ဂျပန်သို့သွားရောက်လုပ်ကိုင်လိုသူများပြားနေ၊ PJ (Job Passport) ဖြင့်သွားနေရသဖြင့် အခက်အခဲများကြုံတွေ့နေ

cover
profile
Jul 21, 2022

လက်ရှိမှာမြန်မာလူငယ်တွေအနေနဲ့  ဂျပန်နိုင်ငံကိုအလုပ်သွားရောက်လုပ်ကိုင်ဖို့ စိတ်ဝင်စားမှုတွေ  များပြားနေပြီး ဂျပန်နိုင်ငံသို့သွားရောက်လုပ်ကိုင်ကြမဲ့ အလုပ်သမားတွေဟာ မြန်မာနိုင်ငံမှာ အရည်အချင်းစစ်စာ​မေးပွဲတွေ ပြန်လည်မပြုလုပ်သေးတာကြောင့်  အဲဒီစာမေးပွဲဖြေဆိုလိုတဲ့အလုပ်သမားတွေအနေနဲ့ အခြားနိုင်ငံမှာသွားရောက်ဖြဆိုနေကြရတာဖြစ်ပါတယ်။

မြန်မာနိုင်ငံမှာပြန်လည်ကျင်းပခြင်းမရှိ​သေးတဲ့အရည်ချင်းစစ်စာမေးပွဲက အခြားနိုင်ငံဖြစ်တဲ့  ထိုင်းနိုင်ငံ၊  ကမ္ဗောဒီးယား နိုင်ငံ၊  ဗီယက်နမ်၊  ဖိလစ်ပိုင်စတဲ့ နိုင်ငံတွေမှာ သွားရောက်ဖြေဆိုနေရတာကြောင့် ငွေကြေးကုန်ကျမှုပိုများလာတဲ့အပြင် အခက်အခဲများစွာ ရှိလာတယ်လို့ သိရပါတယ်။

''ကလေးတွေက ဘာအခက်အခဲတွေရှိလိုတော့ PV, PJ ပြသနာရှိတယ်။ကလေးတွေက မသိတော့ PJ ပြောင်းပီးသားကလေးတွေက PV  (Visit Passport) ပြန်ပြောင်းတယ်။ ဘေးနိုင်ငံတွေကို တခါ PV ကနေမှသွားဖြေကြတယ်။ 
ဖြေပြီး ကာမှတခါ PJ ပြန်​ပြောင်းကြတယ် ဆိုတော့ ငွေကုန်ကျပိုများတယ်။ PV နဲ့ PJ နဲ့သံသရာလည်နေတယ် ပိုကုန်တယ် အဆင်မပြေဘူး အမှန်က စာမေးပွဲသွားဖြေရင် လေယာဥ်လက်မှတ်အသွားပြန်ပြမယ် ဟော်တယ်ဘိုကင်ပြမယ် စာမေးပွဲဖြေမဲ့အထောက်အထားတွေအစုံပြမယ်ဆိုရင် ဒါကခွင့်ပြုရမှာပဲလေ။  သွားလို့မရဘူးဆိုပီး ဖြစ်နေတော့ခလေးတွေက ဒုက္ခရောက်နေတယ်'' လို့ ဂျပန်သို့ လုပ်သားပို့ဆောင်ပေးနေတဲ့ အေဂျင်စီက ဆိုပါတယ်။

ယင်းကဲ့သို့ အခြားအရှေ့တောင်အာရှနိုင်ငံတွေကို သွားရောက်ရာမှာ Job Passport ဖြင့်သာသွားရောက်နေရပြီး  အခက်အခဲများစွာကြုံတွေ့နေရတယ်လို့ ဂျပန်သို့ လုပ်သားပို့ဆောင်နေတဲ့ အေဂျင်စီတွေက ဆိုပါတယ်။

''အဓိကတော့စာမေးပွဲတွေအမြန်ဆုံးကျင်းပနိုင်ဖို့အရေးကြီးတယ်။ ဒါကဂျပန်အစိုးရနဲ့ပဲဆိုင်တယ် ဖြေ လျှော့ မှုတွေတော့လုပ်ပေးနေပါတယ်။ အလုပ်သမားတွေအနေနဲ့လည်း တရားဝင်သွားဖို့နဲ့ အလိမ်မခံရဖို့ အကြံပြုချင်တယ်''လို့ ဆိုပါတယ်။

