ-
သက်ဆိုင်ရာလုပ်ငန်းရှင်ကြီးတွေနဲ့၊ NUGနဲ့ ဝန်ကြီးဌာနအလိုက် ချိတ်ဆက်ဆောင်ရွက်တာတွေတော့ ရှိပါတယ်။ ဘယ်လောက်အထိဆိုတာကတော့ ပြောရခက်ပါတယ်။


MLN- အလုပ်ရှင်အလုပ်သမားလုပ်ငန်းခွင်ဆက်ဆံရေးခိုင်မာအားကောင်းဖို့ဆိုတဲ့အချက်လဲတွေ့ရတော့ဒီကြားကာလအလုပ်သမားတွေရဲ့နစ်နာမှု့အတွေအပေါ်မှာလုပ်ငန်းရှင်တွေကတကယ်လိုက်နာပြီးပူးပေါင်းဆောင်ရွက်ဖို့ကောဘယ်လိုဆောင်ရွက်သွားမှာပါလဲ။

ဦးကျော်နီ-
အလုပ်ရှင်အလုပ်သမားလုပ်ငန်းခွင် ခိုင်မာအားကောင်းဖို့ဆိုတာကတော့ စကစကိုဆန့်ကျင်တဲ့ ဘက်က သူတွေ ခိုင်မာ အားကောင်းလာရေးပဲ ဖြစ်ပါတယ်။ တော်လှန်တဲ့ အလုပ်သမားနဲ့ စကစ အလိုတော်ရိ လုပ်ငန်းရှင်နဲ့ကတော့ ဘယ်လိုနည်းနဲ့မှ ခိုင်မာအားကောင်းတဲ့ ဆက်ဆံရေး ရှိလာမှာ မဟုတ် ပါဘူး။ ဒီလိုပါပဲ  တော်လှန်ရေးကိုထောက်ခံတဲ့ အလုပ်ရှင်နဲ့ စကစ အမာခံ ဒလန်လုပ်နေတဲ့ အလုပ်သမားဟာလည်း ခိုင်မာအားကောင်းတဲ့ ဆက်ဆံရေးရှိမှာ မဟုတ်ပါဘူး။

MLN-
အလုပ်သမားရေးရာတိုင်ကြားရေးယန္တယား(Complaint Mechanism)ကို တကယ့်မြေပြင်မှာလက်တွေ့အကောင်အထည်ဖော်ဆောင်ရွက်နိုင်ဖို့ဘယ်လိုပြင်ဆင်ထားပါသလဲ၊ ဘာတွေလိုအပ်နေပါသေးသလဲခင်ဗျ။

ဦးကျော်နီ-
လက်တွေ့ အကောင်အထည်ဖော်ဆောင်ရွက်နေပါတယ်။ လိုအပ်ချက်ကတော့ အလုပ်သမားတွေအနေနဲ့ တိုင်ကြားဖို့မှာ အခက်အခဲတွေ ရှိနေပါတယ်။ ကြားက ကူညီဆောင်ရွက်ပေးမယ့် လူပုဂ္ဂိုလ်/အဖွဲ့အစည်းတွေ လိုအပ်ပါတယ်။ ကျယ်ပြန့်မှုလည်း လိုနေသေးပါတယ်။ တိုင်ကြားယန္တရားရဲ့ ရည်ရွယ်ချက်အစစ်အမှန်ကို မသိတာလည်း ဖြစ်နိုင်ပါတယ်။ ကျယ်ပြန့်မှုအားကောင်းလာရင်တော့ အလုပ်သမားတွေရဲ့ နစ်နာမှုကို ယခုထက် ပိုမို  ကာကွယ်တားဆီးနိုင်မှာ ဖြစ်ပါတယ်။

MLN- ပြီးတော့အလုပ်သမားရေးဝန်ကြီးဌာနအနေနဲ့ပြည်တွင်းပြည်ပအလုပ်သမားတွေ၊ တိုင်းရင်းသားလုပ်ငန်းရှင်၊ ပြည်ပလုပ်ငန်းရှင်တွေအပေါ်ပြောချင်တဲ့သတင်းစကားရှိရင်ပြောပေးပါခင်ဗျ။

ဦးကျော်နီ-
ပြည်တွင်းပြည်ပအလုပ်သမားတွေကိုတော့ ဒီတော်လှန်ရေးမှာ အဓိကနေရာက ပါဝင်တဲ့အတွက် အများကြီးကျေးဇူးတင်သလို အလေးလည်း ပြုပါတယ်။ တိုင်းရင်းသားလုပ်ငန်းရှင်တွေအနေနဲ့ တော်လှန်ရေးကို ယခုထက် ပိုမိုပါဝင် အားဖြည့် ပေးသင့်တယ်လို့ ယူဆပါတယ်။ ပြည်ပလုပ်ငန်းရှင်တွေအနေနဲ့လည်း NUG က ချမှတ်ထားတဲ့ ရင်းနှီးမြှုပ်နှံမှုဆိုင်ရာ မူဝါဒတွေကို လိုက်နာဖို့ လိုပါမယ်။ ရင်းနှီးမြှုပ်နှံမှုတွေ ထွက်ခွာမယ် ဆိုရင်လည်း သက်ဆိုင်တဲ့ မူဝါဒဖြစ်တဲ့ Policy on Socially Responsible Disengagement  ကို လိုက်နာဖို့ လိုပါမယ်။

MLN-
အခက်အခဲပေါင်းစုံနဲ့ အခွင့်အရေးတွေ ဖေါက်ဖျက်ခံနေရတဲ့ အပေါ်  ပြည်တွင်းအလုပ်သမားတွေကို ပြောချင်ရှိရင် ပြောပေးပါ။

ဦးကျော်နီ-
ကျနော့် ဘဝသက်တမ်းရဲ့ တဝက်နည်းနည်းက စစ်အာဏာရှင်ဆန့်ကျင်ရေးအတွက် ပေးခဲ့ရတာဖြစ်တဲ့အပြင် အလုပ်သမားအခွင့်အရေးတွေအတွက် နှစ်ပေါင်းများစွာရပ်တည်လာခဲ့တဲ့သူတယောက်အနေနဲ့  စစ်အာဏာရှင်ဆန့်ကျင်ရေးမှာ အလုပ်သမားတွေရဲ့  ပေးဆပ်မှုဟာ ဘယ်လောက်ကစစ်အာဏာရှင်ဆန့်ကျင်ရေးအတွက် ပေးခဲ့ရတာဖြစ်တဲ့အပြင် အလုပ်သမားအခွင့်အရေးတွေအတွက် ကြီးမားတယ် ဆိုတာ သိနေပါတယ်။ ဒါပေမယ့် ရှေ့မှာလည်း မိမိတို့လို အနစ်နာခံခဲ့တဲ့ မျိုးဆက်က ရှိခဲ့ပါတယ်။ သူတို့ပုခုံးပေါ်ကို နင်းလာခဲ့တဲ့အတွက်ကြောင့်သာ ယခုလို အောင်ပွဲနဲ့ နီးနေတာပါ။ မကြာမီမှာ အောင်လံကို ဆွတ်ယူနိုင်တော့မှာ ဖြစ်တဲ့အတွက် အားမလျော့ကြစေချင်ပါဘူး။ 
အရေးတော်ပုံအောင်ရမည်။

အခုလိုဖြေကြားပေးတဲ့အတွက်ကျေးဇူးတင်ပါတယ်။

 

429 Views

Related News

cover
ရက်မှန်ကြေးမရရှိတာ အပါအဝင် အလုပ်သမားဥပဒေပါ အကျိုးခံစားခွင့်များ မရရှိတော့ဘူးလို့ အလုပ်သမားတွေပြော
Jun 28, 2022
cover
အလုပ်သမား ဥပဒေပြောင်ပြောင်တင်းတင်းချိုးဖောက်မှုတွေအပါအဝင် အလုပ်ပိတ်ရက်ခံစားခွင့်များပါ မရရှိတော့တဲ့ အခြေအနေတွေ ဖြစ်ပေါ်နေတယ်လို့ စက်ရုံအလုပ်သမားတွေပြော
Jun 23, 2022
cover
"foodpanda အလုပ်မဆင်းသပိတ်မှာဘာတွေဖြစ်နေလဲ" စကားဝိုင်း ဆွေးနွေးပွဲ
Jun 19, 2022
cover
ရွှေ့ပြောင်းအလုပ်သမား သားသမီးတွေ ပညာရေးဘယ်လိုရှိလဲ။ Interview
Jun 17, 2022
cover
အလုပ်သမားအခွင့်အရေးအတွက်တိုက်ပွဲဝင်နေတဲ့ Foodpanda Riders သပိတ်ကိုအရှိန်ဆက်မြှင့်သွားမယ်လို့ဆို
Jun 11, 2022
cover
စက်မှုဇုန်မြို့နယ်တွေမှာ အဆောင်လခများ စံချိန်တင်မြင့်တက်
Jun 11, 2022
cover
Foodpanda Rider တဦးမှ “Zero Customer ကမ်ပိန်း” အကြောင်း ပြောကြားချက်
Jun 11, 2022
cover
စစ်တပ်မှ အာဏာသိမ်းပြီးနောက်ပိုင်း လုပ်ငန်းခွင်အတွင်း ခြိမ်းခြောက်ခိုင်းစေခံရခြင်း၊ ဥပဒေမဲ့ အလုပ်ထုတ်ခြင်းနဲ့ လုပ်သားအခွင့်အရေးများ ဆိုးရွားစွာချိုးဖောက်ခံနေရတယ်လို့ ဆို
Jun 9, 2022
cover
Riders တို့ရဲ့ တိုက်ပွဲ တတိယမြောက်နေ့
Jun 8, 2022
cover
"ကျွန်တော်တို့နဲ့ အတူရပ်တည်ပေးပါ။"Foodpanda Rider တစ်ဦးနှင့်မေးမြန်းခြင်း။
Jun 6, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle