NEWS

လုပ်ငန်းခွင်ဖိနှိပ်မှုတွေကို တိုင်ကြားရန်ခက်ခဲနေဟု Eslite အထည်ချုပ်စက်ရုံအလုပ်သမားများပြော

CoverLogo
3.2K Views

ရန်ကုန်တိုင်းဒေသကြီး၊ လှိုင်သာယာမြို့နယ်၊ ရွှေလင်ဗန်းစက်မှု့ဇုန်၊ မောင်ကျန်သီးလမ်းမှာလုပ်ကိုင်နေတဲ့ထိုင်ဝမ်နိုင်ငံသားပိုင် Eslite Garment Co.Ltd အထည်ချုပ်စက် ရုံအတွင်းလုပ်ငန်းခွင်ဖိနှိပ်မှု့ဒဏ်ကိုအလုပ်သမားအများစုခံစားနေကြရတယ်လို့သိရပါတယ်။

အဲ့ဒီ့လိုလုပ်ငန်းခွင်ဖိနှိပ်မှု့တွေလုပ်နေတဲသူတွေဟာပိုင်ရှင်သူဌေးဆိုသူတွေရဲ့လူယုံ တရုတ်မန်နေဂျာတွေဖြစ်တယ်လို့အလုပ်သမားတွေဖက်ကပြောပါတယ်။

"သူဌေးကဒီမှမရှိဘူးသူ့လူယုံတရုတ်တွေနဲ့ HR ကလုပ်နေတာသန့်ရှင်းရေးတွေဆိုလဲ သက်ကြီးပိုင်းတွေများတာကိုအလုပ်ပြီးလို့ခဏလေးတောင်ထိုင်နားလို့မရတဲ့အထိလုပ်နေတာပဲ"လို့အဆိုပါစက်ရုံလုပ်သားတဦးက MLN ကိုပြောပါတယ်။

စက်ရုံတွင်းဖိနှိပ်ခံရမှု့တွေရှိနေတဲ့အပြင်စက်ရုံဖက်ကချုပ်ထည်တွေတိုးတောင်းတာတွေရှိနေပြီးတော့အပေါ့အပါးသွားချိန်မရတဲ့အထိ အလုပ်သမားတွေအပေါ်မတန်တဆခိုင်းစေနေတာတွေလဲရှိနေတယ်လို့သိရပါတယ်။

"အပေါ့သွားချိန်တောင်မရဘူးဒီနေ့၂၀တောင်းရင်နောက်နေ့၄၀တောင်းတာမတရားကိုအာဝါဒီးတွေတိုးတောင်းနေတာ"လို့ Eslite Garment Co.Ltd ရဲ့စက်ရုံဝန်ထမ်းတဦးပြောပါတယ်။

စက်ရုံဖက်ကလူမှု့ဖူလုံရေးကြေးရရှိဖို့အတွက်လဲအလုပ်သမားတွေဖက်ကအခက်တွေ့နေတဲ့အပြင်လူမှု့ဖူလုံရေးကြေးလျောက်ထားရာမှာစက်ရုံဖက်ကန့်သတ်တာတွေရှိနေတဲ့အတွက်ယခင်ကလိုအဆင်မပြေဘူးလို့အလုပ်သမားတွေဖက်ကပြောပါတယ်။

ဒါ့အပြင်စက်ရုံမှာရှိနေတဲ့အလုပ်သမားသမဂ္ဂကိုလဲစက်ရုံဖက်ကထိန်းချုပ်ထားတဲ့အတွက် စက်ရုံတွင်းအလုပ်သမားအခွင့်အရေးတောင်းဆိုရတဲ့နေရာတွေမှာ အလုပ်သမားတွေဖက်ကအခက်ကြုံနေရတယ်လို့ဆိုပါတယ်။

"သမဂ္ဂကတော့အလုပ်သမားတွေကိုယ့်ဘာသာဖွဲ့ထားတာ ဒါပေမယ့်သူတို့လဲပြောမရဆိုမရတဲ့အခြေအနေဆိုတော့ခုဟာကဘယ်သွားတိုင်လို့တိုင်ရမလဲမသိတဲ့အခြေအနေဖြစ်နေကြတယ်"လို့အဆိုပါစက်ရုံအလုပ်သမားတဦးပြောပါတယ်။

ဒီလိုတရုတ်မန်နေဂျာတွေရဲ့လုပ်ငန်းခွင်အတွင်းဖိနှိပ်မှု့တွေကိုစက်ရုံဖက်ကအမြန်ဆုံးကိုင်တွယ်ဖြေရှင်းပေးဖို့အလုပ်သမားတွေဖက်ကလိုလားနေကြတယ်လို့လဲ အလုပ်သမားတွေရဲ့ပြောကြားချက်တွေအရ MLN ကသိရပါတယ်။

စစ်တပ်ကအာဏာသိမ်းပြီးနောက်ပိုင်းအလုပ်သမားသမဂ္ဂဖွဲ့စည်းခွင့်နဲ့ယခင်ရှိနှင့်ပြီးသားသမဂ္ဂတွေကိုစက်ရုံနဲ့ပေါင်းပြီးဖိနှိပ်နေတာတွေရှိနေတဲ့အပြင်သမဂ္ဂအဖွဲ့ချုပ်ခေါင်းဆောင်တွေကိုလဲဖမ်းဆီးပြီးထောင်ဒဏ်တွေချမှတ်ထားတာပါ။

EsliteGarmentCo.Ltdအထည်ချုပ်စက်ရုံဟာ Carhartt အမှတ်တံဆိပ် အနွေးထည်၊ ဘောင်းဘီအတိုအရှည်များကိုချုပ်ပြီးဥရောပနိုင်ငံတွေကိုတင်ပို့နေတဲ့စက်ရုံတရုံဖြစ်တယ်လို့သိရပါတယ်။

 


Related posts

Cover
Tai Hong စက်ရုံက ကိုယ်ဝန်ဆောင် အလုပ်သမား အပါအဝင် အလုပ်သမားများအား ဆေးခွင့်မပေး ၊ ကုသမပေးဘဲ ဖိအားပေး ခိုင်းစေ
Dec 06, 2023
Cover
ပဲခူးက VHT အထည်ချုပ်စက်ရုံ လုပ်သား ၄၀၀ နီးပါးကို လစာမဲ့ခွင့်ဖြင့်စက်ရုံပိတ်ထား လို့ အခက်အခဲဖြစ်နေ
Dec 03, 2023
Cover
ပြည်ပရောက် မြန်မာရွှေ့ပြောင်းအလုပ်သမားတွေရဲ့ အခြေအနေများ
Dec 02, 2023
Cover
BOHUA FASHION အထည်ချုပ်စက်ရုံမှာ အလုပ်သမားအခွင့်အရေးချိုးဖောက်ခံနေရ
Nov 29, 2023
Cover
အလုပ်သမားရုံးတိုင်ကြားသည့် အလုပ်သမားအား စက်ရုံတာဝန်ခံဆိုသူက နည်းမျိုးစုံနှင့် ဖိနှိပ်
Nov 29, 2023
Cover
အိုမန်တွင် မြန်မာအမျိုးသမီး ၆၀ ဝန်းကျင် အလုပ်မရဘဲ အခန်းကျဉ်းထဲ ဒုက္ခရောက်နေ
Nov 29, 2023
Cover
မြန်မာအမျိုးသမီး၆ ဦး ဒူဘိုင်းသို့အိမ်အကူလုပ်ရန်ထွက်ခွာလာရာမှအီရတ်နိုင်ငံသို့ ရောင်းစားခံခဲ့ရ
Nov 28, 2023
Cover
TIAN YU  ဖိနပ်စက်ရုံက နားရက်မရတဲ့အထိအချိန်ပိုခေါ်ယူနေ
Nov 27, 2023