အနည်းဆုံးအခကြေးငွေ ဆိုင်ရာ မေးမြန်းချက်

cover
profile
Dec 5, 2022

အလုပ်သမားတွေရဲ့ တစ်နေ့လုပ်ခဖြစ်တဲ့  အနည်းဆုံးအခကြေးငွေကို ပြင်ဆင်သတ်မှတ်ဖို့ စီစဉ်နေတယ်လို့  စကစရဲ့ အလုပ်သမားဝန်ကြီးဌာနက နိုဝင်ဘာ ၂၅ ရက်ကထုတ်ပြန်ပါတယ်။

အနည်းဆုံးလုပ်ခ တိုးမြှင့်သတ်မှတ်မယ်လို့ ထုတ်ပြန်ထားတဲ့အပေါ် အလုပ်သမားအရေးလှုပ်ရှားဆောင်ရွက်သူတွေရဲ့ သဘောထားကိုမေးမြန်းထားပါတယ်။

ဒေါ်မျိုးအေး - STUM 
"ပထမဆုံး အနိမ့်ဆုံးလုပ်ခလစာသတ်မှတ်ချိန်တုန်းက အမျိုးသားအဆင့်ကော်မတီကနေဆုံးဖြတ်တယ်။  အဲ့မတိုင်မီ အထက်ဗမာပြည် အောက်ဗမာပြည်အလုပ်သမားသမဂ္ဂအဖွဲ့ချုပ်တွေရယ်   အလုပ်ရှင်တွေရယ် စက်မှုဇုန်တွေထဲကအလုပ်သမားတွေရယ်  တွေ့ဆုံပွဲတွေလုပ်ကြတယ်။ နောက် UMFCCI လိုနေရာတွေမှာ  အလုပ်သမားတွေနဲ့  နှစ်ဖက်စကားပြောကြတယ်။ ILOကနေနည်းပညာအထောက်အကူတွေပေးတယ်။ သတ်မှတ်နှုန်းထားတစ်ခုကို သတ်မှတ်နိုင်ဖို့ညှိနှိုင်းကြတာပေါ့။ 
အလုပ်ရှင်တွေကလည်း သူတို့ပေးနိုင်တဲ့ ပမာဏကိုထုတ်ပြန်ကြတယ်။ အလုပ်သမားတွေကလည်း သူတို့လိုချင်တဲ့နှုန်းကို အသံထုတ်ကြတယ်။ ဒီကြားထဲမှာညှိပြီးလုပ်ကြတာပေါ့။

အခုကတော့ ဒါမျိုးတွေမလုပ်ဘဲနဲ့ သူတို့ကဘဲ ဒီရှင်းရှင်းပြောရရင်အလုပ်သမားအဖွဲ့ချုပ်လို့ပြောရင် သင်္ဘောသားတို့ စိုက်ပျိုး ရေးတို့ဒီလိုလူတွေနဲ့ စကားပြောမယ်လို့  ယူဆတယ်။ ဘာလို့လဲဆို အလုပ်သမားအဖွဲ့ချုပ်လို့နာမည်ယူထားတယ်။ အလုပ်ရှင်ကတော့ UMFCCIကလာလိမ့်ပေါ့။ 
အဲလိုလူတွေနဲ့ဆုံးဖြတ်ပြီး ပမာဏတစ်ခုကိုထုတ်ပြန်တယ်လို့ ယူဆရမယ်။ ခုထုတ်ပြန်တယ်ဆိုရင် ပေါ့လေ။

နဲနဲလေးတိုးသွားမျိုးမဟုတ်ဘဲနဲ့ ခုကြားနေသလိုမျိုးတစ်နာရီကို၉၀၀ တစ်နေ့၇၂၀၀ဖြစ်မယ်ဆိုရင် အလုပ်သမား တွေအတွက် မဆိုးဘူးလို့ ပြောလို့ရတယ်။ ဒါပေမဲ့ လုပ်ခလစာတိုးပြီးတဲ့နောက်ပိုင်းမှာ ပြင်းထန်တဲ့ဖိအားတွေတော့ရှိမယ်။ အလုပ်ရှင်တွေကလည်း အဲ့ဒီငွေနဲ့ကာမိတဲ့ထုတ်ကုန်တွေရရှိဖို့ တွန်းခိုင်းမဲ့အနေအထားတွေရှိတယ်။ ဒါတွေကို တော့ဆက်ပြီးစည်းကြပ်ဖို့လိုတာပေါ့။ ဘယ်လိုအခြေအနေမျိုးတွေရှိမလဲဆိုတာကိုတော့ အနိမ်းဆုံးလုပ်ခလစာကြေညာပြီးတဲ့နောက်မှာ ဆက်ကြည့်ရမှာပေါ့။

