ရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူမြို့မှာ စည်ပင်ကစွန့်ပစ်ခဲ့တဲ့အမှိုက်ပုံထဲက ရရှိတဲ့ထိုင်းနိုင်ငံထုတ်လုချောင်းခေါ်ရက်လွန်အသားချောင်းထုတ်တွေစားမိတဲ့အတွက်အသက် ၃ နှစ် ၆ လ အရွယ်မိန်းကလေးတဦးနဲ့ နောက်ထပ်ကလေးငယ်တဦးသေဆုံးခဲ့တဲ့အပြင်ကလေးငယ် ၁၇ ဦးလည်းဆေးရုံတင်လိုက်ရပါတယ်။
ကလေးငယ်တွေဟာစားသောက်ပြီးနောက်အန်တာနှုတ်ခမ်းတွေပြာလာရာကနေ အခုလိုသေဆုံးတဲ့အထိဖြစ်ခဲ့တာလို့ဒေသခံတွေကဆိုပါတယ်။
"အဲ့အမျိုးသမီးကခါတိုင်းလဲ သွားရည်စာရောင်းတာပိုရင်အဲ့လိုပဲကလေးတွေတွေမျှကြွေးနေကျ အဲ့နေ့တုန်းကအဲ့အမှိုက်ပုံကနေသူတယောက်ထဲကိုအများကြီးကောက်သွားတာတဲ့ ကျမတို့ကိုတောင်ဘတ်၅၀နဲ့လာရောင်းတာတအားတန်နေလို့မသက်ာတာနဲ့မယူလိုက်တာ"လို့ဒေသခံတဦးကMyanmar Labour News ကိုပြောပါတယ်။
အခင်းဖြစ်ပွားခဲ့တဲ့နေရာဟာ ဘုရားသုံးဆူမြို့မှာလက်လုပ်လက်စားများပြီးနွမ်းပါတဲ့နေရာတခုဖြစ်တဲ့အမှတ်၁ရပ်ကွက်ဂေါက်ကွင်းနားကဖြစ်တယ်လို့အဆိုပါဒေသခံကဆိုပါတယ်။
"သူကမြို့ပတ်ပြီးစျေးပေါပေါနဲ့ရောင်းတော့ဝယ်တဲ့သူကဝယ်ကြတာပေါ့ဒီမနက်ပဲဝယ်ပြီးကလေးကိုကျွေးမိတဲ့အိမ်ကကလေးတယောက်ဆုံးတယ် ဘယ်ကလာပစ်သလဲတော့ကျမတို့လဲမသိရဘူး"လို့ဒေသခံတဦးကပြောပါတယ်။
အွန်လိုင်းပေါ်မှာတော့ယခုကလေးများစားသုံးခဲ့မိတဲ့အသားချောင်းထုတ်တွေဟာစားသုံးဖို့မသင့်တဲ့အထဲမှာပါရှိပြီးတော့၂ရက်ထက်ကျော်လွန်ရင်စားသုံးဖို့မသင့်တော့ဘူးလို့ကျန်းမာရေးပညာရှင်တွေကမှတ်ချက်ပေးထားပါတယ်။
"ပစ်ထားတဲ့ပစ္စည်းကိုမှကောက်ပီးရောင်းတဲ့သူကိုအသိနည်းပြီး ကိုယ်ရလိုမှုတစ်ခုကိုပဲကြည့်လို့မြို့ကလူတွေအားလုံးကဒေါသဖြစ်နေတယ် ဆုံးသွားတဲ့ကလေးတွေအတွက်ယူကြုံးမရဖြစ်တယ်"လို့လဲဘုရားသုံးဆူမြို့ခံတဦးကဆိုပါတယ်။
ဆုံးပါးသွားတဲ့ကလေးငယ်နှစ်ဦးအပါအဝင်ဆေးရုံတင်လိုက်ရတဲ့ကလေးတွေရဲ့မိသားစုဝင်တွေဟာနွမ်းပါးသူတွေဖြစ်တဲ့အတွက်ပြည်သူတွေအနေနဲ့တက်စွမ်းသမျှကူညီပေးကြဖို့လဲမြို့ခံတွေကတိုက်တွန်းပါတယ်။
ကလေးတွေကိုကျွေးမွေးပြီးရောင်းချခဲ့တဲ့အမျိုးသမီးကိုတော့ယမန်နေ့ကပဲစစ်ကောင်စီတပ်ဖွဲ့ဝင်ရဲတွေသွားရောက်စစ်ဆေးခဲ့တယ်လို့သိရပါတယ်။