ရန်ကုန်တိုင်းခုံသမာဓိအဖွဲ့ရဲ့ အမိန့်ကို ကျေနပ်မှုမရှိတာကြောင့် စက်ရုံတွင်းသပိတ်မှောက်တောင်းဆိုမှုပြုလုပ်နေရာ ဒီကနေ့ ဩဂုတ်လ ၁၂ရက်နေ့မှာ ၅ရက်မြောက်နေ့သပိတ်အဖြစ် ဆက်လက်သပိတ်မှောက်တောင်းဆိုနေဆဲဖြစ်တယ်လို့ သိရပါတယ်။
"PMG သပိတ် ၅ရက်မြောက်နေ့ မှာ သပိတ်မှောက်သူ၃၈ဦးထဲက ဆေးခွင့် ၂ယောက်နဲ့ ကိုယ်ဝန်ဆောင်ခွင့်၁ယောက်ကတော့ မလာဘူး ခွင့်ယူထားပါတယ်။
ကျန်တဲ့၃၅ ဦးကတော့ သပိတ်ဆက်မှောက်နေတယ်။ ကျွန်မတို့ တောင်းဆိုမှူမရမချင်း ဆက် ပြီးသပိတ်မှောက်တောင်းဆိုနေမှာပါ'' လို့ သပိတ်မှောက်ရာမှာပါဝင်တဲ့ အလုပ်သမားတစ်ဦးက ဆိုပါတယ်။
အဆိုပါအလုပ်သမားတွေဟာ ကိုဗစ်ကာလအတွင်း အလုပ် မလုပ်ရတဲ့ အကြောင်းပြချက်နဲ့ လစာရဲ့ ၁၀ ရာခိုင်နှုန်း ရက်မှန်ကြေးကို PMG ကုမ္ပဏီဘက်က ဖြတ်တောက်ခဲ့တာကြောင့် အဲဒီဖြတ်ထောက်ထားတဲ့ ရက်ကမှန်ကြေးတွေကို ပြန်လည်ရရှိဖို့ ဩဂုတ်၈ရက်က စတင် သပိတ်မှောက် တောင်းဆို နေကြတာဖြစ်ပါတယ်။
PMG ကုမ္ပဏီအနေနဲ့ အလုပ်သမားအခွင့်အရေး ချိုးဖောက်ထားတာ၊ သမဂ္ဂခေါင်းဆောင်တွေကို အလုပ်ထုတ် တာစတဲ့ အလုပ်သမားအခွင့်အရေး ချိုးဖောက်တဲ့ ဖြစ်စဉ်ရှိခဲ့ပြီး PMG အရက် ဌာန မှ ဝန်ထမ်းတွေတောင်းဆိုမှူကို ခုံသမာဓိကောင်စီက ပယ်ချ ခဲ့တာကြောင့် အခုလို လုပ်ငန်းခွင်အတွင်း အလုပ် မလုပ်ဘဲ သပိတ်မှောက်တောင်းဆိုတာပါ။ ဒါ့အပြင် သပိတ်မှောက်မှုအပေါ် ခြိမ်းခြောက်မှုတွေရှိတယ်လို့လည်း သပိတ်မှာ ပါဝင်နေတဲ့ အလုပ်သမားတွေက ပြောပါတယ်။
MyanmarLabourNews