NEWS

စက်သုံးဆီစျေးထပ်မံမြင့်တက်လာ သုံးဘီးဆိုင်ကယ်ကယ်ရီများဆီမရောင်းတော့၍ အခက်အခဲကြုံ

CoverLogo
4K Views

ပြည်တွင်းစက်သုံးဆီစျေးကွက်တွင် ဓာတ်ဆီ 92 တစ်လီတာ ၂၃၂၀ ကျပ်မှ ၂၈၅၅ ကျပ်အထိ ဆက်လက်မြင့်တက်လာပြီး သုံးဘီးဆိုင်ကယ်နဲ့ဆိုင်ကယ်တွေကို ဆီမရောင်းတော့တာကြောင့် ကယ်ရီတွေ 
အခက်အခဲကြုံနေရတယ်လို့ သိရပါတယ်။

'' ဆီကခုမနက်ဆိုထည့်လို့ကိုမရတော့ဘူး။ ဆီဆိုင်တွေက သုံးဘီးတွေနှစ်ဘီးတွေကို ပေးမရောင်းတော့ဘူး။ ကားတွေပဲရောင်းနေတယ်။ကားတွေလည်း အကုန်မရဘူးထင်တယ်။ ကျွန်တော်တို့တော့ လမ်းဘေးဆိုင်လေးမှာ လိုက်ရှာဝယ်နေရတယ်'' လို့ သုံးဘီဆိုင်ကယ်ကယ်ရီမောင်းသူတစ်ဦးက ဆိုပါတယ်။

စက်သုံးဆီဈေးတွေဟာ  ဓာတ်ဆီ 92 တစ်လီတာလျှင် ငွေကျပ် ၂၃၂၀ သတ်မှတ်ထားပြီး နေရာဒေသကို လိုက်၍ စျေးနှုန်းပြောင်းလဲကာ အမြင်ဆုံးစျေးနှုန်းမှာ တစ်လီတာလျှင် ၂၈၅၅ ကျပ် ဖြစ်နေပြီး 
ဆီဆိုင်တချို့ ဆီအရောင်းရပ်ခြင်းနဲ့ ဆီဆိုင်အချို့မှာ ဆိုင်ကယ်များကိုဆီရောင်းချခြင်းတွေမပြုလုပ်တော့ဘူးလို့ သိရပါတယ်။

အခုလိုဆီစျေးမြင့်တက်လာတဲ့အပြင် ဆိုင်ကယ်တွေကို ဆီဆိုင်ကြီးတွေက 
ဆီရောင်းချမှုတွေမပြုလုပ်တာကြောင့် သုံးဘီးကယ်ရီသမားများဟာ အပြင်ဆီရှာဝယ်ယူနေရတာပါ။

အပြင်ဆိုင်လေးတွေမှာလည်း ဆီပြတ်လပ်မှုကြောင့် ရောင်းသူရှားပါးလာပြီး ရေသန့်ဘူးတစ်ဘူးလျှင် ၂၅၀၀မှ ၂၈၀၀ ကျပ်အထိ ပေးဝယ်ယူနေရတယ်လို့ ဒဂုံမြို့သစ်တောင်ပိုင်း ဆိုင်ကယ်ကယ်ရီသမားများထံမှ သိရပါတယ်။

ဒီနေ့သြဂုတ်လ ၁၃ ရက်မှာ စက်သုံးဆီ 92 တစ်လီတာဈေးဟာ ၂၃၂၀ ကျပ်နဲ့ 95 တစ်လီတာကို ၂၃၉၀ ကျပ် ရောက်ရှိသွားပြီဖြစ်ပြီး ဆီဆိုင်တွေမှာ ဆီနှစ်မျိုးလုံးမရှိတာ၊ 95 ဆီပြတ်နေတာ၊ 92 ဆီ ရောင်းချဖို့မရှိတာ တွေ ကြုံနေရပါတယ်။

အာဏာသိမ်းစစ်ကောင်စီက စက်သုံးဆီ တစ်နှစ်လျှင် အမေရိကန်ဒေါ်လာ  ၁ ဒသမ ၃ ဘီလီယံ တင်သွင်းမှုကို လျှော့ချမည်ဟု ပြောဆိုပြီးနောက်စက်သုံးဆီစျေးဟာ  သြဂုတ် ၈ ရက်နေ့ကစလို့ ဆက်တိုက်ဆိုသလိုတက်လာရာမှာ ယခုရက်ပိုင်းအတွင်း တစ်လီတာကို ကျပ် ၂၃၀၀ကျော်ထိမြင့်တက်လာတာပါ။

ဒါ့အပြင် ဆီသင်္ဘော အချို့ဝင်လာပြီဖြစ်သော်လည်း ငွေပေးချေနိုင်ရန် လိုအပ်တဲ့​ဒေါ်လာကို စစ်ကောင်စီက အလုံအလောက်ရောင်းချပေးခြင်းမရှိတာကြောင့် ဒေါ်လာ အလုံအလောက်မရှိတဲ့ပြဿနာမှတစ်ဆင့် ခုလိုဖြစ်နေပေါ်နေတာ ဖြစ်တယ်လို့ စက် သုံးဆီအရောင်းအဝယ်လုပ်ငန်းရှင်များ​က သုံးသပ်ပြောဆိုနေကြပါတယ်။

MyanmarLabourNews


Related posts

Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
စစ်မှုထမ်းရန်ဆင့်ခေါ်စာပေးပို့မှုများကြောင့် သားယောက်ျားလေးရှင်မိဘတွေ စိုးရိမ်သောကရောက်နေရ
Mar 15, 2024
Cover
Facebook account များ ပြန်လည်အသုံးပြုနိုင်
Mar 05, 2024
Cover
Facebook account များအသုံးပြုမရဖြစ်နေ
Mar 05, 2024
Cover
ပေါ်တာဆွဲသည့် သတင်းတွေထွက်ပေါ်နေပြီး အခြေခံပြည်သူတွေအကြားစိုးရိမ်မှုတွေမြင့်တက်နေ
Feb 17, 2024
Cover
ပြည်ပနိုင်ငံများမှ အလုပ်ခေါ်စာလက်ခံမှု ယာယီရပ်ဆိုင်း
Feb 14, 2024
Cover
စက်ရုံလုပ်သားတွေထံက အချက်အလက်များစတင်ကောက်ယူနေ၊ ပြည်သူများစစ်မှုထမ်းရမဲ့ဥပဒေထုတ်ပြန်ချက်ကြောင့် စက်ရုံအလုပ်သမားတွေကြားစိုးရိမ်မှုမြင့်တက်လျှက်ရှိ
Feb 14, 2024