အလုပ်သမား ဥပဒေပြောင်ပြောင်တင်းတင်းချိုးဖောက်မှုတွေအပါအဝင် အလုပ်ပိတ်ရက်ခံစားခွင့်များပါ မရရှိတော့တဲ့ အခြေအနေတွေ ဖြစ်ပေါ်နေတယ်လို့ စက်ရုံအလုပ်သမားတွေပြော

cover
profile
Jun 23, 2022

လုပ်ငန်းခွင်အတွင်း ဥပဒေပါ ခံစားခွင့်တွေဖြစ်တဲ့ ၁၉၅၁ ခွင့်ရက်နှင့် အလုပ်ပိတ်ရက် ဉပဒေပါ ခံစားခွင့်များ မရရှိတော့ဘူးလို့ စက်မှုဇုန်အလုပ်သမားတွေက ပြောပါတယ်။ 

ရန်ကုန်တိုင်း ၊ ‌ရွှေပြည်သာမြို့နယ် သာဓုကန်စက်မှုဇုန်(၄) တွင်ဖွင့်လှစ်ထားသော Sunrise Myanmar fashion garment တရုတ်နိုင်ငံသားပိုင် စက်ရုံမှာ  အလုပ်သမား (၁၈၀၀)ခန့်ဖြင့်အလုပ်လုပ်ကိုင်လျှက်ရှိပြီး  လုပ်ငန်းခွင်တွင်ချိုးဖောက်မှုတွေ များစွာဖြစ်ပေါ်နေတယ်လို့ ယင်းစက်ရုံမှာ လုပ်ကိုင်နေတဲ့ အလုပ်သမားတွေက ပြောပါတယ်။

အဆိုပါ စက်ရုံမှာ Youth SELECT, FUWATECH, WMB, OVS, Quality, H&M,RUDIMENTI,VOWW အစရှိတဲ့ကုန်အမှတ်တံဆိပ်တွေ ချုပ်လုပ်တာ ဖြစ်တယ်လို့ သိရပါတယ်၊

လုပ်ငန်းခွင်ထဲမှာ အလုပ်နှင့်မသက်ဆိုင်ပဲ ရိုင်းစိုင်းစွာ ပြောဆိုတာနဲ့ အရှက်ရအောင် ဆဲဆိုမှုတွေကြောင့် လုပ်ငန်းခွင်ထဲမှာ ကျဉ်းကျပ်စွာ လုပ်ကိုင်နေရပြီး အလုပ်သမားတွေချုပ်လုပ်နိုင်ခြင်းမရှိတဲ့ စံချိန်တွေ တိုးမြှင့်သတ်မှတ်ထားတာကြောင့် နေ့စဉ် လိုင်းစူပါ တွေရဲ့ ကြိမ်းမောင်းအော်ဟစ်မှုတွေ ခံနေရတယ်လို့ ဆိုပါတယ်။

အဆိုပါ စက်ရုံလုပ်ငန်းခွင်မှာ တရုတ်နိုင်ငံသားတွေက လုပ်ငန်းခွင်အတွင်းအလုပ်သမားများပေါ် တိုက်ရိုက် အုပ်ချုပ်နေပြီး အလုပ်ခိုင်းစေရာတွင်ဆဲဆိုကြိမ်းမောင်းခြင်းနှင့် ခြေထောက်ဖြင့်ခိုင်းစေခြင်းများ ပြုလုပ်နေတယ်လို့ ဆိုပါတယ်။

ဒါ့အပြင် လုပ်ငန်းခွင်အတွင်း ရေပူရေအေး ပေးမထားတာ ၊ အရေးပေါ် ထွက်ပေါက် မရှိတာ ၊ ဆေးခန်း ရှိပေမယ့် ဆေးမရှိတာ အလုပ်သမားများ ထိခိုက်ဒဏ်ရာရပါက ပြင်ပ ဆေးခန်းကို မိမိစရိတ်ဖြင့်သာ သွားရောက် ကုသမှုခံယူနေရတာတွေ အပါအဝင် ကျန်းမာရေးနဲ့ ဘေးအန္တရာယ်ကင်းရှင်းရေးဆိုင်ရာ စီမံမှုတွေ လစ်ဟင်းနေတယ်လို့ ဆိုပါတယ်။