မြန်မာနိုင်ငံမှာ အရည်ချင်းစစ်စာမေးပွဲကို ကိုဗစ်ဖြစ်ပွားစဥ်က ရပ်နားထားခြင်းဖြစ်တာကြောင့် ကိုဗစ်- ၁၉  မဖြစ်ပွားစဥ်က  ကျွမ်းကျင် စာမေးပွဲအောင်ထားသူတွေကိုပြန်လွှတ်နေခြင်းဖြစ်တဲ့အပြင် Demand တွေလည်းဆက်တိုက်ဝင်နေတယ်လို့လည်း သိရပါတယ်။

အဆိုပါ လုပ်သားခေါ်ယူမှုက မတ်လကစတင်ပြီး လုပ်သားပြန်ခေါ်နေခြင်းဖြစ်ကာ ယခုနှစ်အတွင်းမှာ
နေထိုင်အလုပ်လုပ်ကိုင်ခွင့်လက်မှတ်  COE ကျပီးသူက ခြောက်ထောင်ကျော်ရှိပီး  နောက်ထပ်သုံးထောင်ခန့် ထပ်ကျဖို့ရှိနေတယ်လို့လည်း သိရပါတယ်။

မြန်မာလုပ်သားတွေအနေနဲ့ ဂျပန်နိုင်ငံမှာ လုပ်ကိုင်ခွင့်ရရှိတဲ့ အလုပ်တွေကတော့ ဆောက်လုပ်ရေး၊ စိုက်ပျိုးရေး နှင့် စက်ရုံ အလုပ်ရုံစတဲ့ အလုပ်အကိုင်မျိုးတွေ ရရှိနိုင်တယ်လို့ သိရပါတယ်။

လက်ရှိတွင် ပြည်ပ သို့ မှတ်ပုံတင်ထားသည့် လုပ်သားပို့ အလုပ်အကိုင်အေဂျင်စီ ၃၃၇ ခုရှိနေပြီး ဂျပန်နိုင်ငံသို့ အလုပ်သင် လုပ်သားပို့အေဂျင်စီ ၂၇၈ခုနဲ့ ကျွမ်းကျင်လုပ်သားပို့အေဂျင်စီ ၁၁၂ခု ရှိတယ်လို့ဆိုပါတယ်။

 

274 Views

Related News

cover
မလေးရှားနိုင်ငံသို့တရား၀င်သွားရောက်လုပ်ကိုင်လိုတဲ့ အလုပ်သမားဦးရေ မြင့်တက်လာ
Aug 12, 2022
cover
ထိုင်းနိုင်ငံကို ကယ်ရီပွဲစားနှင့် ချိတ်ဆက်ပြီး သွားရောက်တဲ့ အလုပ်သမား ၂၀၀ ကျော်ပိတ်မိပြီး အခက်အခဲဖြစ်နေ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
မလေးရှားတွင်ယခုနှစ်အော်ပရာစီ စီမံချက်ဖြင့် ဖမ်းဆီးမှုစတင်နေ၊ ယခုနှစ်တွင် မလေးရှားသို့ မြန်မာလုပ်သား တရားမဝင် ဝင်ရောက်မှုပိုများလာ
Aug 3, 2022
cover
ကိုရီးယားအလုပ်အကိုင်(EPS)စာမေးပွဲ လျှောက်ထားသူ ၃၇,၀၀၀ ကျော် အထိရှိ၊ လျှောက်ထားသူရဲ့ ၄ ပုံ ၁ ပုံခန့်သာ အောင်မြင်နိုင်မှာဖြစ်
Jul 31, 2022
cover
ယခုနှစ်လေးလအတွင်းပြည်ပနိုင်ငံအသီးသီးသို့ စေလွှတ်ရန် မြန်မာအလုပ်သမားလေးသောင်းခန့် စာချုပ်ချုပ်ဆိုထားဟုဆို
Jul 30, 2022
cover
မလေးရှားသို့အလုပ်သမားများစေလွှတ်ဖို့ ပွဲစားများ၀န်ဆောင်ခ ဒေါ်လာတစ်ထောင်ထိ အဆမတန်တိုးမြှင့်တောင်းယူနေ
Jul 30, 2022
cover
ထိုင်းကို MoU Zero Cost စနစ်နဲ့ မြန်မာလုပ်သား ၅၀၀ ကျော်စေလွှတ်ရန်ရှိနေ
Jul 24, 2022
cover
ဒေါ်လာအဝယ်ခက်နေ၍ EPS စာမေးပွဲ မှတ်ပုံတင်ကြေးပေးသွင်းဖို့ မူလပေါက်ဈေးထက်ပိုပေး၀ယ်ယူနေရ
Jul 23, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle