NEWS

Money Changer ကောင်တာငါးခုငွေလဲခွင့်ပိတ်သိမ်းခံရပြီး ပြင်ပဒေါ်လာဈေးထပ်မံကျဆင်းလာ

CoverLogo
12K Views

ဗဟိုဘဏ်ရဲ့ နိုင်ငံခြားသုံးငွေစီမံခန့်ခွဲမှုဥပဒေစည်းမျဉ်းစည်းကမ်းတွေနဲ့  ဗဟိုဘဏ်မှထုတ်ပြန်ထားတဲ့  အမိန့်ညွှန်ကြား ချက်တွေကို  လိုက်နာဆောင်ရွက်ခြင်းမရှိတဲ့  နိုင်ငံခြားငွေလဲကောင်တာငါးခုကို အရေးယူလိုက်ရာ ပြင်ပဒေါ်လာဈေးထပ်မံကျဆင်းလာတယ်လို့ သိရပါတယ်။

“မနေ့ကအရေးယူလိုက်တဲ့ ကောင်တာတွေရှိတယ်။ Money Changer တွေပေါ့။ ပိုင်ရှင်တစ်ဦးတည်းလို့ ထုတ်ပြန်ချက်အရသိရတယ်။ ဒီနေ့မှာတော့ဝယ်ချင်တဲ့သူတွေများနေတယ်  ဒါပေမဲ့ရောင်းမဲ့သူပေါ်မလာဘူး။ အရင်ရက်တွေကရောင်းချင်တဲ့သူတွေက ဈေးခေါ်တယ်။ဝယ်ချင်တဲ့သူကဈေးညှိတယ်။ မကြိုက်ရင်မဝယ်ဘူး။ ဒီနေ့တော့အရောင်းတွေပျောက်နေတယ်။ ဈေးကလည်း ၃၂၀၀ လောက်ဖြစ်သွားတယ်”လို့  ဒေါ်လာဖြင့်လုပ်ငန်းလည်ပတ်နေသူတစ်ဦးက ဆိုပါတယ်။

ပြီးခဲ့တဲ့စက်တင်ဘာ ၁၇ ရက်နေ့က နိုင်ငံခြားသုံးငွေစီမံခန့်ခွဲမှုဥပဒေပုဒ်မ ၃၅ အရ ဗဟိုဘဏ်မှထုတ်ပြန်ထားသည့် အမိန့်ညွှန်ကြား ချက်များအား လိုက်နာခြင်းမရှိတဲ့ နိုင်ငံခြားငွေလဲကောင်တာဖြစ်တဲ့ Money Changer ငါးခုကိုသုံးလစီပိတ်သိမ်းလိုက်တယ်လို့ ထုတ်ပြန်ကြေညာခဲ့ပါတယ်။  အဆိုပါငွေလဲကောင်တာငါးခုဟာ  Family Moe Paing Co., Ltd ၏ Money Changer များဖြစ်ပြီး  စက်တင်ဘာ ၁၉ ရက်မှစတင်၍လိုင်စင် ၃ လဆိုင်းငံ့လိုက်တယ်ဆို့ သိရပါတယ်။

အဆိုပါ ကုမ္ပဏီသည် ဗဟိုဘဏ်၏ ၂၀၁၃ ခုနှစ်၊ သြဂုတ် ၁၉ ရက်က ခွင့်ပြုထုတ်ပေးထားသည့် Money Changer License အမှတ် CBM-FEMD-122,2013 ရရှိထားသော ကုမ္ပဏီဖြစ်ပြီး  Money Changer များကတော့  ဗဟန်းမြို့နယ်အ တွင်းကောင်တာနှစ်ခု၊ ရွှေဂုံတိုင်တွင် ကောင်တာတစ်ခု၊ ကျောက်တံတားမြို့နယ်အတွင်း ကောင်တာနှစ်ခု စုစုပေါင်း ကောင်တာ(၅)ခုကို  နိုင်ငံခြားငွေဝယ်ယူခြင်း၊ ရောင်းချခြင်း၊လဲ လှယ်ခြင်းများအား ဆောင်ရွက်ခွင့်မရှိကြောင်း ဗဟိုဘဏ်ကအသိပေးထုတ်ပြန်ခဲ့တာပါ။

အဆိုပါအရေးယူမှုကြောင့်   ပြင်ပဒေါ်လာဈေးကွက်ဟာလည်း  ယမန်နေ့က ၃၄၀၀ ကျပ်ပေါက်ဈေးရှိနေရာမှာ   ယနေ့စက်တင်ဘာ ၁၉ ရက်နေ့မှာတော့ ၃၂၀၀နဲ့ ၃၂၅၀ သာရှိနေပြီး ရောင်းလိုသူရှားပါးကာ  ဝယ်ယူလိူုသူများနေတဲ့အပြင်  ထပ်မံပြီးကျဆင်းဖို့မြင်နေရတယ်လို့ ခန့်မှန်းနေကြတယ်လို့ သိရပါတယ်။

MyanmarLabourNews


Related posts

Cover
ပေါ်တာဆွဲသည့် သတင်းတွေထွက်ပေါ်နေပြီး အခြေခံပြည်သူတွေအကြားစိုးရိမ်မှုတွေမြင့်တက်နေ
Feb 17, 2024
Cover
ပြည်ပနိုင်ငံများမှ အလုပ်ခေါ်စာလက်ခံမှု ယာယီရပ်ဆိုင်း
Feb 14, 2024
Cover
စက်ရုံလုပ်သားတွေထံက အချက်အလက်များစတင်ကောက်ယူနေ၊ ပြည်သူများစစ်မှုထမ်းရမဲ့ဥပဒေထုတ်ပြန်ချက်ကြောင့် စက်ရုံအလုပ်သမားတွေကြားစိုးရိမ်မှုမြင့်တက်လျှက်ရှိ
Feb 14, 2024
Cover
စစ်မှုထမ်းဥပဒေ‌ကြောင့် ပြည်ပထွက်ရန်ပြင်ဆင်နေသည့် လူငယ်များ စိတ်ပူပန်နေ
Feb 11, 2024
Cover
စစ်အုပ်စုရဲ့ ငွေကြေးစီးဆင်းမှုကိုဖြတ်တောက်တဲ့ ပိတ်ဆို့မှုကို အလုပ်သမားတပ်ပေါင်းစုကြိုဆို
Jun 24, 2023
Cover
SUN APPAREL အထည်ချုပ်စက်ရုံ ဆန္ဒပြ အလုပ်သမားခေါင်းဆောင်အား စစ်ကောင်စီ ဖမ်းဆီး
Jun 15, 2023
Cover
အလုပ်ထုတ်ခံရတဲ့ အလုပ်သမား ၇ ဦး ညှိနှိုင်းရေးမှအပြန် သမဂ္ဂအတွင်းရေးမှူး အမျိုးသမီးတစ်ဦးကိုဖမ်းဆီးသွား
Jun 14, 2023
Cover
အာဏာသိမ်း စစ်ကောင်စီကို အထောက်အပံ့ပေးဖို့ စီစဉ်တဲ့ MADE  ပရောဂျက်ကို ABFTU အလုပ်သမားအဖွဲ့ချုပ် ပြင်းပြင်းထန်ထန်ကန့်ကွက်
Apr 24, 2023