"အလုပ််တစ်ရက်ပျက်တာနဲ့ ဝမ်တိမ်ထိုးရတယ် နေ့စားတွေ အစမ်းခန့် ၃ လပြည့်လို့ အမြဲတန်းဝမ်ထန်းမခန့်ပါဘူး ။ နေ့စဥ်တနင်္လာ နေ့မှသောကြာနေ့ထိကို ဒေးကြေး(၄၈၀၀) ကျပ်နှင့် အချိန်ပို (၂)နာရီကြေးပေးပါတယ် ။ စနေနေ့တွင် OT (၄)နာ ရီဆင်းရပြီ OT ကြေးမရရှိဘူးလို့ အဆိုပါစက်ရုံမှာ လုပ်ကိုင်နေတဲ့ အမည်မဖော်လိုတဲ့ အလုပ်သမားတစ်ဦးက ပြောဆိုပါတယ်။

ဒါ့အပြင် ဉပဒေပါ သတ်မှတ်ချက်တွေထက်ကျော်လွန်တဲ့ ည ၁၂ နာရီထိ အချိန်ပိုခေါ်တာတွေ 
တနင်္ဂနွေနေ့မှာ  အလုပ်သမားများ၏ သဘောဆန္ဒမပါပဲအချိန်ပိုအားအတင်းကျပ်ခိုင်းစေတာတွေ ပြုလုပ်ပြီး အချိန်ပိုမဆင်းသည့်အလုပ်သမားများအား (၃)ရက် ဆက်တိုက် OTမပေးဘဲ အရေးယူခြင်းများပြုလုပ်တယ်လို့ ဆိုပါတယ်။

အကြောင်းမဲ့ အလုပ်ထုတ်တာတွေလည်းရှိပြီး အလုပ်ခန့်ထားမှုဆိုင်ရာ သဘောတူစာချုပ်  EC အရ ကိုက်ညီမှုမရှိဘဲ ဉပဒေမဲ့ အလုပ်ထုတ်တာတွေ ပြုလုပ်နေတာကြောင့် လုပ်ငန်းခွင်ဆိုင်ရာ အခက်အခဲတွေ ပြည့်နှက်နေတယ်လို့ ယင်းစက်ရုံမှာ လုပ်ကိုင်နေတဲ့ အလုပ်သမားတွေက ဆိုပါတယ်။

 

 

431 Views

Related News

cover
ရက်မှန်ကြေးမရရှိတာ အပါအဝင် အလုပ်သမားဥပဒေပါ အကျိုးခံစားခွင့်များ မရရှိတော့ဘူးလို့ အလုပ်သမားတွေပြော
Jun 28, 2022
cover
"foodpanda အလုပ်မဆင်းသပိတ်မှာဘာတွေဖြစ်နေလဲ" စကားဝိုင်း ဆွေးနွေးပွဲ
Jun 19, 2022
cover
အလုပ်သမားအခွင့်အရေးအတွက်တိုက်ပွဲဝင်နေတဲ့ Foodpanda Riders သပိတ်ကိုအရှိန်ဆက်မြှင့်သွားမယ်လို့ဆို
Jun 11, 2022
cover
စက်မှုဇုန်မြို့နယ်တွေမှာ အဆောင်လခများ စံချိန်တင်မြင့်တက်
Jun 11, 2022
cover
Foodpanda Rider တဦးမှ “Zero Customer ကမ်ပိန်း” အကြောင်း ပြောကြားချက်
Jun 11, 2022
cover
စစ်တပ်မှ အာဏာသိမ်းပြီးနောက်ပိုင်း လုပ်ငန်းခွင်အတွင်း ခြိမ်းခြောက်ခိုင်းစေခံရခြင်း၊ ဥပဒေမဲ့ အလုပ်ထုတ်ခြင်းနဲ့ လုပ်သားအခွင့်အရေးများ ဆိုးရွားစွာချိုးဖောက်ခံနေရတယ်လို့ ဆို
Jun 9, 2022
cover
Riders တို့ရဲ့ တိုက်ပွဲ တတိယမြောက်နေ့
Jun 8, 2022
cover
Food Panda Rider တွေ သပိတ်မှောက်မှုမှာ အတူ ရပ်တည်ပေးဖို့ စားသုံးသူများထံ တောင်းဆို
Jun 5, 2022
cover
ရွာလုံးကျွတ်မီးရှို့ခံထားရတဲ့ ကလေးမြို့နယ် တောင်ပိုင်းက အရှေ့စည်းရွာမှာ စားနပ်ရိက္ခာနဲ့ မိုးရာသီအသုံးအဆောင်တွေလိုအပ်နေ
Jun 4, 2022
cover
"ILO ကနေ နိုဝင်ဘာမတိုင်ခင် အကြမ်းဖက်စစ်ကောင်စီကို အရေးယူမှုတွေ ပိုပြင်းထန်လာနိုင်တယ်"
Jun 3, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle