NEWS

ကုမ္ပဏီလက်အောက်ခံ နေ့စားအလုပ်သမားတွေလည်း စားဝတ်နေရေးပိုမိုခက်ခဲလာ

CoverLogo
829 Views

ကုမ္ပဏီလက်အောက်ခံပုတ်ပြတ်အလုပ်သမားတွေဟာ အလုပ်သမားခေါင်းတွေရဲ့ဖြတ်တောက်မှုတွေကြောင့် ဝင်ငွေနည်းပါးပြီး မိသားစုစား၀တ်နေရေးပိုမိုခက်ခဲလာတယ်လို့ ဆိုပါတယ်။

“ကျွန်တော်တို့ ဘဝတွေက မိအေးသုံးခါနာနေရတဲ့ဘဝတွေပါ။  ကုမ္ပဏီကလည်းတစ်ခါဖြတ်တယ်။  ကျွန်တော်တို့ရဲ့ အလုပ်သမားခေါင်းဆောင်က တစ်ခါဖြတ်သေးတယ်။ ကုန်စျေးနှုန်းတွေကလည်းကြီးနေသေးတယ်။ မိအေးသုံးခါနာနေရတဲ့ဘဝတွေပါ။  ကျွန်တော်တို့က  ပုတ်ပြတ်လုပ်နေတယ်ဆိုပေမဲ့ ရတဲ့ပိုက်ဆံကို တစ်နေ့ဘယ်လောက်ရလဲတွက်ကြည့်တော့  လေးထောင် ငါးထောင် ခြောက်ထောင်ပဲရတယ်။ တကယ်ကိုစိတ်ညစ်ရတယ်။  စား၀တ်နေရေးအတွက် ဘလိုမှမလောက်ငဘူး ပုတ်ပြတ်မို့ထွက်လည်းမရဘူး။ အလုပ်သမားခေါင်းတွေအနေနဲ့  စာနာပေးရင်ကောင်းတယ်ဗျာ”လို့ စည်ပင်ရေပိုက်လိုင်းသွယ်တန်းမှုအတွက် လုပ်ပိုင်ခွင့်ရကုမ္ပဏီလက်အောက်၌ လုပ်ကိုင်နေတဲ့ အလုပ်သမားတစ်ဦးက ဆိုပါတယ်။

အဆိုပါအလုပ်သမားတွေဟာ ရေမြောင်းတူးဖော်ရခြင်းက်ိုအဓိကလုပ်ကိုင်ရတာဖြစ်ပေမဲ့  ယာဉ်မောင်းလုပ်ကိုင်ရတဲ့ အလုပ်သမားတွေအနေနဲ့လည်း  ယာဉ်မောင်းနေရာအတွက်  အလုပ်မရှိပါက မြေတူးဖော်ရခြင်းကိုသာ  ၀င်ရောက်လုပ်ကိုင်ပေးနေရတာဖြစ်တယ်လို့လည်း သိရပါတယ်။

“စည်ပင်လုပ်ငန်းတွေဆိုပေမဲ့ ကျွန်မတို့ကကုမ္ပဏီကပါ။ ကျွန်မကတော့လခစားလုပ်ရတာပါ။ ကျန်တဲ့သူတွေကတော့ ပုတ်ပြတ်တွေများတယ်။  မကိုက်ကြဘူးပြောတယ်။ အခွင့်အရေးရတုန်း ပိုက်ဆံရချင်လို့ ၀င်လုပ်နေကြတာ။ တစ်ချို့ဆိုမိသားစုလိုက်လုပ်နေကြတာ။ မြေကလည်းအနက်ဆုံးလေးပေအထိပဲတူးတာဆိုတော့ သိပ်မပင်ပန်းဘူးဆိုပြီးအမျိုးသမီးတွေရော လူကြီးတွေရော ၀င်လုပ်နေကြတာ”လို့ ဝန်ထမ်း အမျိုးသမီးတစ်ယောက်ကဆိုပါတယ်။

ဒါ့အပြင် မြေတူးဖော်ခြင်းလုပ်ငန်းတွေဟာ  စည်ပင်သာယာရဲ့လုပ်ငန်းတွေဖြစ်နေပေမဲ့  ကုမ္ပဏီတွေနဲ့ဆောက်လုပ်ရေးပိုင်းတွေကသာ  လုပ်ကိုင်နေရတာဖြစ်သလို  လခစား၀န်ထမ်းနည်းပါးကာ ၎င်းတို့အလုပ်သမားခေါင်းဆောင်တွေက  အပြင်အလုပ်သမားများခေါ်ယူပြီး ပုတ်ပြတ်ပြန်လည်လုပ်ကိုင်ရာမှ တစ်နေ့လုပ်ခအနေဖြင့် တွက်ကြည့်သော် ကျပ်လေးထောင်မှ ကျပ်ခြောက်ထောင်သာရနေတယ်လို့ သိရပါတယ်။

အဆိုပါမြေတူးဖော်ခြင်းလုပ်ငန်းတွေဟာ  အလုပ်ကြမ်းလုပ်ငန်းတွေဖြစ်နေပေမဲ့ ၀င်ရောက်လုပ်ကိုင်နေကြတဲ့အလုပ်သမားတွေဟာ အမျိုးသမီးလူငယ်တွေနဲ့အသက်ရွယ်ရနေပြီဖြစ်တဲ့ အမျိုးသမီးလူကြီးပိုင်းတွေပါ၀င်နေတာပိုများနေတဲ့အပြင် ငါးဆယ်ကျော် အသက်ရွယ်ကြီးနေပြီဖြစ်တဲ့ လူကြီးတွေပိုများလာတယ်လို့လည်း သိရပါတယ်။

ဒါဟာမြန်မာနိုင်ငံရဲ့ စီးပွားရေးကျဆင်းမှုတွေ အလုပ်အကိုင်ရှားမှုတွေနဲ့  ကုန်စျေးနှုန်းမြင့်တက်မှုတွေ ကြောင့် အသက်အရွယ်ကြီးတွေပါဝင်ရောက်လုပ်ကိုင်နေကြတာဖြစ်သလို  မြန်မာနိုင်ငံရဲ့ကုန်စျေးနှုန်းတွေမြင့်တက်မှုနဲ့  နည်းပါးလွန်းလှတဲ့အလုပ်သမားတစ်ယောက်ရဲ့ တစ်နေ့လုပ်ခနှုန်းထားနဲ့ အဆမတန်ကွာခြားမှုတွေကြောင့် စား၀တ်နေရေးပိုမိုကျပ်တည်းလာမှုကြောင့်  အနားယူရမဲ့လူကြီးတွေကိုယ်တိုင်ပင် ၀င်ငွေတိုးစေဖို့၀င်ရောက်လုပ်ကိုင်နေကြရတာဖြစ်တယ်လို့လည်း ယင်းအလုပ်သမားကဆိုပါတယ်။

MyanmarLabourNews


Related posts

Cover
စစ်မှုထမ်း အပတ်စဉ် ၅ အတွက်ဟုဆိုကာအမျိုးသမီးတွေကို စာရင်းကောက်
Jun 14, 2024
Cover
ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်
Jun 14, 2024
Cover
ကုန်ဈေးနှုန်းမြင့်တက်မှုတွေကြောင့် လုပ်ခလစာတိုးပေးတဲ့ ကုမ္ပဏီလုပ်ငန်းရှင်အချို့ကို စစ်ကောင်စီက ပုဒ်မ ၅၀၅ ဖြင့်ဖမ်းဆီးစစ်ဆေး
Jun 12, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
မြန်မာနိုင်ငံတွင်ဆင်းရဲနွမ်းပါးသူ ၇ သန်းထိတိုးလာ
Jun 12, 2024
Cover
မြန်မာနိုင်ငံတွင်း အင်တာနက်အသုံးပြုမှု Vpn ပြဿနာနဲ့ လိုင်းသုံးမရမှုတွေ ကြုံတွေ့ရပြီးတဲ့နောက် 5G ကွန်ရက်ကိုအသုံပြုနိုင်တော့မယ်လို့ ပြည်တွင်းဆက်သွယ်ရေးအော်ပရေတာများကြေညာ
Jun 12, 2024
Cover
ILO ညီလာခံတွင် ဆွေးနွေးနေသည့် အမျိူးသမီးခေါင်းဆောင်(၂)ဦးအား ထောက်ခံသည့် ကမ်းပိန်းပြုလုပ်
Jun 12, 2024
Cover
Made စီမံချက်အား MICS အလုပ်သမားအဖွဲ့ချုပ် ပူးပေါင်းဆောင်ရွက်မှုမရှိကြောင်း ထပ်မံထုတ်ပြန်
Jun 12, 2024