NEWS

ပုသိမ် Amava Apparel အထည်ချုပ်စက်ရုံတွင်အလုပ်သမားများ စုပေါင်းတောင်းဆိုမှုဖြစ်ပွား

CoverLogo
922 Views

ဧရာဝတီတိုင်းဒေသကြီး ၊ ပုသိမ်မြို့နယ် ၊အမှတ်၁၃ရပ်ကွက်ရှိ Amava Apparel အထည်ချုပ်စက်ရုံတွင် ဒီကနေ့မှာ ​ အလုပ်သမားများ လုပ်ငန်းခွင်အတွင်းလုပ်လက်စအလုပ်များရပ်ကာ စုပေါင်းတောင်းဆိုမှု ဖြစ်ပွားခဲ့တယ်လို့သိရပါတယ်။

"၂၀၂၂ ၊၁၂လပိုင်းမှာ WCC ကိုခေါ်ပြောတယ် ဆေးလက်မှတ်ခွင့် ၁ရက်ယူတာနဲ့ ရက်မှန်ကြေးထဲက တစ်သောင်းကျပ်ဖြတ်မယ် ၊ ရှောင်တခင်ခွင်ရက် ၂ရက်ယူရင် ရက်မှန်ကြေးထဲက တစ်သောင်းကျပ်ဖြတ်မယ် ပြောလာတယ် ဒီကိစ္စကို သမဂ္ဂကို အသိပေးခဲ့တာမရှိဘူး။ အလုပ်သမားတွေက လက်မခံဘူး ၂၀၁၉ ခုနှစ်က အလုပ်ရှင်၊အလုပ်သမား ၊ ဌာနဆိုင်ရာနဲ့ချုပ်ဆိုခဲ့တဲ့ စာချုပ်အတိုင်း ဘာခွင့်ယူယူ ၃ရက်ပျက်မှ တစ်သောင်းကျပ်ဖြတ်မယ် ဆိုတာကို တောင်းဆိုကြတာ"လို့ အဆိုပါစက်ရုံမှ အလုပ်သမားတစ်ဦးကပြောဆိုပါတယ်။

အဆိုပါစက်ရုံဟာ သီရိလကာ်နိုင်ငံသားပိုင်၊ လုပ်သား တစ်ထောင်ကျော်ရှိပြီး Blaklader Brand ကိုချုပ်လုပ်နေတာဖြစ်ပါတယ်။

၂၀၁၉ ခုနှစ် ၇လပိုင်း ၂၉ရက်နေ့မှာလဲ အလုပ်သမားအခွင့်အရေးချိုးဖောက်ခံရတာ၊ လုပ်ငန်းခွင်တွင်း ဖိနှိပ်ခံရတာတွေနဲ့ လိင်ပိုင်းဆိုင်ရာ ထိပါးနှောင့်ယှက်ခံရတာတွေကြောင့် အလုပ်သမားတစ်ထောင်ခန့်ဟာ ၁၉ချက်ပါ တောင်းဆိုချက်အား စက်ရုံရှေ့တွင်စုပေါင်းတောင်းဆိုခဲ့တယ်လို့သိရပါတယ်။

"ညီမတို့ကတော့ ၂၀၁၉ကချုပ်ခဲ့တဲ့ စာချုပ်အတိုင်းပဲဆက်ရှိချင်တယ်"လို့အလုပ်သမားတစ်ဦးကပြောဆိုပါတယ်။

၂၀၁၂၂ ခုနှစ်၊ ၁၂လ ပိုင်းမှာ လူဦး​ရေ ၇၀ ကျော်

ပထမအကြိမ်လုပ်သားအင်အားလျှော့ခဲ့ပြီး ၂၀၂၃ ခုနှစ် ၊ ၄လပိုင်းမှာ လုပ်သားအင်အား ၇၀ ကျော်

ထပ်မံလျှော့ချခဲ့ပါတယ်။

လုပ်သားအင်အားလျှော့ချမူမှာမှာ အလုပ်သမားအခွင့်အရေးသိသူတွေ ၊ အလုပ်သမားရေးတတ်ကြွလှုပ်ရှားသူတွေ၊ သမဂ္ဂအဖွဲ့ဝင်တွေနဲ့ သမဂ္ဂခေါင်းဆောင်တွေပါဝင်ခဲ့တာကြောင့် သမဂ္ဂကိုရည်ရွယ်ချက်ရှိရှိ ဖြိုခွင်းတာလို့အလုပ်သမားတစ်ဦးကပြောဆိုပါတယ်။

၂၀၂၃ ခုနှစ် ၂လပိုင်းကလဲ စက်ရုံဘက်ကနေ အလုပ်သမားတွေ ဆေးလက်မှတ်ခွင့်လာယူရင် မပေးဖို့လမဖကိုအကြောင်းကြားပြောဆိုခဲ့တာတွေလဲရှိခဲ့ပါတယ်။

#MyanmarLabourNews


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024
Cover
ဆောင်းဦးရွှေနေစက်ရုံအတွင်း ယောင်ပြ သမဂ္ဂဖွဲ့စည်းဖို့ ကြိုးပမ်းမှုတွေ ရှိနေ
Apr 01, 2024
Cover
ပိတ်ရက်မရဘဲ အချိန်ပိုလုပ်ကိုင်နေရ
Mar 31, 2024