NEWS

တစ်နေ့လုပ်ခကျပ် ၈၀၀၀ ပေးရန် မြန်မာပေါင်ချိန်လုပ်သားများတောင်းဆို

CoverLogo
1.7K Views

ရန်ကုန်တိုင်းဒေသကြီးရွှေပြည်သာမြို့နယ်မှာရှိတဲ့   မြန်မာပေါင်ချိန်ဖိနပ်စက်ရုံမှ  စက်ရုံလုပ်သားတွေဟာ ကုန်ဈေးနှုန်းမြင့်တက်လာမှုကြောင့်   မလောက်ငှတဲ့အတွက် တစ်နေ့လုပ်ခအနည်းဆုံးအခကြေးငွေကို  ကျပ်၈၀၀၀ အဖြစ်တိုးမြှင့်ပေးဖို့  ယနေ့စက်တင်ဘာ၁၉ရက်မှာ စက်ရုံတွင်းတောင်းဆိုမှုပြုလုပ်ခဲ့တယ်လို့ သိရပါတယ်။

"ကျွန်မတို့တောင်းဆိုတာက ကျပ် ၈၀၀၀ တောင်းဆိုထားတာပါ။  ညီမတို့စက်ရုံအတွက်တောင်းဆိုတာပါ။ ခုတစ်နေ့ကို ၄၈၀၀ ရပါတယ်။ ရက်မှန်ကြေးကလည်းတစ်သောင်းပဲရတယ်။ ကုန်ထုတ်ဆုကြေးဆိုတာကလည်းနပ်မမှန်ဘူး။  ရရင်လည်းသုံးထောင်လေးထောင်ပဲရတယ်။ မက်မောစရာတော့မဟုတ်ဘူ။  တစ်နေ့တစ်နေ့တားဂတ်တွေတိုးတောင်းနေတာ စက်ရုံကလူတွေအကုန်သိကြတယ်။ ဒီနေ့ ၁၆၀ ပေးနိုင်ရင် နောက်နေ့ ၁၈၀ တောင်းတယ်။ နောက်နေ့ ၁၈၀ ပေးနိုင်ရင် နောက်နေ့ ၂၀၀ တောင်းတယ်။ အဲလိုတဖြေးဖြေးတက်လာနေတာ။ လုပ်ခ ၄၈၀၀ ကတော့လုံး၀တက်မလာဘူး။ အဲ့တာကြောင့် တောင်းဆိုတာပါ"လို့ မြန်မာပေါင်ချိန်ဖိနပ်စက်ရုံမှ  အလုပ်သမားတစ်ဦးက Myanmar Labour News သို့ ပြောပါတယ်။

အဆိုပါစက်ရုံမှအလုပ်သမားတွေဟာ  လက်ရှိမှာအနည်းဆုံးအခကြေးငွေတစ်နေ့၄၈၀၀ကျပ်ရရှိနေပေမဲ့  ရက်မှန်ကြေးလည်းကျပ်တစ်သောင်းသာရရှိတဲ့အပြင် အလုပ်ရှင်ဘက်က စံချိန်တွေကိုတိုးတိုးပြီးတောင်း လာပေမဲ့ လုပ်ခတိုးပေးတာမျိုးမရှိတာကြောင့်  အခုလိုတောင်းဆိုရတာဖြစ်တယ်လို့  သိရပါတယ်။  

အခုလိုအနည်းဆုံးအခကြေးငွေတိုးမြှင့်ပေးဖို့တောင်းဆိုတာဟာ  ၎င်းတို့စက်ရုံလုပ်သားတွေအတွက် ရသင့်ရထိုက်တဲ့နှုန်းထားတစ်ခုကိုသာတောင်းဆိုထားခြင်းဖြစ်တယ်လို့လည်း သိရပါတယ်။

မြန်မာနိုင်ငံတွင် အလုပ်သမားများ  တစ်နေ့လုပ်ခအနည်းဆုံးအခကြေးငွေ ၄၈၀၀ ကျပ်အဖြစ်၂၀၁၈ခုနှစ်က သတ်မှတ်ထားတာဖြစ်ပြီး ၂၀၁၈ ခုနှစ်ရဲ့ကုန်ဈေးနှုန်းနှင့်  လက်ရှိမြင့်တက်နေတဲ့ကုန်ဈေးနှုန်း တွေမှာ  အဆမတန်ပြောင်းလဲနေတာကြောင့်   လက်ရှိအလုပ်သမားများရင်ဆိုင်နေရတဲ့  အကြပ်အတည်းများအပေါ်  တိုးမြှင့်သတ်မှတ်ပေးရန်လိုအပ်တာဖြစ်ပြီး  ၂၀၁၈ ခုနှစ်သတ်မှတ်လိုက်တဲ့ အနည်းဆုံးအခကြေးငွေ ဥပေဒအရ  နှစ်နှစ်တစ်ကြိမ်ပြောင်းလဲပြုပြင်ပေးရမည်ဆိုတဲ့အပေါ် လည်း  ပြောင်းလဲတိုးမြှင့်သတ်မှတ်ပေးရန်လိုအပ်နေတယ်လို့ အလုပ်သမားတစ်ဦးက  ဆိုပါတယ်။

ပြီးခဲ့တဲ့စက်တင်ဘာ ၅ ရက်နေ့ကလည်း  လုပ်ငန်းရှင်ဘက်ကတိကျတဲ့ငွေကြေးပမာဏတစ်ခုအနေဖြင့် တစ်နေ့လုပ်အားခတိုးမြှင့်သတ်မှတ်ပေးခြင်းမဆုံးဖြတ်နိုင်သေးခင်ကာလအတွင်း  အလုပ်သမားများလက် ရှိခံစားနေရတဲ့  ကုန်ဈေးနှုန်းမြင့်တက်မှုကြောင့်မလောက်ငှတဲ့အကြပ်အတည်းအပေါ် အထောက်အပံ့ဖြစ်စေရန် ဆန်နှင့်ဆီထောက်ပံ့ပေးခြင်း၊ ရှားပါးစရိတ်ထောက်ပံ့ပေးခြင်းတို့ကို  ပြုလုပ်ပေးရန်ကိုလည်း စာဖြင့်တောင်းဆိုထားတယ်လို့ သိရပါတယ် ။

အဆိုပါစက်ရုံဟာ နိုင်ငံတကာနာမည်ကြီး ကုန်အမှတ်တံဆိပ် Adidas  ချုပ်နေတာဖြစ်ပြီး  ထိုင်ဝမ် နိုင်ငံ Taichung မြို့ မှာ ရှိတဲ့ စက်ရုံကို ပိုင်ဆိုင်တဲ့ company ရုံးချုပ်ကြီးဖြစ်တာကြောင့်  ဒေါ်လာဈေးတက်နေတာနဲ့အညီ  ၎င်းတို့အနေဖြင့်  ကုန်ဈေးနှုးမြင့်မားမှုအကြပ်အတည်းဖြစ်နေတဲ့ မြန်မာလုပ်သားတွေအပေါ်  သင့်တင့်မျှတတဲ့ လုပ်ခလစာကိုတိုးမြှင့်ပေးဖို့ လိုအပ်နေတာလို့ အလုပ်သမားတွေကပြောဆိုပါတယ်။

MyanmarLabourNews

 


Related posts

Cover
Myanmar Dihuali စက်ရုံ အလုပ်သမားများ သင်္ကြန်ပိတ်ရက် ရက်အစားလုပ်ကိုင်ပေးရသည့်အပြင် အချိန်ပိုအလုပ်ချိန်များမှ တရက်စာ ထပ်ဖြတ်ခံရ
Mar 27, 2024
Cover
လုပ်ငန်းခွင်အတွင်း စိတ်ပိုင်းဆိုင်ရာ အကြမ်းဖက်ခိုင်းစေနေဟုဆို
Mar 27, 2024
Cover
လုပ်ငန်းခွင်မှာ အထည်စံချိန်အလွန်အကျွံတောင်းခံ
Mar 24, 2024
Cover
လုပ်ငန်းခွင်ဆိုင်ရာ ခံစားခွင့်တွေ ခွင့်ပြုပေးဖို့ အလုပ်သမားတွေတောင်းဆို
Mar 23, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
အထည်စံချိန်အဆမတန်ချုပ်ခိုင်းပြီး မရပါက ဥပဒေမဲ့အလုပ်ထုတ်နေ
Mar 20, 2024