လစာလာထုတ်တဲ့အလုပ်သမား၃၀ကျော် လစာမရဘဲ ရိုက်နှက်ခံခဲ့ရ

cover
profile
Jul 29, 2022

အထည်ချုပ်စက်ရုံမှာ လစာ လုပ်ခလစာ လာထုတ်တဲ့ အလုပ်သမား ၃၀ ကျော်တို့ လစာမရဘဲ အလုပ်ရှင်ရဲ့ခိုင်းစေမှုကြောင့်  အလုပ်သမားများရိုက်နှက်ခံခဲ့ရတယ်လို့ သိရပါတယ်။

''သေချာတွက်ရင်သူတို့ရမှာက အများကြီးကျန်သေးတယ်။ သူတို့ဘက်ကပြောတာက မင်းတို့ရမှာငါတို့မသိဘူး  စာ​ရေးတွေရော အတန်းတက်တွေရောအကုန်အလုပ်ထုတ်ပြီး ဆိုတော့မသိတော့ဘူး။ ခုနောက်က နေ့စားတွနဲ့ လုပ်နေတယ်ပြောတယ်။ သူတို့ပေးတဲ့သုံးသောင်းလက်မခံဘူးပြောတော့ သူဌေးမက ထွက်သွားပြီး ရဲ့ နှစ်ယောက် စစ်သား နှစ်ယောက်ခေါ်ပြီး အလုပ်သမားတွေကိုရိုက်တော့ ရုန်းကန်ထွက််ပြေးလာကြတယ်။ သုံးယောက်ကတော့ အတော်လေးရိုက်ခံလာရတယ်'' လို့ မအိအိဖြူက ပြောပါတယ်

အလုပ်သမားတွေက ရန်ကုန်တိုင်း လှိုင်သာယာမြို့နယ် မွေးမြူရေးဇုံ အမှတ်(၆)ရွှေရင်အေးဘုရားလမ်း(လမ်းသွယ် ၁၀)မှာ ဖွင့်လှစ်ထားတဲ့ ( Likes View Tex Garment Co.Ltd ) အထည်ချုပ်စက်ရုံမှာ လုပ်ကိုင်နေတာဖြစ်ပီး ၅ဘလပိုင်း ၁၇ရက်နေ့က  အော်ဒါမရှိဘူး အလုပ်နားရမယ်ဆိုပြီး အလုပ်သမား (၅၀)ကျော်ကို နစ်နာကြေးမပေးတဲ့ အပြင် လစာနှင့် အောလင်း တစ်ပါတ်လုံးဆင်းပေးထားတဲ့ အိုတီကြေးပါမပေးဘဲ လကုန်ရင် လစာ လာထုတ်ပါဆိုကာ အလုပ်နားလိုက်ခြင်းဖြစ်ပါတယ်။

''အလုပ်သမားသုံးဆယ်ကျော်က ခုလ၂၀ရက်နေ့က စက်ရုံလုံခြုံရေးက လစာလာထုတ်ပါဖုန်းဆက်ခေါ်လို့သွားထုတ်တယ်။ မနက်တည်းကသွားတယ် သူဌေးမရှိဘူးဆိုလို့ ည၈နာရီအထိစောင့်ခဲ့ကြတယ်။ သူဌေးမရောက်လာတော့ လုံခြုံရေးခေါ်ပြီး  တစ်ယောက်ကို သုံးသောင်းစီထုတ်ပေးခဲ့တယ်။ အလုပ်သမားတွေကမကျေနပ်ကြဘူး။ သူတို့က သုံးလပိုင်းက လတစ်ဝက်စာကျန်သေးတယ်။ ထုတ်လိုက်တဲ့၅လပိုင်းထဲမှာလည်း လတစ်ဝက်စာကျန်တယ်။  အောလင်းတစ်ပတ်စာကျန်တယ်။  အိုတီနာရီ၂၀စာရဖို့ရှိတယ်''လို့ ဆိုပါတယ်။

အဆိုပါ စက်ရုံက  ယခုလ၂၀ ရက်နေ့မှာ အလုပ်သမားတွေကို လစာထုတ်ပေးမယ် ဖုန်းဆက်ခေါ်တာကြောင့် အလုပ်ထုတ်ခံရတဲ့၅၀ ကျော်အနက် အဆက်အသွယ်ရတဲ့ အလုပ်သမား ၃၀ ကျော်က  စက်ရုံအရှေ့  လစာလာထုတ်ခဲ့ရာ ည ၈နာရီမှာ  လစာ(၃၀၀၀၀)ကျပ်သာ ထုတ်ပေးတာ​ကြောင့် အလုပ်သမားတွေက အပြည့်ပေးဖို့ပြောဆိုရာမှ အရပ်ဝတ်တွေနဲ့ ဆိုင်ကယ် ၂စီးနဲ့ စစ်သား(၂) ဦး ရဲ (၂)ဦးတို့က ဝင်ရောက်နိုက်နှက်ရာ အလုပ်သမားယောကျ်ားလေး ၃ဦးအရိုက်ခံခဲ့ရတာပါ။

ဒါကြောင့် အဆိုပါ အလုပ်သမားတွေမှာ  ယနေ့အချိန်အထိ နစ်နာကြေးမရ  လုပ်ခလစာပါ မရတဲ့အပြင် နစ်နာကြေးမပေးပဲ အလုပ်ထုတ်ခံရပြီး စစ်သားနဲ့ ရဲကိုပါခေါ်ပြီး အရိုက်ခံရတဲ့အဖြစ်ကို တာဝန်ရှိသူများနှင့် ကူညီပေးရန်  အကူညီတောင်းလာခြင်းဖြစ်တယ်လို့  ယင်းအလုပ်သမားတွေကို အကူအညီပေးနေတဲ့  FGWM အဖွဲ့ထံက သိရပါတယ်။

 

MyanmarLabourNews

511 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
နိုင်ငံသားစီစစ်ရေးကတ် ၅ / နှင့် ၈ / ကိုင်ဆောင်သည့် အလုပ်သမားများ အပါအဝင် ၄၀ ကျော် နစ်နာကြေးမပေးဘဲ အလုပ်ထုတ်ခံရ အလုပ်ပြန်မခန့်ပါက ရသင့်ရထိုက်သည့် လျော်ကြေးများရလိုဟုဆို
Aug 9, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle