NEWS

ထိုင်းနိုင်ငံဆိုင်ရာ မြန်မာသံရုံးရဲ့ ကြိုးနီစနစ်ကြောင့် ပတ်စပို့အပါအဝင် စာရွက်စာတမ်းပြုလုပ်ရာတွင် ဈေး နှစ်ဆကျော်တက်

CoverLogo
888 Views

မြန်မာရွေ့ပြောင်းအလုပ်သမား သန်းချီလုပ်ကိုင်နေတဲ့ ထိုင်းနိုင်ငံတွင် ပတ်စပို့သက်တမ်းတိုးခြင်းအပါအဝင် စာရွက်စာတမ်းတွေ ပြုလုပ်ရာ၌ အဆင့်များစွာ ဖြတ်ကျော်ရအောင် ပြုလုပ်ထားကာ ဈေးနှုန်းတွေ နှစ်ဆကျော် တက်လာကြောင်း မြန်မာရွေ့ပြောင်းအလုပ်သမားအရေး ဆောင်ရွက်နေသူများက ပြေပါတယ်။

ပြည်သူများက ရွေ့ကောက်တင်မြောက်သော ဒီမိုကရေစီအစိုးရလက်ထက်တွင် အလုပ်သမားများဟာ အခက်အခဲတွေကို သွားရောက်ဆွေးနွေးပိုင်ခွင့်နဲ့ တင်ပြပိုင်ခွင့်တို့ ရှိခဲ့ပါတယ်။

စစ်တပ်ကာ အာဏာသိမ်းပြီး နောက်ပိုင်းတွင် ထိုင်းရောက်ရွေ့ပြောင်းအလုပ်သမာများ ပတ်စပို့ သက်တမ်းတိုးခြင်းအပါအဝင် စာရွက်စာတမ်းများ သွားရောက်ပြုလုပ်ပါက ယခင်က ထိုင်းဘတ်ငွေ ၁၂၀၀/ ၁၅၀၀ ကုန်ကျစရိတ်နဲ့ ဆောင်ရွက်နိုင်သော်လည်း လက်ရှိတွင် ထိုင်းမြန်မာသံရုံးက ပြည်သူတွေကို ဝန်ဆောင်မှု ပေးရာတွင် အဆင့်များ ပိုမိုများပြားလာကာ ထိုင်းဘတ်ငွေ  ၄၀၀၀ မှ ၅၀၀၀ ခန့် ကုန်ကျနေရတယ်လို့ ၎င်းတို့က ပြောပါတယ်။

“ကိုဗစ်ရောဂါဖြစ်ပွားပြီးတော့ ထိုင်းမြန်မာနယ်စပ်ထွက်ပေါက်တွေ ၂ နှစ်ကျော် ပိတ်ထားလိုက်ရပါတယ်။ ဒီတော့ လုပ်သားတွေ အားလုံးက မြန်မာပြည်ကို သွားလို့မရတော့ဘူး။ ဒါကို ထိုင်းအစိုးရက ဒီမှာပဲ သက်တမ်းတိုးပေးမယ်။ မြန်မာသံရုံးမှာ စာအုပ်ရအောင်ထုတ်၊ သက်တမ်းတိုးဆိုတော့ မြန်မာလုပ်သားတွေက လုပ်ကြပါတယ်။ သို့သော် ဒီအခြေအနေ ကာလမှာတော့ အခက်အခဲတွေ အဆင့်တွေ အများကြီး လုပ်ထားတဲ့အတွက်ကြောင့် အလုပ်သမားတွေက စာရွက်စာတမ်းတွေ၊ ပတ်စပို့တွေ သက်တမ်းကုန်လို့ သွားတိုးမယ်ဆိုရင်လည်း အဆင့်တွေ မြောက်များစွာ ကျော်ဖြတ်ရပါတယ်”လို့ ထိုင်းနိုင်ငံအခြေစိုက် ရွေ့ပြောင်းအလုပ်သမားအခွင့်အရေးကွန်ရက်မှ ဦးအောင်ကျော်က ပြောပါတယ်။

ထိုင်းနိုင်ငံတွင် MoU စနစ်ဖြင့် တရားဝင်လုပ်ကိုင်နေသော ရွေ့ပြောင်းအလုပ်သမားတွေဟာ ၎င်း၏ ဥပဒေအရ လာရောက်လုပ်ကိုင်နေမှု ၄ နှစ်သက်တမ်းပြည့်ပါက သက်ဆိုင်ရာနိုင်ငံသို့ ပြန်သွားရပြီး အလုပ်ရှင်၊ အလုပ်သမား၊ အေဂျင်စီနဲ့ သက်ဆိုင်ရာအလုပ်သမားဌာနတို့ စာချုပ် ချုပ်ဆို၍ ပြန်လည် လုပ်ကိုင်ရပါတယ်။

လက်ရှိတွင် ထိုင်းနိုင်ငံရှိ စစ်အာဏာသိမ်းကောင်စီရဲ့ မြန်မာသံရုံးဟာ မြန်မာရွေ့ပြောင်းအလုပ်သမား တွေအတွက် ဝန်ဆောင်မှု ပေးရာတွင် အဆင်မပြေမှုကြောင့် ထိုင်းရောက်မြန်မာလုပ်သမားများ ဒုက္ခရောက်နေရပါတယ်။

စစ်တပ်က အာဏာသိမ်းပြီးနောက် နိုင်ငံရဲ့ မလုံခြုံမှုနဲ့ အထွေထွေအကြပ်အတည်းကြောင့် မြန်မာနိုင်ငံမှာ အလုပ် လုပ်ကိုင်နိုင်သော လူများဟာ ထိုင်းနိုင်ငံသို့ တရားမဝင်နည်းလမ်းဖြင့် ဝင်ရောက်လုပ်ကိုင်လျက်ရှိပြီး ၂၀၂၂ ခုနှစ် ပထမ လေးလပတ်အတွင်း အသက်မပြည့်သူ ၂၀ အပါအဝင် လူ ၄၀၀၀ ကျော်အဖမ်းခံရကြောင်း၊ ယင်းသို့အဖမ်းခံရမှုမှာ ၁၀ ရာခိုင်နှုန်း ဝန်းကျင်သာရှိပြီး ကျန် ၉၀ ရာခိုင်နှုန်းခန့်မှာ ထိုင်းနိုင်ငံသို့ တရားမဝင် ရောက်ရှိသွားကြောင်း၊ စစ်တပ်က တရားမဝင် အာဏာသိမ်းပြီးနောက် မြန်မာနိုင်ငံသားများ အုံနဲ့ကျင်နဲ့ ပိုမိုသွားရောက်လုပ်ကိုင်နေကြောင်း သိရပါတယ်။

ထိုင်းနိုင်ငံတွင် မြန်မာနိုင်ငံမှ တရားဝင်အထောက်အထားနဲ့ လုပ်ကိုင်နေသူ ၂ သန်းခန့်နဲ့ အထောက်အထားမဲ့၊ တရားမဝင် လုပ်ကိုင်နေသူ ၂ သန်းခန့် စုစုပေါင်း ၄ သန်းခန့် ရှိပါတယ်။


 


Related posts

Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
EPS စာမေးပွဲမှတ်ပုံတင်ကြေးအတွက် ည ၆ နာရီ ကတည်းက တန်းစီရ
Mar 22, 2024
Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024
Cover
စစ်မှုထမ်းရန်ဆင့်ခေါ်စာပေးပို့မှုများကြောင့် သားယောက်ျားလေးရှင်မိဘတွေ စိုးရိမ်သောကရောက်နေရ
Mar 15, 2024
Cover
ItaIian Thai DeveIopment Public Co,Ltd အား မြန်မာ အလုပ်သမား အမှုဖွင့်
Mar 09, 2024
Cover
ထိုင်းရောက် MoUလုပ်သား ၅၀၀ လုပ်ခလစာမရလို့ ဆန္ဒပြတောင်းဆို
Mar 08, 2024
Cover
တရုတ်နိုင်ငံတွင် မြန်မာလုပ်သားများအား လစာလျှော့ချပြီး အလုပ်ထုတ်နေ
Mar 06, 2024