စစ်ကောင်စီအာဏာသိမ်းခြင်းကို ဆန့်ကျင်ခဲ့ကြသော နွေဦးတော်လှန်ရေးကာလအတွင်း ကျဆုံးခဲ့သူ(၂၁၃၁)ထက်မနည်းရှိလာ

cover
profile
Jul 27, 2022

၂၀၂၁ ခုနှစ်၊ ဖေဖော်ဝါရီ ၁ ရက်နေ့ မတရားစစ်အာဏာသိမ်းယူဖြစ်စဉ်ကို ဆန့်ကျင်ခဲ့ကြတဲ့ ဒီမိုကရေစီရေးလှုပ်ရှားသူများနှင့် ပြည်သူများရဲ့ဦးတော်လှန်ရေးကာလအတွင်း ကျဆုံးခဲ့ရသူ စုစုပေါင်းမှာ (၂၁၃၁) ဦးအထိ ရှိလာပြီလို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ထုတ်ပြန် ချက်အရသိရပါတယ်။

“ကိန်းဂဏန်းတွေအရတော့  AAPPရဲ့စာရင်းတွေအရ ကျဆုံးသူအရေအတွက်နှစ်ထောင့်တစ်ရာကျော်ရှိ လာတယ်။ စစ်အာဏာသိမ်းမှုကိုဆန့်ကျင်တဲ့သူ နွေဦးတော်လှန်ရေးပါ၀င်သူတွေ CDM သမားတွေနဲ့ Supporting လုပ်ဆောင်သူတွေရဲ့နေအိမ်တွေကိုလည်းမတရားချိတ်ပိတ်သိမ်းဆည်းထားတာ ၆၇၈လုံးရှိလာပြီ။ ဒါကAAPPရဲ့ လက်လှမ်းမီသလောက်စုစောင်းထားတဲ့အချက်အလက်တွေပေါ့။  လက်အလှမ်းမမီတဲ့ကျဆုံးမှုတွေ ဖမ်းဆီးခံထားရမှုတွေဆိုတာ ဘယ်လောက်ကျန်နေအုံးမယ်ဆိုတာ မသိနိုင်ပါဘူး” လို့ နိုင်ငံရေးအကျဉ်းသားဟောင်းတစ်ဦးက  ပြေပါတယ်။

လက်ရှိမှာ AAPPရဲ့လက်လှမ်းမီသမျှ မှတ်တမ်းပြုစုထားချက်အရ အာဏာသိမ်းချိန်မှ ၂၀၂၂ ခုနှစ် ယခုလ ဇွန်လကုန်ထိ စစ်ကောင်စီရဲ့မတရား ချိပ်ပိတ်သိမ်းဆည်းခြင်းခံရသည့် နေအိမ်၊ အဆောက်အဦး အရေအတွက် စုစုပေါင်း (၆၇၈) ခုထက်မနည်းရှိခဲ့ပြီး  မတရားစစ်အာဏာသိမ်းယူဖြစ်စဉ်ကို ဆန့်ကျင်ခဲ့ကြတဲ့ ဒီမိုကရေစီရေးလှုပ်ရှားသူများနှင့် ပြည်သူများရဲ့ဦးတော်လှန်ရေးကာလအတွင်း ကျဆုံးခဲ့ရသူ စုစုပေါင်းမှာလည်း(၂၁၃၁) ဦးအထိ ရှိလာပြီလို့နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ  ဇူလိုင်လ ၂၇ ရက်ညနေပိုင်းက နောက်ဆုံး အပ်ဒိတ်သတင်းအချက်အလက်ကို ထုတ်ပြန်ကြေညာခဲ့တာပဲဖြစ်ပါတယ်။

ဒါ့အပြင် ဇူလိုင်၂၇ရက်နေ့မှာတင်မှာပဲ  ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ စစ်ကိုင်းတိုင်းဒေသကြီး၊ ခင်ဦးမြို့နယ်နှင့် ဆားလင်းကြီးမြို့နယ်တို့မှ အပြစ်မဲ့ပြည်သူ (၈) ဦးတို့ ကျဆုံးသွားခဲ့တယ်လို့ အချက်အလက်များကောက်ယူနိုင်ခဲ့ပြီး အဆိုပါအရေအတွက်ဟာ  AAPP မှ ကောက်ယူရရှိထားသည့် အရေအတွက်ဖြစ်ပြီး အမှန်တကယ် ကျဆုံးသွားသူများမှာ အဆိုပါအရေအတွက်ထက် ပိုများနေနိုင်တယ်လို့လည်း ဆိုပါတယ်။

ဆက်လက်၍ ၎င်းတို့ရဲ့ မှတ်တမ်းများအရ ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၂ ခုနှစ် ဇူလိုင်လ ၂၇ ရက်နေ့ထိ ဖမ်းဆီးချုပ်နှောင်ခြင်းခံထားရသူ စုစုပေါင်း (၁၁၈၀၈) ဦးရှိပြီး (၁၃၅၅) ဦး မှာ ထောင်ဒဏ်ချမှတ်ခြင်းခံထားရတာပဲဖြစ်ပါတယ်။

အဆိုပါပြစ်ဒဏ်ကျခံရသူများထဲမှ (၇၄) ဦးမှာ သေဒဏ်ချမှတ်ခံထားရပြီး မျက်ကွယ် သေဒဏ်ချမှတ်ခြင်းခံထားရသူ (၄၁) ဦး အပါအဝင် သေဒဏ်ချမှတ်ခံထားရသူ စုစုပေါင်း (၁၁၅) ဦးရှိပြီဖြစ်တယ်လို့လည်းသိရပါတယ်။

ဒါ့အပြင် အာမခံဖြင့် လွတ်မြောက်သူ (၂၂) ဦးရှိကာ  ပြန်လည်လွတ်မြောက်လာသူဦးရေမှာ (၃၀၆၈) ဦး ရှိတယ်လို့ ၎င်းတို့ရဲ့ထုတ်ပြန်ချက်အရသိရပါတယ်။

 

179 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အမေရိကန်တစ်ဒေါ်လာလျှင် မြန်မာကျပ်ငွေ ၃၀၀၀ ကျော်အထိစျေးပေါက်နေ
Aug 13, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
စက်သုံးဆီစျေးထပ်မံမြင့်တက်လာ သုံးဘီးဆိုင်ကယ်ကယ်ရီများဆီမရောင်းတော့၍ အခက်အခဲကြုံ
Aug 13, 2022
cover
အိုးဘိုထောင်တွင်းအစာငတ်ခံဆန္ဒပြသူတစ်ဦး အသက်အန္တရာယ်စိုးရိမ်နေရ
Aug 12, 2022
cover
ရေနံနဲ့ရေနံထွက်ပစ္စည်းတင်သွင်းမှုလျှော့ချရန် စစ် ကောင်စီပြောဆိုပြီးနောက် စက်သုံးဆီကျပ်နှစ်ထောင်ကျော်အထိ တစ်ရှိန်ထိုးမြင့်တက်လာ
Aug 12, 2022
cover
ကုန်ဈးနှုန်းမြင့်တက်လာမှုနှင့်အတူ အခြေခံပြည်သူတွေ ကျပ်တည်းလာ ၊ ပြည်တွင်းစားဆီတစ်ပိဿာ ၃၇၀၀ ကျပ်ဖြင့်ရောင်းချပေးနေဟုဆို
Aug 10, 2022
cover
အလုပ်သမားခေါင်းဆောင် ကိုသက်နှင်းအောင်ကို ပုဒ်မ ၁၇(၁)နဲ့ စတင်ရုံးထုတ်
Aug 8, 2022
cover
စက်ရုံအလုပ်ရုံတွေမှာ အလုပ်သမားတွေကို အကြောင်းမဲ့အလုပ်ထုတ်ခြင်းများရှိနေပြီး စီစစ်ရွေးချယ်ပြီးမှထုတ်ခံနေရ
Aug 8, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle