လတ်တလောတွင် မြန်မာနိုင်ငံရဲ့ပေါ်လစီတွေ အခြေအနေတွေအရ ပြည်ပကိုဆန်တင်ပို့နိုင်မှု သိသိသာသာကျဆင်းသွားနိုင်တယ်လို့ ဆန်စပါးရောင်းဝယ်နေတဲ့ ကုန်သည်များက ဆိုပါတယ်။
''ပြည်ပကိုတင်ပို့နိုင်မှုကတော့ လက်ရှိကတော့ ပုံမှန်ပါပဲ။ လက်ရှိ ပေါ်လစီတွေကြောင့် နောက်ပိုင်းတော့ အများကြီးကျသွားနိုင်တယ်''လို့ ဆန်ကုန်သည်တစ်ဦးက ဆိုပါတယ်။
လက်ရှိမှာ ပြည်ပကိုတင်ပို့နိုင်တဲ့ဆန်တန်ချိန်ဟာမြန်မာနိုငိငံဆန်စပါးအသင်းချုပ်ရဲ့ ထုတ်ပြန်ချက်အရ မက်ထရစ်တန်ချိန် အနေဖြင့် Oversea Trade 147120 MT ဖြစ်ပြီး Border Trade 35430 MT ဖြစ်တယ်လို့ မြန်မာနိုင်ငံဆန်စပါးအသင်းချုပ်ရဲ့ ဩဂုတ်၁ရက်နေ့ထုတ်ပြန်ချက်အရသိရပါတယ်။
ပြည်ပကို ဆန်ကြမ်းအဓိကတင်ပို့နေတာဖြစ်ပြီး လက်ရှိနိုင်ငံရဲ့ပေါ်လစီများအရ ဆန်တင်ပို့မှုကျဆင်းလာပါက ပြည်တွင်း ဆန်တွေပုံကာ ဆန်ဈေးကျပြီး ပို့ကုန်ဝင်ငွေကျဆင်းလာကာ GDP ကွာဟချက်မြင့်မားလာမယ်လို့လည်း ဆိုပါတယ်။
လက်ရှိမှာတော့ ပြည်တွင်းဆန်စျေးမြင့်တက်နေမှုမှာ လေးပုံတစ်ပုံခန့် ဆန်ချောတစ်အိတ်ပျမ်းမျှ ၂ သောင်းကျော်တက်သွားကာ ဆန်ကြမ်းတစ်အိတ်ပျမ်းမျှ ငါးထောင်နဲ့ခုနှစ်ထောင်ကြားတက်သွားတယ်လို့သိရပါတယ်။
''ဆန်စျေးတွေတက်လာတယ်တက်လာတယ်ဆိုပြီး အထိတ်တလန့်ဝယ်ယူကြတာကြောင့်ပါ ဒေါ်လာဈေးတက်တော့ကုန်စျေးနှုန်းကလည်း အစစအရာရာတက်နေတကိုး သေချာတာကတော့ ပြည်တွင်းစားသုံးမှုအတွက်တော့ ဆန်မပြတ်သွားပါဘူး.''လို့လည်းယင်းက ဆိုပါတယ်။
မြန်မာနိုင်ငံမှာ အာဏာသိမ်းပြီးနောက် ပြောင်းလဲလာတဲ့နောက်ဆက်တွဲအခြေအနေတွေကြောင့် ကုန်စျေးနှူန်းမြင့်တက်လာရာမှာဆန်စျေးနှုန်းမြင့်တက်လာမှုက သိသိသာသာမြင့်မားလာတယ်လို့ ဆိုပါတယ်။
အသင်းချုပ်အနေနဲ့ ဆန်စျေးမြင့်တက်မှုကို ထိန်းပေးတဲ့အနေနဲ့ မြန်မာနိုင်ငံဆန်စပါးအသင်းကနေ တစ်အိမ်လျှင်ဆန်တစ်အိတ်နှုန်းဖြင့် သက်သာသောနှုန်ထားဖြင့် ဩဂုတ်လမှစ၍ သုံးလတိုင်ရောင်းချပေးမှာဖြစ်ပြီး ဆိုင်မှာပြန်ရောင်းချဖို့အတွက် ရောင်းပေးမှာမဟုတ်ဘူးလိူ့လည်း ဆိုပါတယ်။
'' ပြည်သူတွေအားလုံးအတွက် အများအကျိုးအတွက် တည်ငြိမ်မှူရအောင် အားလုံးဝိုင်းထိန်းကြရမှာပါ။
ခုရောင်းချပေးမဲ့ဟာလည်း စားသုံးသူတွေအတွက် စားနိုင်သလောက်ရောင်းချပေးမှာပါ။ ဆိုင်တွေမှာရောင်းချဖို့ ရောင်းမပေးပါဘူး။ အချိန်ကတော့၃လပါ။ household တွေအတွက် မကြီးမြင့်စေဖို့တစ်အိမ်တစ်အိတ်နှူန်းပါ''လို့ မြန်မာနိုင်ငံဆန်စပါးအသင်းချုပ်နဲ့ နီးစပ်သူက ပြောပါတယ်။
MyanmarLabourNews