အလုပ်သမားတွေရဲ့  စား၀တ်နေရေးကိုဖြေရှင်းနိုင်မလားဆိုရင် ဒီ၇၂၀၀ လောက်တိုးလိုက်ရုံနဲ့တော့ ဖြေရှင်းနိုင်မှာ မဟုတ်ဘူး။ ဒီစစ်တပ်ကတော့တွက်မှာပေါ့။ သူတို့ထုတ်ပြန်ထားတဲ့ ငွေလဲနှုန်းက ၂၁၀၀ဆိုတော့ သုံးဒေါ်လာရဲ့အထက်ရှိတာကိုး။ ဒါပေမဲ့ အပြင်မှာတစ်ကယ်ပေါက်နေတာက ၂၈၀၀ ၂၉၀၀ဆိုတော့ သုံးဒေါ်လာရဲ့ အထက်တော့မဟုတ်နေဘူး။ အပြင်မှာလည်းတက်နေတဲ့ ကုန်စျေးနှုန်းကအဆမတန်ဆိုတော့  ဟိုးတုန်းကနဲ့စာ ရင်တော့ ခုသာခံသာတော့ရှိတာပေါ့။  စက်မှုဇုန်တွေထဲမှာအလုပ်သမားတွေနဲ့တွေ့ဆုံပြောကြည့်တယ်။ သူတို့က တော့တိုးတယ်ဆိုရင်ပျော်တာပေါ့ တစ်သောင်းလောက်ထိမျှော်လင့်တယ်။ တစ်သောင်းလောက်မရရင်တောင် နဲနဲလေးပဲတိုးတယ်ဆိုရင်  သူတို့ကတော့ကျေနပ်မှုတော့မရှိဘူးပေါ့။ ဘာလို့လဲဆို ခုရက်ပိုင်းအိုတီမဆင်းရတဲ့ စက်ရုံတွေရှိနေတာကိုး။
(ဆက်လက်ဖော်ပြပါမည်)

#MyanmarLabourNews 
#MinimumWage

356 Views

Related News

cover
လုပ်အားခတိုးပေးဖို့တောင်းဆိုလို့ အလုပ်ထုတ်ခံရတဲ့ မြန်မာပေါင်ချိန်စက်ရုံက အလုပ်သမားတွေထဲက ၃ ဦး လုပ်ငန်းခွင်ပြန်လည်ဝင်ရောက်
Jan 31, 2023
cover
CMP စနစ်နဲ့လည်ပတ်နေတဲ့ ပြည်တွင်းအထည်ချုပ်စက်ရုံအလုပ်သမားတွေ ခွင့်ခံစားခွင့်တွေဆုံးရှုံးနေပြီး အလုပ်သမားအခွင့်အရေးများဆုံးရှုံးနေရ
Jan 30, 2023
cover
အလုပ်သမား ၁၀၀ ဝန်းကျင်နဲ့ လည်ပတ်နေတဲ့ HONE KONG ကြာဆံစက်ရုံမှာ အလုပ်သမား ၅၀ ကို အကြောင်းပြချက်မပေးဘဲ အလုပ်နားခိုင်း
Jan 26, 2023
cover
တရုတ်နိုင်ငံသားတွေ တိုက်ရိုက်အုပ်ချုပ်နေပြီး ည ၁၂ နာရီအထိ အိုတီဆင်းနေရတဲ့ Sunrise (Myanmar) စက်ရုံအလုပ်သမားတွေ အခက်တွေ့နေ
Jan 23, 2023
cover
"အရင်က ဥပဒေအကြောင်းလာမပြောနဲ့ အခုကအရင်နဲ့ မတူဘူး"လို့ ပြောဆိုတဲ့ စက်ရုံမန်နေဂျာရဲ့ ဥပဒေမဲ့ လုပ်ရပ်ကို အလုပ်သမားများ မခံမရပ်နိုင်ဖြစ်နေ
Jan 19, 2023
cover
ZARA, CRIVIT စတဲ့ နာမည်ကြီးအမှတ်တံဆိပ်တွေချုပ်လုပ်တဲ့စက်ရုံမှာ အလုပ်သမားအခွင့်အရေးချိုးဖောက်မှုတွေကြုံတွေ့နေရ
Jan 15, 2023
cover
အလုပ်သမားသမဂ္ဂဖွဲ့စည်းရန်ကြိုးပမ်းပါက အလုပ်ထုတ်ခံနေရပြီး လုပ်ငန်းခွင်ဆိုင်ရာချိုးဖောက်မှုတွေခံစားနေရတယ်လို့ဆို
Jan 12, 2023
cover
အလုပ်သမားတွေချုပ်လုပ်နေတဲ့ အထည်စံချိန်မတန်တဆတိုးတောင်းကာ ဂရိတ်လျှော့ချတာတွေ ကြောင့် လစာရရှိမှုနည်းပါးလို့ အလုပ်သမားတွေအခက်အခဲဖြစ်နေ
Jan 9, 2023
cover
ဥရောပနှင့် ဂျပန်ကို အထည်ချုပ်လုပ်တင်ပို့နေတဲ့ စက်ရုံမှာ အချိန်ပိုအလွန်အကျွံဆင်းနေရ အမျိုးသမီးအလုပ်သမားတွေ မကြာခဏလုယက်ခံနေရပြီး၊ လုပ်ငန်းခွင်အတွင်း တရားဥပဒေကင်းမဲ့နေတယ်လို့ အလုပ်သမားတွေပြော
Jan 5, 2023
cover
လုပ်ငန်းခွင်အတွင်း ရိုင်းစိုင်းစွာပြောဆိုပြီး အခြေခံရပိုင်ခွင့်တွေမရရှိဘူးလို့ အထည်ချုပ်အလုပ်သမားတွေပြော
Jan 5, 2023



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle